我有2個小朋友
1個3歲半
1個1歲半
2個都係自細唔鐘意食嘢，同埋好大脾氣
大既zoom 都我想講粗口
細既可以練仙，每次飲奶要哄一粒鐘，食飯係咁發脾氣，生長線先得3%，可以點
迫又食唔到，睇到呢一切
真係好想離開呢個世界
有咩值得我開心？
我自己究竟每日為咗咩？
4個讚
明白，真係好辛苦
其實3歲zoom 真係辛苦，小朋友3%都唔係自己控制。你咁上心，証明你都付出好多，加油
6個讚
你2個小朋友細係會湊得辛苦d，捱多排等大少少會好好多。另外練仙唔食就由佢地算，肚餓自然會食，我女之前都係3%-10%徘徊，呢d 基因黎，佢地跟番自己生長線就ok，媽媽唔緊張就係無敵！
8個讚
媽媽加油，小朋友有你好辛福的
我抱住由得佢既心態睇個仔，3%生長線就又得佢3%，大下大下自然就好湊d了，到時捱完一切都好值得
4個讚
媽媽辛苦啦，我既小朋友都係全班最細粒，去親公園都俾人搞錯歲數。我都懶得理，因為理過，理唔到。
食物可能選食少少，但營養豐富的，例如
雞蛋黃、芝士，呢d分量相對少。
盡左力就算，得閒搵人幫你湊，抖下氣
3個讚
唔好講3歲，我個5歲都zoom得好辛苦！
其實個人覺得生長線冇乜大意思！
小朋友有食野，唔徧食，就夠啦！
一個人食幾多先飽佢自己先知，唔洗太緊張
有啲細路就係食極都「un吱吱」架啦
有食咪得囉！
或者減少零食，希望正餐會吸引啲
你既存在非常重要，冇左你佢哋係地底泥
「有媽的孩子像個寶」
依家係特別辛苦，困獸鬥，大家都好明白！
所以我都覺得如果屋企附近有啲靜啲少人行既空曠地方，帶小朋友出去拍下波、踩下scooter 放電，放完又會餓一啲
2個讚
我知咁講會好廢話, 但真係唔好咁上心, 唔好信埋啲專家講咩三歲定八十, 無呢回事架, 大把turning points教好佢地
你開開心心, 小朋友練仙都仲係健康精靈就得, 加油!
3個讚
樓主抱抱
我小朋友食得唔算小，但都係好細粒，成日啲人都覺得佢細一歲，醫生話佢健康活潑就ok, 唔好太擔心
2個讚
3% 舉手
有時其他同齡嘅父母見到佢，會叫我女做妹妹，但問落原來佢哋嗰個細個我幾個月。
無計，條友仔冇胃口，個人又唔吸收，質佢食肥一排，又會病又冇咗啲肉。不過cant complain 因為老母我都係唔鍾意食嘢 
4個讚
最緊要其實係你既心情，你開唔開心佢地感受到，你唔笑佢地都唔識笑
將佢地d野擺埋一邊，想食就食，唔食就算；想學就學，唔學就算。你hae下先，做呀媽都要識隻眼開隻眼閉。
調節好再返去，give yourself a break
4個讚
有呼吸就可以啦，男人都係咁湊仔ji ma, 點解女人唔可以？
3個讚
多謝咁多位嘅支持同鼓勵
感動係有過來人分享
岩，我要學識放低
頭先晚飯，我真係崩潰到一個點
大既同細既，今晚唔願食
我自己都冇胃口食…
大家齊齊早啲瞓
瞓醒，希望我可以慢慢學識放手
23個讚
抱抱媽媽！上黎吹下水！我都好多謝呢度既人之前安慰我
1個讚
加油
疫情加2個幼童係特別辛苦
所以容許自己偷懶、容許自己放鬆
一條橡筋，都唔洗下下拉到行架
辛苦就上黎傾下、發洩下啦
2個讚
所以我會煮啲我想食既野，免得勞氣
5個讚
非常好
有時轉牛角尖係因為人太累，休息一下。如果訓醒仲係嫌世，就繼續hae 下先，慢慢黎。
而且今晚無食既飯聽日又可以再食過唔駛煮，幾好～
2個讚
莫講話你做媽咪辛苦，我當年後生衝動，趕公司大project，冇一晚midnight 前放到工，高層唔體諒甚至雞蛋挑骨頭，我有諗過尋死，好明白你
媽媽諗返生小朋友初心：健康，快樂就係爸媽最大心願，盡力照顧，唔好求完美，要抖抖，要放手
退一步，少執著，返返嚟就覺得自己之前好傻
人生好多痛苦都係咁就可以舒緩化解
3個讚
3%報到
我兩個小朋友都係練開仙，食量超細，細仔細時出街間唔中會遇到啲塘邊鵝，問我做乜虐兒，話非洲啲bb都肥過佢
以前我都因為食量問題覺得好困擾，有返去健康院同兒科度問。之後遇到個好有耐性嘅姑娘，詳細了解完小朋友飲食習慣後，同我講有啲小朋友真係食量係比較細，唔需要同人比較，聽完我係有釋懷，無再迫佢哋餐餐完成我要求嘅份量，後來小朋友大咗，可能活動量比細個多，食嘢係有改善到。
你兩位小朋友都仲好細，而家個個困喺屋企咁少郁動，天氣又熱，食飯前可能玩緊啲玩具未玩完，樣樣小事都可以影響到佢哋胃口，所以媽媽你唔好將呢啲當係自己問題。
zoom都一樣，其實咁細個，喺學校有老師睇住都難坐定定上堂啦，更何況係自己屋企呢？你要俾時間佢哋學習同成長，更加要俾自己有透氣嘅空間，聽歌又好，睇書又好，俾啲me time自己去放鬆，加油呀
5個讚
講到小朋友既學業，自停課以來我都有做home schooling, 盡自己能力比佢地學野。
但自從大小中招又好返之後，我就諗，唉chur咩鬼呀？返到學再算啦，呢家既學習標準都要重新再訂架啦，唔係個個小朋友都可以在家自chur r ma，比著小朋友chur到識飛天，開唔到學見唔到朋友都係得啖笑jie.
我呢家就hae埋了。日常學習routine 會安排，但心態都唔同了。
1個讚
媽媽抱抱，你辛苦啦。放寛心一點，佢唔食唔好逼，你餵都限30分鐘內，唔食就算，無謂搞到你自己都食唔得好，又辛苦。
如果有人比說話你聽，聽完嬲一下就算，小朋友健康就得，每個人，小朋友都獨立個體，所以生長線係參考而已，大個d到時再算。
2個讚