係呀我表達方式冇咁好，好多時人哋都誤會我嘅表達，19歲就跟咗我老公，咩人生經驗都冇，其實都幾可憐唔識就唯有上來問，因為身邊朋友先剛剛開始出嚟做嘢讀完大學，搵唔到佢哋傾。
同埋我都好明白女人要有自己事業同埋學識，但呢幾年我都發掘唔到自己興趣，完全冇嘢想學，都擔心自己一個女人嘅前路，如果你哋得閒都可以俾啲意見我
你地年紀輕，老公又賺到錢，花一兩年搵專業人士砌好個financial profile ( 報好稅，同你都好可以自制收入），再儲多一、兩球，買大西北三房都唔係唔得
1個讚
呢度表達又出問題了，上面講完老公月入15萬，然後話自己可憐，人哋一睇就覺得你好串。
你上網睇吓買樓嘅流程，需要咩資料，咩係按揭，有個基本概念先啦。
我話可憐嘅意思係話自己冇學識
你睇我都唔識講嘢喺屋企我都唔講嘢嘅，長期對三個小朋友bb同老公，我嘅世界好細，之前有出過黎返part-time都係唔出聲，因為講親野都驚得罪人，唔係驚係一定會
講者無心，聽者有意，自己要注意吓。
咁樣我覺得做人好大壓力。。你咁樣算唔算網絡欺淩？
但係有人就會話 「吓咁樣好多咩你真係井底之蛙」
一係就話「你咁樣都話慘我嗰啲算係咩」
其實講咩都死睇你心態，我就純粹戇居居咩都唔識上嚟學下野
2公婆一人一間最簡單係用各自收入證明倣mortgage買，你老公個度反而唔難，去揾mortgage referral幫你執靚盤數先去銀行申請，而你咁後生就唔應該做ftm啦，出去工作增值自己，咁先有資產增值
2個讚
我以前都係攪開小生意，其實一間公司報足稅對自己、員工、客人都有保障，千祈唔好慳果少少錢
另外，如果唔識計稅，其實係可以搵會計師幫手，會計師會教你有啲咩支出係可以計入公司度，變相交稅條數會靚仔啲
總之先攪好你老公公司嘅稅務先，之後先再諗投資物業，呢啲錢銀嘢全部一環環扣住架
5個讚
我都有諗過，因為有三個小朋友要請兩個工人先搞得掂，計埋佢哋飲食都10,000鬆啲，我都講過我19歲就跟我老公而家出嚟做嘢人工隨時得10,000頭，所以就唔容易，會唔會有啲嘢學吓先，自己完全零興趣，我都好想好似人哋咁坐Office月入20,000up
但係自己冇本事呀嘛
做人一向都大壓力㗎啦
咁都算網絡欺淩的話，我無話可說
6個讚
19歲嫁人唔係唔識野的借口，你又想資產增值但又唔action，咁好難幫你
6個讚
完全認同。
信用要用時間建立，無論公司/個人，銀行最信嘅證明就係會計師嘅 audit report 同政府發出嘅稅表。
2個讚
多d去睇樓，睇得多自然就知自己想買邊類型既樓，同埋為左乜去買。混熟d地產，問下佢地行程，如果見你有心買既，有筍盤自然會搵你
你經濟狀況可以點做按揭，係應該去問清楚銀行，佢地最能夠答到你同教你點做
當然可以上網問人，不過首先要自己做功課，睇唔明先問人。零concept，無人會捉住你手教你寫野。而家唔係幼稚園小學生學野。買樓真係唔係買菜，要自己多睇多聽，要落手落腳去做，自然會知道點做。
你連自己第一層樓應該買黎收租定自住都無主意一舊雲咁，唔知自己想點，大家其實答你唔到，因為做決定個個係你一家。另外，未學行就唔好學走，第一層樓都未買就諗第二，三層，太大想頭。
好多野唔關有無學識/年紀問題，想要乜就主動去唔同渠道搵，況且而家上網海量咁多資訊，咪自己google下囉。你識上formu，肯定識用google search啦。成日覺得自己可憐同慘，咁就真係會變到好可憐好慘架啦
9個讚
唉唔好理人講咩，大家人生唔一樣，有人適合做家庭主婦，有人識合做生意，揀自己想行嘅路就得
但增值自己都係好事，而家做ftm好幸福啦，上網有咩資訊係搵唔到嘅，周圍爬吓文都會學到嘢
關於置業你可以睇吓呢個網頁，好多資訊
https://www.moneyhero.com.hk/blog/zh/category/置業安居
3個讚
謝謝你先，我自己鍾意做媽媽煮飯做家務呢類型，但越來越多人都話女人一定要有事業，
令到我自己都一半一半，可以話係好擔心，如果成世做家庭主婦係咪唔可行？佢地大啲我就翻下part time，老公比下家用，安享現在咁樣又可以嗎，因為都出過黎返好多次part-time覺得唔係自己條路，雖然我唔識講嘢但係我好鍾意照顧小朋友同埋煮嘢食。
你咁後生就做full time mom ，四年就抱三（你話你19歲跟老公，同齡朋友宜家先大學畢業估咖咋），如果你老公肯，叫老公買層樓畀你只寫你個名，都係保護你自己嘅辦法。
3個讚
無話可唔可行，好多人都係咁，但一定要學懂保障自己。保障自己既方法有好多，例如有人話叫老公買樓寫你名（呢樣要好有技巧地做）、收埋私己錢、學定一門可以養活自己同小朋友既手藝等等，唔好100%只依賴老公，因為真係無人知將來發生咩事。
1個讚
係呀 我有親友做小生意 為左慳稅 都係搵會計師砌靚盤數 然後交好少 甚至唔使交
然後我先生話 咁日後想賣左盤生意 咪無value俾到人睇 盤生意唔值錢
（全部唔係我親身體驗 都係聽人經歷
有錯請指正 學下嘢 ）
2個讚
係呀佢主動同我講話想買樓會寫我名，現在十劃都未有
因學有啲留言講資金不足，最緊要保障自己佢每月會比錢我，對我來講萬一佢走路，我都有錢淨，但我老公係好男人，直到呢刻為止，將來嘅事希望順順利利
謝謝你提點