你屋企人係醫生嗎？
我順產，阿仔38週2日就出世
如果bb喺肚嘅生長各樣都ok，又唔係磅數好輕，其實38週之後開刀都冇咩問題吖，況且醫生係評估過至俾期㗎嘛
不過你有提過你自己係早咗兩週出世，可能家人細個湊你嘅時候有好多擔心或者難湊，令到佢哋印象深刻，至唔想你早過預產期咁多日就開刀
嘗試下同佢哋講吓呀b嘅狀況，等佢哋了解吓開刀同等到預產期生，對bb影響其實不大
我都係38周開刀喎, 正常開刀都唔會約太遲, 唔通約40周? 分分鐘之前都作動左
本來我都以為係39週既，
通常政府醫生都會要試左順產先。
但醫生主動問我約38週好唔好。
好多人都有個觀念就係，順產最好，復原最快
但忽略左媽媽的感受
順產過程中的煎熬同痛楚，只係媽媽一個人承受
所以決定順產/開刀，我覺得只有媽媽一個人可以做決定
你屋企人只係在意bb早左10日出世，佢有無諗過你的身體狀況？
我第一胎全餐緊急開刀，第二胎一早已經決定直接開刀算數，乾手淨腳，又可以提早安排所有野，我覺得好舒服
5個讚
我都係咁諗，
佢哋鬧我自私到無命，
就係因為自己唔想陣痛。
其實我都唔係怕陣痛。
同你一樣怕痛完又開刀，
諗諗吓直接開刀好。 
1個讚
自私關佢屁事？痛十9幾個鐘就係唔自私？
你痛定我痛？我痛你地有咩權出聲！
「我係知會你哋，唔係問你哋意思」
唔知點解我覺得我仲激氣過你
我幫你鬧埋一份，你唔洗勞氣
3個讚
你屋企人仲自私喎
我有朋友同我同期生
佢唔夠力生個bb要吸出嚟，結果傷口超大，生完3星期，我行得走得了，佢仲坐緊水泡洗傷口，所以我唔覺得順產唔一定比開刀好
3個讚
身體係你嘅，你當然可以自己決定！
你啲屋企人知唔知第一胎開刀，第二胎順產係有機會令開刀疤痕撕裂引致大出血？touch wood出事邊個負責？？
37週已經係足月，醫生建議38週開刀就係想減少緊急開刀風險
你要對自己嘅決定有信心
將來bb出世，又會有人對教養指指點點，你係媽媽要企硬啲
2個讚
唔洗咁嬲 我送上樓主既經典post比你下火
5個讚
果啲已經係過左去既事，
你到底想點？
即是兩個post嘅樓主都係同一個人？您咁勁嘅，改哂名都知
3個讚
D無聊人搞網絡欺淩，無視佢得啦⋯⋯
我都等咗好耐睇吓會唔會有人篤爆佢
咁唔滿意就唔好再啃老，搬出去咪一天都光曬囉
1個讚
好勁吖你哋,點解匿名咗都知道嘅
唔係好明
即樓主本身係有個大b?
真係忍唔住 之前又話會反省 轉個頭就成日唱佢啊媽 引人去鬧果個養佢一家四口既啊媽
2個讚
原來係佢
咁都比你知道既
呢啲人話反省都係想停火姐，預咗佢會無限loop
一人懷孕但成個娘家都有責任照顧佢咁
講到個個都刻薄佢
如果識佢阿媽我一定會俾佢媽睇睇個女點上網講自己
1個讚
講真，幾十年前醫學同而家差好遠