親身經歷，我曾經好相信小朋友唔可以迫。
我聽咗老師講唔迫小朋友寫字，又用沙又用圖畫都無用，一年後話我小朋友唔識寫字，要入特殊學校。我即刻迫，小朋友變返正常，入返正常學校。
另一個小朋友唔講嘢，我又係聽人講順其自然。直至我上咗3P正向課程，都係教要堅持，唔好因為喊就心軟。我話小朋友喊到嘔，老師話，佢嘔你就心軟？我結果唔再心軟，終於成功咗。迫咗第一次，佢就肯講其他字，即刻大有進步，唔再喊，一叫就講。但我已經浪費了六個月的寶貴時間。
2個讚
咁佢只係屈服係權威之下，唔係自願，有d小朋友唔係唔係唔識，只係唔想講
1個讚
我相信有啲小朋友如同你講嘅情況。不過都有小朋友唔係嘅。
所以如果鼓勵完唔得，就要試下迫。每個小朋友接受嘅方法唔同。我小朋友係，被迫完後，有咗規矩可依，反而係開心咗。
協康都要排、會唔會直接去私家做左先？
二至六歳係治療黃金期、早一個月開始就係早一個月、效果可以差好遠
1個讚
協康都要排, 排評估同interview係無衝突, 你可以一邊排評估, 一邊train佢interview skills, 我舊年都係咁, interview時小朋友雖然唔太識對答, 但所有task完成晒, 有自己推凳, 有同老師hello/byebye, 最終都有幾個offer, 放鬆D, 唔好因為未做評估就驚佢連面試都唔得
如果4歲小朋友都唔太識講（希望只係唔肯講），但佢父母認為佢小朋友無問題（仲話佢開籠雀咁，但真係每次見都無見佢自己講野，跟大人講就有既），作為親人，有無咩辦法幫個小朋友？
唔係自己仔女唔好理， 就算係爺爺嫲嫲公公婆婆都係咁講。得罪講句，除咗父母之外，其他人都係塘邊鶴
3個讚
佢父母都話沒事，
你好難理得到。
做姨既都係心痛個小朋友，不過都明白自己只係外人。
私底下同家姐/妹講，你擔心嘅野我明白，不過家姐/妹可能一早感覺到，只係唔想面對。
我同事姪仔就係到四/五歲都只懂跟人講嘢，而家8歲讀緊特殊學校。但佢地一早有跟進，兩三歲已知，用左好多錢都無幫肋…
同人地父母提過，點處理等佢地決定啦。
難聽啲講，佢地唔理，你係咁提，到有一日佢地冇得唔面對小朋友係有事
都會怪你咒佢。。。
「係啦佢E加有事啦，比你講中咗啦，你滿意啦？」
2個讚
暗示過下既，加上我聽講保母有同父母講，不過父母都係ignore左，可能你地講得岩，唔太想面對，希望大大下好。不過我明白自己唔合適再講大多。
如果你提出咗意見，其實你已經盡咗力，我覺得決定之後點做就交返比父母，唔好過界。
好appreciate 你好心，但都要尊重人哋意願。
純粹個人意見 
1個讚
當年我個兩歲講好少野，兼且冇眼神接觸，去interview nursery 唔收，話佢似自閉，我喊咗成個禮拜，即做評估，話佢應該係。其間有間 nursery 收，又排到特殊幼兒中心做訓練。上咗三個月又做評估，話佢已經唔喺，即刻唔比上堂，叫我讓個位比其他人。
上幼兒班其實幫助好大，見多左人，多左人際關係。現在讀小學開籠雀咁，想佢整靜啲都唔得，所以真係要時間。唔一定個個冇講野都係自閉，真係要做評估。
agree返學見人有用, 我小朋友(3y1m)都係踩界自閉, 評估完都係再觀察, 但我一直有返N班, 停課期間就自己做家居訓練同上speech training, 復課後老師讚佢進步咗好多, 講嘢同情緒都好咗, 希望之後評估有好消息
我細個就係咁，係特登唔講 
有性格