假天花如果開得，你又夠膽開/揾到人幫你開，就買個老鼠籠放啲食物入籠，捉左佢，大概三日再睇返個籠就知道捉唔捉到。老鼠板無用，買過幾款都無乜痴力，老鼠走得甩。
如果佢死左喺任何一個位置，一定有臭味同引來烏蠅
飛來飛去，烏蠅數量會不尋常地多，所以臭味或者烏蠅出現都一定知道。
唔使要借隻貓，有貓痾尿貓沙，用過毛巾，愈大貓味愈好，老鼠聞到就會走。
2個讚
我諗我要問業主有冇位開，
因為我見過就唔見有位打開個假天花
個次要換燈
我真係唔夠膽， 呢個月我已經成日覺得會見到米奇
個月精神已經好差
而家米奇入到黎嘅位已經封咗
除非有另一個位入
如果唔係， 我諗應該無需要借貓了
我都超怕老鼠。
為左安心，你都係買幾個老鼠籠放喺廚房/有食物放置的地方去捕佢。
佢哋通常夜晚/無人先會活動。放啲朱古力/糖喺籠入面，如果怕招惹曱甴就喺朱古力旁邊放埋曱甴/蟻藥粉。
放返三日至一星期，捉到就心安理得，捉唔到就當佢已經走左
1個讚
佢遲早會餓死係入面，屍體發臭。
唉， 我好唔想放籠， 已經唔開窗架啦我
但佢個叩木聲， 令我好緊張
我係度諗， 不如走啦， 我都係住咗無3個月
但已經有20日要係呢種驚惶感覺生活
好攰
哭， 唔好啦， 咁樣我真係投降
唉， 要搵業主， 睇下佢有咩辦法 
估唔到上天係咁樣要我返屋企住
唔識點做，我都好驚米奇，係超級無敵驚
快啲同業主講，搵辦法解決啦
有啲公司專係捉呢啲嘅，問下業主會唔會俾錢人捉或者點樣處理
再唔係自己俾錢都要搞掂佢
同米奇生活諗下都會癲
一定要處理呀
祝福你
1個讚
我以前唔知我驚米奇
未見過
呢兩次我認知係米奇
我成個人都凍晒
個腦仲唔識得郁
（我問個朋友如果見到米奇咁點， 佢話緊係第一時間拎嘢走啦，
我話係喎， 個腦完全諗唔到嘢）
佢應該會叫人上黎整
但唔知要等幾耐
我越諗越有啲嬲嬲地
整極都整唔好件事
越攪越麻煩咁
之前補冷氣個洞已經係我比錢
捉老鼠我真係唔想比
我住咗都無三個月， 未夠第二個月就已經有老鼠
我個人都就黎cls 
今晚瞓先啦，起碼今晚係安全。聽朝搵業主講
2個讚
如果係放置好食物，又搞好家居清潔。
有機會係嗰到有鼠患，如果係呢個原因，除左搬或者裝金屬蚊網，別無他法。
我試過租大廈樓下全是食肆，加上同層鄰居極不衛生，每日返屋企，公共地方一定見到老鼠，住完死約即走。
如果唔係外在環境問題，偶然一隻，自己太怕就找滅蟲公司幫手。
1個讚
都要瞓， 都點幾，唔想咁樣挨眼瞓， 謝謝你回覆我
未有米奇入屋， 偶然放麵包係台， 會煮飯， 隔日拖地
有咗米奇之後， 完部放入雪櫃， 嘢都煮少咗
搬咗黎先知係鼠患區
好彩嘅係， 暫時未有真係見到
唉， 我仲諗緊， 住定唔住落去， 好有陰影呀
我係開始有個種， 唔想留係度
好驚又聽到啲唔知咩聲
裝金屬蚊裝業主應該唔會啦
但諗起， 上黎封洞個師傅講， 你呢度個冷氣機喉嬲都無封
哇， 咁低層， 樓下又有食肆， 咁都唔封？
如果困左係假天花好恐怖
佢驚我又驚啦
不如搬
我睇字都feel到你好驚
1個讚
你嗰舊咩黎，個形好似老鼠
講笑。
唔怕㗎，你開住燈瞓啦，有光啲老鼠唔出黎的
早啲瞓啦…
夜麻麻，你做到嘅已經唔多
明天再諗
1個讚
係heater, 唔好玩我啦， 佢唔似架， 佢真係heater黎架
廳我唔敢熄燈 （唉， 點解要咁樣）
但我瞓唔著， 個腦都係 聽到個啲叩木聲， 同埋想搬嘅話， 點講