應該租比人，自己係出面繼續租屋住，
還是買樓後自住，不太識玩法，因為會計劃買第二三層樓，冇經驗，希望有心人可解答疑問
點買第二間？！要俾多15%喎，除非係2公婆一人一層
如果租俾人，首置要50%，高成數按揭咁出租係犯法，佢間唔中會問間屋係咩情況。
想買第2層樓就記得第一層落1個名算，但要過到壓測。
第3層我覺得極難買到，要將第2層近親轉讓，即一人要食到2層樓壓測，第2層既按揭壓測好似係35%，難左好多。
1個讚
買第一間自住先
你係驚買左第一間唔夠大俾自己用所以有雙租念頭？
好奇點解你未買就諗第二三間？
因為同老公唔係諗住安穩有屋住就買一間，
希望可以買唔止一層。
原來係咁，因老公朋友有買樓，經常同老公講，買第一層係最辛苦，但當你買到第二層的話，買第三四五層就容易得多，請問是否供斷才可買第二層？
第一層會寫我名，聽你講，同上網有睇下資料，買樓真麻煩，好似我同老公同人合作生意，冇收入證明，恐怕買一層都難。
唔怪得咁多人有錢都唔會買樓。。但我聽完你地講後認為買一層樓都係必要的，為女兒著想，我有三個女，我哋瓜咗佢地起碼有層樓分，減輕她們壓力，唔買又唔得錢幣一路貶值。。
我三個女兒，本來想學人買開放式用作放租，因為第一間買四房未免太困難吧。。。
唔洗供斷第1層就可以買第2層，以前好易係因為樓價升，好快可以轉按套現做第2層既首期。但第3層我自己試過係難好多，香港壓測都幾嚴，除非人工食到2層樓，但人工咁上下買既樓又想有d 質素。最後我決定買完2層換樓算，住大d享受下。
BTW,呢幾年樓已經冇乜升，冇轉按套現呢支歌仔唱。
3個讚
請問你有冇忠吿比到我地
忠告又稱唔上，睇下你地有冇諗住移民，冇的話我自己覺得買自住樓好過年年搬屋。唔知你財力係點，不過投資又唔一定係買樓，都仲可以諗下買股票車位工廈，我自己做法係平時keep住買股票，過幾年儲到筆大既會投資不動產，都係唔想揸現金。
1個讚
你先生係做生意冇固定收入，我唔知你自己有冇返工，如果冇嘅話，本身就好難做高成數按揭。
咁你睇下你地手頭上有幾多資金可以做首期，計一計數就知自己大概負擔到啲咩價位。
負擔到嘅環境會唔會比而家好？
如果仲差過而家，我諗你都唔會用嚟自住。
放租又要計下回報，細價樓升值空間有限
啱啱睇返樓主老公搵6萬蚊…自己係ftm…
我諗呢個bg好難買，除非你地有幾百萬cash 未開頭啦 
你不如真係計計數先… 
2個讚
6萬仲諗第3間，有d難
我講個好多次唔係六萬蚊啦，每個post都要解釋，次次解釋完啲人又話我show off
嗰時有人問先講話最少有60,000，嗰時講60,000係因為唔想直接講比人聽搵幾多。
依家講多最後一次佢每個月搵15
儲蓄3000000
Btw 點解開親post啲人都要睇返你之前啲post，每次解釋一次然後無端端有人路過又話我晒人工
咁請問點樣Del左之前啲post
1個讚
老公同人合作生意，冇收入證明？咁合作做生意有冇正常報稅？
你有所不知，好多人做生意都係咁，納稅人啲錢去咗邊你都清楚吧
正解 
以前咁易買第二層樓
係因為第一層樓升得快
升左就可以用新既樓價轉按
又draw 到一舊錢做第二層樓首期
而通常上左車幾年後人工又高左
又可以搵銀行做第二層樓按揭
加上唔使俾辣稅
所以以前好似好易一開二
2個讚
同人做生意，冇出糧證明唔緊要。
用資產證明一樣借到錢。
1個讚
不如考慮full pay細單位放租
唔洗借按揭少好多煩麻，包括你老公冇入息證明問題，稅又平好多
2個讚