我同C6都有BNO, 2個仔10歲、7歲(讀名校但辛苦到暈)，我好想走，因為愈來愈接受吾到自己個屋企攪成咁，最最最重要當然係為咗兩個仔，希望佢哋可以有好嘅環境生活同學習！
平時樣樣嘢我C6都好遷就我、聽我講，但一講到移民佢就死都吾肯，主要係佢好痴佢屋企人，但只限心靈上喎，因為佢其實又唔會成日主動見佢啲屋企人！我完全吾明囉！佢話以前一個人去過外國做嘢幾年，個心成日都係覺得要返香港先係自己屋企喎！咁宜家吾同嘛！係一家人去又點同呢！
我同佢喺香港都係做中高層，我近年已經好想quit份工，多啲照顧小朋友，但C6係超級唔鍾意變嘅人，一份工做咗2X年！唉… 有咩方法可以令佢改變主意呢？我日日左腦打右腦，成日吾開心………
痴屋企人唔係唔走嘅理由，而且佢屋企係你同仔仔喇，唔再係原生家庭。
對佢黎講無動力要走架喎，佢係咪覺得啲仔一路喺香港讀書都無問題？受x國思想影響都無問題先？如果係，就唔存在「為仔女移民」呢個點。
一係，就係為老婆mental health 而移民，你要展示到比佢睇你有幾快會癲
你地移民opportunity cost唔細，佢取捨唔到好正常，要大大力push
之前社會運動，我係黃，佢話自己係中立，因為佢覺得總有岩有錯，同埋其實佢宜家生活無憂，做乜要改變！我吾知佢真係覺得無問題定點，但佢一向係咩都吾會諗、見步行步嗰啲人
其實佢以前係名校舊生，係一定要啲仔讀返自己學校嗰啲die hard alumni。但呢2年佢有啲舊同學都情願轉個仔去讀國際學校，吾讀名校，最近我同佢講，見啲仔喺香港讀書實在太辛苦，大人都好辛苦，佢先提過話叫我搵下國際學校資料比啲仔喎！
但真心我想講，與其每年用2X萬比啲仔去讀國際學校，點解吾直接一齊去英國呢？唉，見住身邊一個二個朋友走到都走，走吾到都走(我有朋友冇BNO都情願花一百幾十萬搵方法做投資移民)，我好抑鬱呀！
再傾下，同佢講下你想走嘅原因，亦再問下佢嘅意見，冷靜討論，比多d英國好嘅野佢睇。
如果環境許可，你同仔仔過去先，美其名陪太子讀書，實質就係移民唔返。
你老公咪留佢係香港癡住屋企人囉，咁唔想走應該逼唔到㗎了
佢份工應該係佢最大考慮，佢唔想放下身段，由低做起
我情況同你差唔多，我老公高層，屋企有啲錢啦，已經讀緊國際學校，政治理念超級兩極，佢都唔想走，一來屋企人（孝順仔），二來工作手到拿來又高人工（做左1x年）,3來小朋友已經國際學校緊，都係西式教育，冇咩動力走。
我冇計，唯有一齊留（當然我都唔捨得屋企人）
我c6一樣，佢覺得去到外國都有問題要面對，而家有份工好地地，唔明點解我成日都想帶小朋友走
但咁樣會唔會怕到時入藉遇到問題？始終樓主無和老公離婚
咁冇得搞，首先佢覺得香港冇問題，點解要走先，更何況人工高收入穩定，更加零誘因走啦
移民唔係淨係用錢嚟衡量，我成日同移民嘅人講，離開就要放低香港嗰套，佢嘅心態你迫到佢走都無用。或者考慮下仔大送佢哋去外國。
長期分開對夫妻關係都唔好喎⋯
我覺得通常唔走係因為人工。過到去好大機會搵不到相同人工。我見反而現時人工一般的都容易過心理關口。其實我都想走，係頂唔順呢度防疫監獄。
呢啲好難搞，佢唔心甘情願過嚟既話有乜唔合心既事都一定會怨你。一係自己帶小朋友走，一係大d送去外國讀書
所以冇架,
一係等俾人共產, 佢先會醒
一係迫自己留低做港豬, 你會開心d
以而家既狀態叫佢走冇咩可能
我情況都有啲似，老公唔夠我黃，小朋友讀國際學校，年紀和你嘅差不多，老爺生命倒數緊，好多無我能力嘅朋友已經走咗。
最後喺因為我對政治環境好敏感，個人發曬顛，成日喺屋企喊，唔肯再見娘家和男家，每星期都同老公嘈一次移民，嚴重影響屋企運作。加上佢終於搵到份英國工，佢都知我無法喺香港生活，終於移得成民。
我之前甚至諗過，我寧願唔要兩個仔，唔要老公，我都要移民，無得移民我去自殺算。老公都知我喺咁嘅人。
另一個角度睇，你小朋友已經讀國際學校，所以暫時都唔洗太擔心佢哋著，你要擔心嘅喺自己情緒。
咁即喺變相離婚了，咁又唔喺咁好，尤其對小朋友影響大，佢哋會好掛著爸爸。我有朋友試過咁做，兩個月小朋友已經喊曬。
咁唔係淨係人工，工作環境、生活環境、屋企無工人等
而且19年仲中立，根本就睇唔到情況既危急
我名校舊生朋友去英國都係比仔女讀私校，因為唔係間閰公立學校成繢佢哋睇得上眼。
而且除非已經財務自由或者揾到英國工，否則要放棄現有收入去英國重新發展要好有理念先做到，而你先生19都中立，點會肯去?
其實一切都係佢吾想走嘅藉口！！自細吾駛憂柴憂米，成世人都有工人用，宜家層樓都係屋企人比錢買，佢不嬲吾想理世事，覺得個個地方都有本身問題，去英國就無問題咩？！宜家好好哋過生活，簡簡單單咪好囉！吾想變
佢之前係堅持死都要啲仔讀名校，之前講過點都想佢哋讀到中學畢業，再比佢哋自己揀去吾去外國讀書；到最近一次再用小朋友讀書呢個問題同佢講，先第一次話叫我搵啲國際學校資料佢睇睇再諗，咁算吾算退讓咗一步呢？！
老實講，除咗小朋友將來問題，我都好吾想日日生活喺呢個鬼地方！雖然我屋企人都喺晒度