好擔心 
我個仔宜家兩歲，佢都仲未肯去講嘢，除咗數1-10之外，其他都仲係講Bb話
眼見身邊朋友d仔女識講嘢，好擔心自己個仔
我個仔都係咁，
排緊期做評估，
係成日比長輩話我哋兩公婆無教佢。
1個讚
我個仔都係…連1-10都唔識講
1個讚
我都係, 下個月細仔兩歲, 咩都係BB話
係咪應該帶佢返健康院俾護士睇吓, 再轉介做評估?
:本身大仔都係自閉症頻譜
1個讚
宜家我個仔排緊去協康會到做評估，都唔知幾先先有，身體d人又叫我唔好咁擔心男仔係遲d
呢個疫情咁少接觸人，而且帶晒口罩睇唔到口型學講野，仲要係仔，遲講野好正常。
可以既話搵人跟下，再唔係係屋企同佢講多d野比多d刺激佢。
想當年疫情前，訓練小朋友既其中一個有效方法係帶去外地旅行，唔知點解好多skills都unlock 到。呢家疫情下無辦法，純fyi。
4個讚
你講好啱呀, 我大仔就係經歷幾次去旅行, 俾我兩公婆特訓, 所以講嘢勁進步
去旅行, 大人細佬都心情放鬆D, 又冇工人姐姐喺旁邊, 易教好多
所以外界刺激係好重要，連小朋友都feel到唔同左，係香港一直做唔到／唔做既係外國都做到，好神奇。
一直疫情下都困係屋企／細地方，連上zoom 老師都戴口罩，真係好難攪架。
今日健康院打嚟問吓小朋友狀況, 都有講佢咩都未肯講, 約咗下星期醫生會打嚟問診, 希望早D正視問題
我身邊有兩個朋友都係咁
其實媽媽分享只要唔係自閑症都唔太concern
慢慢就會識講
依家兩個都三歲幾都好精靈
都冇得擔心啦 大把人三歲先講
我個女兩歲幾仲未識講嘢，成日講bb話
我都係正常同佢講嘢，佢明就明，唔明/唔肯跟我學講嘢都冇辦法
反正疫情好多機構啲訓練班都停晒，暫時放飛佢由佢自由成長
1個讚
趁疫情未反彈去下唔同地方，去旅行會比平常交流多d
平時多講唔同其他故事
加強講野既動機，要餅要水要講左先有，或者要佢試下聽，
鐘唔鐘意聽歌，聽閒一齊唱下歌
唔駛太擔心, 我仔都係2y未講嘢, 去到2y8m先開始有少量單字, 跟住我搵私人言語治療師+自己上堂, 上咗5個月, 而家已經識講完整句子, 及早介入會對佢有幫助
男仔講野係會遲d架，同埋屋企多唔多人同佢講野，有冇返n班，呢個都好影響小朋友學講野，我女本身2歲講野都唔算好叻，一返左n講野好似開左竅咁進步得好快
首先做評估，唔好迴避問題係最緊要嘅。
鼓勵都唔夠，要迫佢講「俾」，否則唔俾玩具佢。佢喊半小時都唔好心軟，迫到佢肯講為了止。一講咗，其他字都會易好多。
除非評估肯定咗佢無sen，否則切記唔好順其自然，唔好聽埋咩大過就無事，因為頭6年係治療嘅黃金時期，過咗就無。
唔好等評估等半年，確診先做嘢。無事都可以治療，有好處無壞處。
留意政府偏向評估小朋友無事，私人機構偏向評估有事。
1個讚
我個小朋友今年兩歲，
都係成日唔講嘢。
我哋排緊期做評估準備見醫生。
我自己上網睇，
自閉症徵兆中左一半。
我講我小朋友。
建議你都信自己快啲去做評估。
1個讚
我唔認同要迫，而係要制造一個令佢覺得有需要講野，或者講野係好有趣嘅一樣野，越迫只會越有反效果，小朋友唔會理解點解一定要講先有，特別係一d硬頸嘅小朋友，越迫越唔講，到時到候佢覺得有需要就自然會講
我排咗大口環, 但要12月先做到評估, 我怕佢連報學校INTERVIEW(下年幼稚園)都搞唔掂, 所以應該會去協康做咗先
我排中九龍，30號就做評估了。