我個仔完全唔肯食奶咀呀
佢肯食我都唔介意
但佢完全唔吼…
試下睡前儀式長啲時間，我既睡前儀式差半個鐘，刷牙，講故仔，傾下計先訓
咩叫奶睡
我真係唔忍心用Cry it out
我覺得小朋友需要的係爸爸媽媽俾的安全感，而唔係狼心由佢喊
1個讚
BB啜住媽媽飲人奶，啜下啜下瞓著，之後慢慢等佢放鬆開口。
通常鬆口之前會狠狠咬一口
睇彩數，好彩我小朋友細個都幾錫我，唔係成日咬我，乖乖哋鬆口瞓覺豬。
長知識了！
嗰種痛，真係非筆墨所能形容… 仲要明知有呢個危險，都仲要日日自動獻身，甜蜜的痛苦
我都係，接受唔到cry it out，
暫時其他train法試緊但好似都冇乜用…
有諗緊係咪要開始戒奶睡，甚至戒人奶…
其實我都好想繼續餵人奶，但真係好攰好崩潰，
我都唔想自己開始會對BB發脾氣
都係全人奶B11個月一晚醒N次
身邊朋友啲bb個個都好早可以訓過夜，日日懷疑人生。
大家取個暖，u are not alone ～抱抱
另外想搭單問大家bb幾時可以一覺訓天光？睇唔到盡頭好灰
你並不孤單，我都走過的路，真係人都癲，喊又喊過。最後係，另一半一直正面支援你，和佢訓，奶睡，由佢成晚奶睡，平時要佢3點前nap,nap 時間盡量短，通常一個鐘，直至最後訓教先訓（nap 要試，通常要拿捏小朋友幾捱得，如果佢一定要nap 兩次，咁就要3點前nap 哂，就算佢唔nap 都要搵個nap 時間比佢休息下，佢習慣左可能會訓下，我小朋友好勁，好快已經得一個nap,未到2歲直接撐到唔nap…)至於晚上啦，因為少nap 時間，又經過長時間佢通常眼訓，要拿捏佢幾點訓，如2~3訓左一次nap,佢食埋飯撐到8點已經鈎魚，咁就試下8點半同佢訓，佢唔肯就唔洗迫佢，直到佢碎眼，就同佢訓，訓教就播白噪音…
咩都試下啦
喊完顛完都要繼續
不如開心繼續
我果時就食物
用食物鼓勵自己
1個讚
我小朋友大約2歲半，奶睡全晚，終於可以有小小me time
我b 17m了，每晚都奶睡起碼搞一個鐘先肯瞓，只能講唔奶睡的話我唔知佢幾點至瞓，所以奶睡反而係現階段對我同佢最好嘅方案，好明白你宜家有幾崩潰，我當時都係，仲要豬隊友係咁叫我唔好再餵，但從來唔會幫手暗瞓覺，咁即係玩我姐，不過會過去架，我b大約14-15m慢慢可以瞓過夜，當然間中半夜都會醒，但大人都唔保證可以瞓天光啦
加油丫，11m左右呢段時間係sleep regression，係最難捱架，之後佢大啲識講野，你就覺得值得
有冇試過搵sleep therapist？聽人講過真係得
我嗰b之前都5肯瞓，之後我哋發覺每日真係要好有規律俾佢知道佢要瞓覺，食飯前要沖涼，沖完要佢專心食飯食飽飽，臨瞓俾支奶佢飲，同埋要開始教暗晒啲燈，開始講故事同播啲好慢嘅音樂，一到時間就全屋熄晒燈入房瞓覺，因為張BB床係我哋隔離，我哋自己上床瞓俾佢知道爸爸媽媽去瞓覺，同埋佢喊我哋真係忍心唔理佢
而家每晚佢自己會指著房行入去瞓 
係咪仔冇安全感 訓同一間房會唔會好啲 再大啲先分房
我b尋晚醒六次，五次都要食奶，佢仲要唔肯瞓喺度食，一定要抱起食。
bb從來都未試過瞓過夜，每個階段我都會諗唔同嘅藉口俾佢，猛長期啦、出牙啦、打針啦、睡眠倒退期啦由一開始好心急想佢戒夜奶，到我而家都開始半放棄，順其自然啦！
即使心態調整左，但我成日都好懷疑自己係咪有啲嘢做得唔好，覺得點解自己個BB好似乜都特別慢。好彩版主開咗呢個post，知道有咁多同路人，有大家一齊取下暖真係好！
1個讚
哎，我媽當年全奶粉，佢話我哋勁早就訓過夜，所以佢完全唔明點解我會湊仔湊到半條人命⋯
我朋友餵奶粉又係兩個月訓過夜，全埋身媽真係無呢枝歌仔唱
祝福我哋都快啲有好瞓嘅一日
食奶粉都未必瞓過夜㗎，我個仔就係，一晚醒幾次，不過始終奶粉可以係第二人喂，唔一定係媽媽，所以可以間中休息。
囡囡相對細食，夜晚人奶應付到（又或者佢根本係淨係想啜，唔係餓），咁我就側喂由得佢奶睡，我繼續瞓~ 不過有時啜得耐乾唒都幾痛㗎… 
好彩係個難搞嘅阿仔排頭，第一個無經驗相對忍耐力強啲，妹妹易氹瞓覺好多，叫做先苦後甜啦…
多謝你鼓勵！我近排都因為太唔夠訓，成日想食甜品 
我嘅減肥大計冇喇
呢排真係最難捱！因為佢識爬識行之後太爛玩，難氹過以前勁勁勁多！
好彩我隊友都肯幫手氹訓覺（but sadly其實係因為呢排疫情搞到冇工開先咁得閒幫手氹訓覺）
反而係我自己有啲想退奶… 但我個仔勁戀奶，我覺得都好難。
我自己其實本身係OK奶睡㗎，但成日聽人講戒咗奶睡會瞓得好啲先至諗 
不過尋晚試圖唔奶睡，佢好慘咁喊足半個鐘，
最後我都係唔忍心…
希望好似你咁講，大少少會好啲啦！