我第一胎開刀，
第二胎醫生比我揀，
我諗左一個星期決定都係開刀。
醫生都同意左比曬日子我，入院紙都出埋比我。
38週幾開。
番到屋企，屋企人好嬲咁話：
比預產期早左成10日，你傻L左。
又叫我打電話去改期。
改唔到叫我唔好去，
遲幾日先入院。
因為呢個問題，我哋成個下午都係到嗌交。
我依家都好煩惱，唔知點？
我自己係開刀生，醫生話開刀對BB安全d。各人有各人選擇，我當時係將BB放第一。
3個讚
醫生話開刀通常係星2星期左右，10日都好正常丫
1個讚
你都係開刀生？
佢哋先傻L左啊！
邊個係老母啊？邊個身體咩住舊野啊？
幾L時到佢哋啊吱啊左啊？！
38週幾開係好合理同好正常，唔係早！
唔好勞氣，唔好同佢哋嘈
輕輕帶一句「我唔會改，完結！」
19個讚
38週都足月啦，醫生都話可以，無問題啊…
好同意，
開刀之後既傷口痛都係我自己一個去受。
開刀又好，順產又好，痛果個都係自己。
屋企人就講咗一句：
你一意孤行唔聽我哋講你自己去受。
無人幫到你。
到時候唔好對我喊。
當然從入院開始，我就要自己一個人面對，直到出院老公都黎接我。
3個讚
開刀通常早過預產期1-2星期。
我嗰時因為有啲原因預到好「抆」先開刀，點知阿B早咗穿水，比預約開刀日子早咗5日，要即call醫生返去緊急開刀
你仲要係第2胎，bb有機會早過預產期出世，預10前開刀好合理
2個讚
我生3個都係開刀,第一胎due day都冇動静,最終40週2開刀,第二胎同第一胎隔13個月38週3開都冇問題,第三胎38週
最重要係醫生評估過BB發展正常同媽咪身體狀況,38週後開刀冇問題
平心靜氣同家人分析,祝一切順利
1個讚
好簡單炸嘛 你地一家幾口搬出去住咪得囉 你又唔洗再聽你啊媽講 我地又唔洗再每幾日就睇你開post話你啊爸啊媽
3個讚
夠38週就生得㗎啦
駛咩理佢哋講。點生關佢哋咩事。
你第一胎無動靜，
正常唔係叫你試左催生先咩？
相信自己既判斷
相信醫生既判斷
其他人講乜都唔關事
加油
我本來都打算照去 
我私家生,佢比我揀試催生,但我怕食全餐所以揀開刀
我2胎都係開刀，分別係39 同38周開。38周開係正常做法？有d 人就算順產都38周作動生喇？
有，心平氣和既去講自己嘅感受。
自己既擔心。
希望佢哋會明白。 
你屋企人係產科專家黎咩？咁都有交嗌？
不過無理由唔知37週就係足月架喎⋯⋯
4個讚
屋企人無讀過書，
我話37週足月，
佢話預產期果日都叫足月。
成日話我細個早過預產期兩個星期出世。
所以咪成日話我唔足月出世。
所以無禁醒目。
我無再同佢嗌。
大家諗法唔一樣。
醫生意見最好，屋企人覺得順產嘅理由係乜？