我知我咁講你會唔啱聽。。。而家個個都講緊移民，你整個生活都會充斥住呢個想法，諗得多就會覺得「非走不可」。但事實係咪唔走唔得？唔走會有咩後果？嚴重得過散咗頭家？過多幾年，呢個念頭會慢慢丟淡，你會慢慢習慣。係，係唔係你想要嘅，但可能不惜一切過去要放棄嘅更加多呀！你未去都已經成日嘈，到安排過去、同過到去要嘈嘅必定更加多！切記呀！
一係你直頭同佢分開，你自己同仔女去 —— 假如你認為為咗移民係值得咁犧牲的話
3個讚
我都有經歷過自殺嘅心理歷程。
然後就係諗，既然諗到自殺，可以諗咗離婚先。
既然諗到離婚，可以諗咗分居先，自己一個帶兩個小朋友去英國住著先。
既然諗到分居，可以只帶一個小朋友，或者自己一個過去先。連5+1都唔諗啦，最多無限續 visa。
當時我就同老公講，我帶大既小朋友過去先，如果ok，接埋細嗰個。唔ok都仲可以退
7個讚
究竟需唔需要為移民犧牲家庭，當然就係大家點睇香港前景。
例如會唔會好似大陸行健康碼，低分邊度都唔去呢？
如果屋企有錢可立即投資移民既，咪一邊好好計劃，一邊睇睇下有冇彎轉
首先你要清楚啲自己人生想要啲乜：婚姻？孩子？老公？自由？
基本上你答到已經知道點做
5個讚
我都好想走，細路學費綁住咗，無奈能力有限，本來好期待好興奮夢寐以求嘅第二人生唔知開唔開展到，明白走到都要捱但至少有人生自由，而家打回原形唔知努力生活唔知為乜嘢？
1個讚
最後結果係？
結果就無咩參考價值了，純粹好彩。
老公嘅朋友撩我老公加盟佢公司，傾傾下傾到可以喺英國remote work，結果就全家一齊移民，無用到我原來個plan。
反而我有鄰居因為其他原因，一帶二咁去咗英國。不過佢小朋友好細，見唔到爸爸狂喊，而家仲諗緊方法調埋老公去英國
1個讚
吾止係小朋友教育問題，仲有我自己愈來愈接受唔到嘅大環境！係我都想走！
4個讚
你忍到係你叻囉
佢話自己係中國人，吾想走！
我全部都要~
可惜現實有時魚與熊掌不可兼得
所以我成日都話D人唔捨得份人工而留低
1個讚
原來你已經喺UK…
但由頭到尾，你嘅問題好似係你同佢屋企人？吾係你同你老公？我意思係你老公本身都打死吾肯走咩？
咁… 你地理念差咁遠, 好難一齊生活
1個讚
我有朋友同我講好多年前想移民去澳洲，當時仔細，老婆又唔捨得老人家、又唔捨得份工，死都唔肯走，家嘈屋閉咗一兩年，最後我朋友呢度只可以二揀一，移民或者老婆，佢最後揀咗老婆（不過佢哋好好彩，因為呢幾年社會事件，老婆態度有變，最近仲同埋仔仔一齊成家人移民咗去英國）
2個讚
同你朋友情況類似啦。老公唔捨得屋企，唔捨得份工。後嚟香港環境越來越差，佢態度有變，加上找到英國工，終於成功走咗。
認自己中國人係另一個層次，唔係中立撚喎
5個讚
聽你咁講，其實你老公係nancy啦，咪同佢攤牌，如果唔走就離婚，因為你忍受唔到留係香港，但你未必可以帶走仔女，佢應該會同你爭撫養權，佢屋企有錢有資源工作穩定，贏面好大，即使撫養權你爭到返來，都要佢簽紙同意你帶仔女移民英國先會批簽證俾你，你要諗定呢d後果
2個讚
理念唔一樣好難搞，結婚時係點，一係以投資的名義，先係英國置業，為將來一切做定準備。小朋友如果轉左國際學校，他日出國讀書機會都好高，有d高小都走左。
我諗你想賭一鋪
睇下老公對你既愛可唔可以大過自身利益
好多野的確係事在人為
特別係你地唔係窮，選擇應該更彈性
老公唔肯為你改變
你會失望，然後更加唔開心
然後會更加唔愛佢
你可以選擇苟且偷生
亦都可以選擇重拾主導權
視乎邊樣野係你更加想要
無對錯
所有感受都係真既
1個讚
同意呀，真係試到老公係真心愛你還是自己大d，如果老公依然無動於衷比著我會考慮係咪餘生都同呢個人一齊，呢個時候，仔女唔會係我嘅第一考慮
2個讚