事源月頭知道屋企有老鼠， 已通知業主
咁今日都搵咗人黎補咗個洞 （冷氣機入黎）
正當我relax晒， 準備出門買嘢食時
我聽到間屋有啲好有節奏嘅 knock kncok 聲
唔似雨聲
我立即問個師傅（佢專整呢間屋啲冷氣）
有啲似抓木板聲， 之前我都唔覺得有呢啲聲
但咁岩今日又落雨
咁岩個廳有個木嘅假天花
我問個師傅會唔會係走咗過去
佢話應該唔會， 因為中間係石屎
咁我自己叩過， 假天花同冷氣機中間係石屎 ， 但我唔肯定米奇會唔會走到過去
我好努力同自己講， 唔係嘅
可能係其他聲
雨聲或者鄰居聲
但個心就係仍住係米奇
師傅封洞有叩下冷氣機， 但就無叩廳個假天花
我話咗比個朋友知， 佢話我 神經衰弱
比隻米奇玩到
點面對好， 需要正能量
咁買啲老鼠膠個啲放係屋企，睇吓係咪真係有
佢應該係困住咗係個假天花（ 如果真係有）
唉， 除非佢唉爛個假天花啦
通常見d人會放老鼠籠，睇下捉唔捉得晒
給你正能量
佢走唔到出黎， 如果真係有
佢而家被困在假天花
我只係聽到有啲好有節奏嘅叩木聲
（之前無啲咁嘅聲架）
多謝你
希望只是短暫神經緊張
無事無事
問朋友借只貓返屋企幾日。
係啦, 我都希望係咁
我個時坐係sofa, 頭頂就係個假天花,
之後行去門口, 佢D趕既來源又好似唔同左
而家我帶住ear buds, 但都總係覺得聽到有聲
最壞打算, 返屋企住, (上網話要成十幾日先餓得死佢地)
再壞D打算, 搬屋 (睇緊屋, 但又無咁多錢住新樓)
唔係呀, 我懷疑佢而家被困係假天花, 走唔到
我都唔知好唔好熄燈瞓 
（Sorry 可能會更加嚇親你）若然佢瓜咗，第一會有陣死老鼠味（我舊公司試過，我老細個鼻好靈，投訴咗好耐，終於搵人拆開個天花清理）。第二會惹小強。
我覺得拆開個天花先治標（若然真係有老鼠困係假天花）。
貓，我覺得都得嘅，始終小動物有D 方法鑽吼鑽罅。而且萬一隻鼠真係咬得爛個天花出來，貓貓就發揮作用（若然真係有老鼠困係假天花）
過多幾日再搵業主
即係咁，若然真係有老鼠困係假天花，佢一時三刻出唔到來，咁唔會搞到你先啦，係有D 噪音啫
唔係掛
， 咁我真係好L驚
我係個啲 聽， 嗅覺都好寧敏嘅人
無朋友養貓， 啊， 有， 有個， 不過佢係偏鼻貓， 但佢湊b, 我都驚隻貓會帶菌比佢個b
搵佢傾啲咩？
都係嘅， 所以我想調整個心態， 佢出唔到黎
但個叩木聲真係好密， 令我個人好緊張
好彩房係石屎， 佢過唔到黎， 我個心先定啲
買焗"室"噴霧毒死佢得唔得呢？ 如果聲音消失。。。
搵個唔怕老鼠嘅朋友幫手打開個隻天花
個假天花唔似有位打開
話就話唔驚啫， 真心要落手收屍， 真係無人怕嗎？
唉， 我諗我聽日如果仲聽到聲， 我要問業主之後點攪
學樓上話齋， 會有臭味