認同，同埋樓主如果係ftm過唔到壓測，full pay 先得。
1個讚
依家三百萬 full paid 應該冇咩選擇。
2個讚
諗咗幾次覆唔覆個 post，定係開新 post，醒起有其他人講過有咩直接講，唔好單打，我覺得佢講得啱，咁我就直接將自己諗法講出嚟啦。
我一開始睇個 post 已經黑人問號，同上面一位同問，「未買第一層點解會諗第二第三？」，之後有人提到收入，我先聯想返另外嗰個 post，順便睇埋樓主開過啲乜 post，我先發現原來嗰幾次我腦海都浮現「咩料呀？」原來係同一個人，原來隔空睇幾次都可以有話不投機半句多嘅感覺。
Sorry，完全離題，走先…
1個讚
睇返樓主得3百萬現金，唔知有冇其他資產。
而老公做生意，冇收入證明(但樓主話老公月入有6位數)
咁，公司生意收現金？出現金糧？
唔係好明。
1個讚
都多架，不過要揀啲舊區入手
屋苑/新樓就唔會有架啦
2個讚
要計劃下， 所有嘢都要諗清諗楚，經常覺得你喺我度單打，上得討論區咩都可以傾一餐架啦，我講親咩你都針住我，咁我係咪要為咗你改咗個名刪除晒所有post？佢次次都唔係解答問題而係不停搵人哋講啲嘢針住人哋，一係講唔啱聽就開post話人哋。。好啦跟住下次上來問吓「呢個菜式點煮㗎」你就會講「你真係好得閒，得閒自己買本書睇吓學下啦」
客人直接過數俾我老公，有時現金，但呢個不是重點
你呢個budget點買第二三層…第一層都要睇餸食飯仲要唔好諗豪裝
成家每月income maximum 得60-150k仲要三個女
供書教學醫療應急錢，呢3M saving 都係啱啱好…
不如叫老公揾多d先啦
我哋預計佢收入都會一路升，另外都話明未買過樓好多嘢都唔識上嚟學下野，所以買樓呢啲嘢真係唔識，兩三年後我會出嚟仲要咁都幫到少少
同銀行傾傾
2個讚
-
你老公公司過去幾年有無交足profit tax ? 如果full paid 稅局有機會查稅，不過3m 依家無乜選擇
-
以前咁易做到1開2係因為樓市處於上升周期，依家樓價就算唔跌（其實陰啲陰啲咁跌緊），都可能保持橫行，無穩定入息，做銀行借貸比較困難。
-
你老公既生意會唔會未來3-5年都咁穩定？建議你地唔好把3球擺唒落樓市，要留cash 做突發性開支
-
你老公搵15咁多都唔比家用亞媽，真係有啲講唔過去（reference 返上過post
）
4個讚
唔知你幾個囡囡幾大。
自己做個預算表，每個月可儲幾多錢，先至買適合的樓。
仲要預埋小朋友嘅醫療同教育開支。
3個讚
多謝你回覆先，有冇識啲朋友係決定唔會買樓？都有問過老公身邊嘅人，有啲話有錢都唔會買樓。真係要做個計劃表先得
1,冇，所以買樓對於我地來講好似有啲重重困難。
4, 唔俾佢係因為佢真係好衰，詳細唔講呢個位如果討論比較唔適合，但我老公係有比佢老豆
你ftm, 老公冇出糧紀錄/ 交profit tax , 咁有冇其他資產可以做按借錢？如果冇、300 萬cash 打算拿幾多出來買樓？
買不買、買到什麼之前也要計下budget 先架
咁好麻煩，正式銀行按揭稅單係必需既文件。你老公有無搵會計師？如果無人睇盤數，，唔好講買唔買到樓，比稅局追稅都好大鑊。
另外，如果有自住需要，仲要一家五口，其實唔理樓價係咩周期，買樓係必須的
3個讚
樓主，你成日被谷友串，係因為你問 問題嘅方法差。
-
正如其他谷友講，正常第一層樓都未買，點會諗點買第二、三層？
-
只話想買樓，想買邊度、幾大、樓齡、幾多個人住、首期有幾多、月供想供幾多… 等等嘅資料，咩都無，叫人點比意見。
-
關於買樓嘅資料，上網一查，去搵地產經紀、銀行傾兩句，就已經有基本概念，但你好似咩都無研究過，一舊雲咁，點討論
感覺到你比較年輕，但你已經係三女之母，大個啦，請努力改善溝通技巧。
17個讚
我過咗要買樓嘅階段了，身邊D朋友都有買，不過係用仔女名買。
買樓唔係短期投資，而不動產嘅靈活性又小，當急需用錢時，未必及時。
所以都係要計劃好。
4個讚
我有朋友係買細單位放租，然後自己出去租靚樓住，因為大單位抵租。不過我自己唔鐘意租人地樓住，覺得裝修唔啱心水，自住舒服左先有心機諗投資。
你老公做生意，有時政策時勢嘢講唔埋，都可能要留番多d 錢周轉。
2個讚
所以我哋都係一半一半，應該長遠keep住租屋，但租價一路升，退休都唔知點算，又排唔到公屋，但唔可以指望子女，怕佢地太大壓力