但樓主既機會成本好大，大到好似all or nothing 咁，無咩錢係身既人反而仲易選擇
樓主有無打算搵婚姻輔導，搵第3者提供專業意見去點醒你老公？當係分居or even 離婚前既一個鋪排
先至更加會想移民啦。唔移又邊有資格講愛國呀。
咁唔係中立喎，無得攪！
但一個家庭幾個人唔可以淨係講夫婦之間嘅愛，仲有對仔女同其他家人嘅責任。如果樓主要求老公愛樓主自己多過老公自己，咁樓主其實都係愛自己多過愛老公。。。如果一句你愛自己多啲愛我唔夠就分開，我覺得兒嬉咗啲
1個讚
我就係咁諗，太nancy, 係無法溝通到。而我性格，係希望思想溝通到，唔係單單大家夾到食、玩。
所以我到呢一刻，我還是想帶小朋友走。
1個讚
夫婦間冇左愛其實已經冇家，呢個唔止係邊個愛邊個多d嘅問題，而係價值觀問題，我唔認為樓主係要求老公愛佢多d，而係佢老公根本唔明白佢嘅想法，咁仲點一齊行落去，仔女唔會係人生嘅全部，女人唔會因為生左仔就要俾仔女支配一生，呢個時候應該係諗下自己嘅人生想點過先係最重要
4個讚
大家唔洗咁快跳到去離婚既。
可以樓主去咗英國先，變相分居。帶唔帶小朋友就視乎一家人嘅意願啦，一個人過去先都好過無變化。
可能樓主去到英國，試過分居，就會諗清楚自己喺自由/婚姻/仔女間點取捨，到時再決定返唔返香港，進可攻退可守。
1個讚
可能佢老公明，但唔認同，就正如我哋同樓主唔認同佢老公一樣
2個讚
唔係仔女支配自己，而係做父母生得個小朋友出嚟就要照顧佢哋對佢負責任。負責任唔等於要比最好佢，亦唔等於永世要委屈自己同一個唔再適合做自己老公嘅人一齊。有啲人會選擇仔女大d先決定，有啲人會直接嶄纜。呢啲一切都要睇樓主自己價值觀，到底佢認為移民整體對自己同小朋友來講重要啲，還是唔離婚大家繼續好好維繫呢個家庭重要d。無絕對嘅，只係一種選擇。可以揀自己（照移民），亦可以揀仔女（留港，維持家庭）
5個讚
其實係，加上仔女細，至少有十幾年生活要父母幫助，放棄本身已經建立既野去重新開始呢個決定唔容易。
我有工作調遷而移居，同時我老公為左屋企放棄左係香港建立多年既生意，雖然因為我有工作，香港亦有物業收租，生活上無乜憂慮，但我都知老公難受，由如工作日中天到而家無工作，心態上調整，佢都好艱難。好在目標一致，仔女前途行先，但佢既付出亦好大。
3個讚
只可深呼吸一下再忍，盡量反洗腦呀女。
而家佢都識講：「因為你哋唔鐘意美國咪話covid係美國做整㗎囉。」
希望等佢大個，老人家唔喺到喇，就帶返佢去外國讀書生活。
2個讚
v true, wkm 轉ftm都呻啦，何況係做慣野事業成功既男人？比起一般打工男，任何人都replace 到既position，佢地唔想走其實好易理解。係咪有左細路就要無左自己呢？每個人既答案都唔同。
5個讚
樓主，你老公係香港咁安逸，好難叫佢走，因為對佢來講，冇迫切性. 去英國佢都面對的問題更多更大，既然國際學校可以解決問題， 點解仲要走？呢個係佢或者好多人的想法。
但係有啲人覺得唔止係教育，仲有生活上的轉變佢哋接受唔到，寧願走。除非你老公明白呢點，否則佢唔會走架啦。不如你諗下中學送子去留學，你久唔久走探仔，等自己都舒服啲。
4個讚
講得岩，我老公就係咁，移民基本上做唔到本行，有時我都覺得佢自私，但有時又明白有啲男人真係放事業第一位。。。唯有儲多啲錢，將來送小朋友去外國讀書先。
其實樓主都好，已經可以送小朋友讀國際學校，行左呢一步先，再慢慢傾
1個讚
唔想變唔係大晒，兩個人想在哪裡生活，從來都是一個共識。不過留低嘅理由通常都強過離開嘅理由，所以多數結果是留下。當然亦有願意遷就另一半而全家移民嘅例子（樓上好似有一個），但這是少數。
香港人鍾意返工
就算生活無憂都唔想無所事事、可能唔慣、有啲精神寄托開心啲、或者搵下兼職進修下
1個讚
我其實好疑惑國際學校係咪解決到問題、除非真係完全唔理出面發生咩事、不過國際學校慣左流動性大、可能到時大家都接受走呢
如果另一半唔想移民，真係冇得迫。唯有等待時機，俾多啲資料／有關YouTube 佢睇，希望佢思想上會有轉變，因為而家香港或者世界局面每天都轉緊，可能有一日佢會改變決定
首先解決咗部分係，起碼學校唔會直接教國安法，唔會升國旗。比較要小心係普通話堂。
但亦視乎邊間國際學校。如果多藍絲/中國人讀，小朋友返學講嘢都係要小心 ，家長谷都係有好藍嘅言論。
ESF多藍絲，政府又特別睇緊佢，就要繼續小心。少香港人/中國人嘅國際學校就會好啲。
不過就算小朋友讀好外國人嘅國際學校，都只係解決咗小朋友洗腦部分，大人周圍嘅政治高壓環境係無變嘅，所以要睇你自己介唔介意。
5個讚
隔離post有兩段video， 媽媽能屈能伸幸運地由做廠再搵到Office工，重可以part-time轉perm
爸爸好堅持想移民，但去到鬱鬱不得志，適應唔到。銀両有限喺英國既生活冇香港之前想像嘅咁美好，又唔想去將就
中間好多矛盾，兩公婆有離婚嘅念頭
移民適應與否其實好睇性格。
希望安慰到你，勉強個老公過去，去到怨天怨地都好難頂
結咗婚坐埋同一條船，要斬攬好大impact. 對方嘅性格係咁，有時好難去改。 大家一人讓一步（I.e 國際學校,外國升學）未必係最理想，但都可能係一個現實的解決方法
7個讚