唔好睇得咁灰，咁樣繼續下去會好辛苦。我們都是和你經歷一樣走過來，回頭再看，這些都是生養兒育女必經的事，可惜是你走的這段時間經歷抗疫時間，所以特別不容易。三歲zoom 真的不必太認真，學多學少不必勉強，學業生涯還有很長，只能當現在過緊一個悠長假期。1歲半的吃得不好，那試試轉換一下食材，唔飲奶應該可以試試其他baby food, 水果溶，甚至街上買到的即食食品。方法總有的，轉換一下心態，小朋友見到媽唔開心，小朋友都不會快樂。 往後的日子養兒育女還有很多問題，青春期，讀書成績，考中學，情緒，這些相對上更複雜，對嗎？ 所以少少挫折，別氣餒，媽媽加油，我們都是這樣走過來！
3個讚
辛苦你啦媽媽
我細個都係咁架
食得少, 好易飽
一碗飯一點食唔完, 擺到三四點凍左我再拎黎食
細到大咁多年體重BMI 唔達標
但我慶幸一直身體健康
3個讚
唉，話口未遠，頭先就肚痾 
不過痾完見佢開開心心唱返歌無事就好。
2個讚
我個仔由出世到而家3歲都hold係3%，或者低過3%線，出街見d BB都就大隻過佢
以前我會好癲覺得佢一係唔食，一係食咗又唔見佢吸收。最後我放棄，望下望下都慣咗，特別係疫情下發現身體健康緊要過咩爛鬼生長線好多，有D小朋友嘅身高體重就係好堅持地低…
2個讚
媽媽辛苦了。
我都有兩個小朋友，大嘅成日唔想zoom，如果真係太辛苦，不如同學校傾下可唔可以其他形式（其實咁細zoom作用不大），或者索性唔好上啦，因為幼稚園階段始終唔係必需嘅。
我細嗰個小時候都係練仙咁，身邊嘅朋友成日覺得餓就自然會食架喇，但佢地唔明，唔鍾意食嘅小朋友真係可以唔食架。
我小朋友當時只係食少量好似啱啱維持到生命就算架喇，唔願再食落去，特別係見到身邊啲食得好好嘅小朋友更加會唔開心。
然後我唔開心咗一段時間之後，就諗通咗，無咁執著佢食咩（因為除咗食依part，其他又無乜問題），總之唔係太過份佢肯食嘅就算喇，漸漸地去到兩歲幾佢反而鍾意咗食嘢（雖然都會較為偏食）。
3個讚
我細個係食好多野都唔肥，果時未有生長線呢樣野，好慘架，d三姑六婆話我生蟲要食杜蟲藥，又試過飲符水 
大左食唔肥，大把人好羨慕我(生完bb有肥返d)
我一路都好健康好少病
最緊要健康，高矮肥瘦係dna影響
2個讚
抱抱，
辛苦你啦，都係想盡心盡力做位好媽媽
照顧小朋友之餘別忘了照顧自己。
幼稚園zoom唔zoom影響相關較細，
細b生長線嘅指標亦冇健康快樂重要。
俾個break自己同小朋友們，
重拾當初一家人輕鬆快樂心情先啦～
冇嘢比健康快樂嚟得重要～～
2個讚
同我一樣，反正俾心機煮左，佢地都未必食，不如煮自己想食既野，我細女都好揀飲擇食，我已佛系左，擺碗飯係佢面前，佢鍾意食就食，唔想就算，唔迫佢食，就算迫，搞咁耐咪又係餵多1，2啖，不如慳返啖氣，自己又輕鬆d
3個讚
你係全職媽媽一打二？
可唔可以有人幫你睇小朋友一陣，你可以有啲me time輕鬆吓？
我有時返工做嘢好攰，放工湊小朋友都會好辛苦想爆喊
所以我盡量定期自己行開下去做運動/見吓朋友
2個讚
一歲半可以唔使飲奶。
可能依家你每日俾一樣嘅問題，一樣嘅情緒困擾。
不如嘗試下放手，你迫佢哋食大家都唔開心，如果佢哋仲係健健康康嘅，已經做得好好。
2個讚
抱抱樓主
我由細俾人話練仙話到大，細個永遠排第一，點知一到青春期突然標高，放完暑假高過哂班frd
唔使太擔心，順其自然啦
2個讚
其實令我更加崩潰係
一位好好朋友既說話
佢生第一個同我生第二個同時間
佢個仔雖然一樣唔鐘意奶，但好肯食
佢覺得係我餵既心機/方法/形式而出現問題
鐵鐵實實講：飲奶就搞唔掂，食嘢一定train到，係餵食既人問題
呢句說話，可能傷左我嘅玻璃心
我都經歷2個小朋友，嘗試既心機同方法都試哂
唯一 未做到係…放手/放棄
去到佢咁講，我講得自己好冇用
生左2個，都係唔鐘意食
大既好啲，3歲後會肯乖乖食
細既，真係比大既仲差
同埋，好好朋友講既方法，我全部都做過哂
但無奈，細既真係細粒又增唔到高同肥
望住個細仔咁…好內疚自己改善唔到佢
多謝你哋同路人分享的士
俾我有啲信心
有啲小朋友野唔係真係要佢做就做到
我係湊到懷疑人生,懷疑自己究竟點解做媽咪做到咁… 好對唔住我既小朋友
1個讚
其實你好多煩惱係來自於太著重3姑6婆嘅意見，試下只參考專業人士建議啦，健康院有無安排你見營養師？
媽媽開心肯食嘢，BB先會開心肯食嘢。BB跟唔到你schedule, 不如等佢肚餓先比佢食嘢，可能搶添呀。
我小朋友20個月，自細唔比我餵只肯自己食，又跟唔到我一日三餐，係完全唔肯食兼玩食物，害到我忽略其他細路，我自己又只可攤凍晒先有份食。
依家我由佢，肚餓扭我先比嘢佢食，原來一日只食兩餐正餐佢可以食得好好，我都湊左十年仔先發現到。
1個讚
真係要狠心餓！我個仔一唔食嘢，我直接收碗，同佢講：唔食就下一餐，喊都冇用。
第一次佢聽唔明，但隨著時間流逝，發覺真係冇嘢食，喊住兩行眼淚都冇嘢食……
第二次聽得明，但係仍然拒絕進食，咁真係唔比野佢食，最後佢餓都唔敢出聲，下一餐即刻狼吞虎嚥咁食……
不過呢，有啲小朋友真係練仙，餓極都食好少，所以唔使咁介懷，起碼有食到飯啊！如果醫生護士冇嘢講，咁就OK 㗎啦
我唔贊同你朋友嘅講法，好多嘢係天生，唔係後天改變就改變到，尤其是係小朋友兩歲之前，好多嘢係天性使然
2個讚
聽呢度d 生兩個以上嘅媽媽講，好多時小朋友乖同行為理想，主要原因都係小朋友本身性格問題，而管教只係sidekick 嚟。
你朋友似乎係一朝得志語無倫次。佢未必係專登傷害你，但就唔知呢個世界好大好多可能性，以為自己比咗努力就成功，從而推斷成功嘅原因就係自己嘅努力同策略。講真，佢話「飲奶train 唔到」呢個point 都好多人會反駁啦。
暫時遠離呢個朋友，又唔係叫你絕交，之不過呢一刻大家想行嘅路唔同，不如分開行下。
10個讚
我四年抱三，自己湊，不請工人，冇長老幫，但好enjoy 做ftm
我認為好睇主要睇老公各方面支援，包括你心情。
我最大果個好難湊，其餘兩個乖到似來報恩
但一個大已經好吃力
1個讚
正想咁講，好多人都係咁。自己好彩過得順利，就覺得人哋唔順利係因為有野做錯。
因為你xxx 所以yyy
如果你xxx 就唔會yyy
唯有抽離一下，自己開解自己。
所有嘢捱得過都會過去
3個讚
呢句好啱，好好記住啊
每一位小朋友都係獨立個體，人哋嗰套對自己仔女work唔等於自己家庭會適用，媽咪付出嘅都唔會100%控制到佢哋要點發展
唔需要覺得係自己做錯啲咩先會有呢個結果，更何況其實呢啲只係佢哋成長過程一部分
1個讚
倖存者心態
你可以自己破解到，唔受佢影響，都好清醒呀
咁你自己有冇咩消遣興趣？
1個讚
我細個就係你講嗰種小朋友
mama希望你唔好畀咁大壓力自己同小朋友
小朋友feel到你畀佢壓力越來越唔開心，越來越反叛。
我媽以前都好緊張我食嘢，我其實好討厭，搞到關係好差，加上又畀壓力我讀書，小學仲有埋厭食。
希望你唔好咁。
利申 我自己而家係mama，我從來好放鬆，佢中意食炸嘢我都畀佢，小朋友係爆出生長線嘅高人，但我自己係細粒嘅，所以世事嘅嘢，整定嘅，放開d就好。
1個讚