11m 男仔，非常非常非常非常難氹訓覺。
-
反覆奶睡成個鐘先訓到// 最近幾星期，連奶睡都奶唔睡，食奶時已經開始迷糊想訓，但食完之後又爬起身玩，好多時反反覆覆，奶完又起身玩，重覆四五次，直到攰到大喊，先至奶睡訓著。
-
睡前儀式// 我都唔知點先幫到佢，而家係有Say Good Night > 入房，關門 > 拉窗薕 > 講要訓覺覺豬喇 > 蓋被 > 奶睡。試過唱歌仔，冇乜用。
-
抱睡// 有時由爸爸抱睡，會比較易訓到，可能因為抱住咗佢冇得周圍爬周圍鬱，但係如果爸爸唔喺屋企，我嘅體力支撐唔到抱睡，因為佢都開始重同埋掙紮得好勁。
-
小睡易醒// Nap 1 Nap 2 都經常30-45mins就醒，奶睡抱睡都未必訓得返。如是者，好難keep schedule…
-
夜醒嚴重// 呢排極度嚴重，之前1.5-2hrs醒一次我都捱得住，呢排有時半夜兩三點開始，會30mins醒一次，奶睡啜好耐都唔放口，然後可能10mins又醒。阿媽我真係頂唔順了。
-
日頭都仲可以抱睡，但半夜佢經常醒，真係冇辦法成日抱睡。無論比咩sleep cues，佢一日未超級極度攰，都係會不斷爬嚟爬去玩呢樣玩嗰樣… （床已經冇嘢，佢玩牆玩腳都可以玩好耐…）
根據BB訓覺課程教學，佢應該係疲勞過度，所以Nap同Sleep都訓到唔冧，易醒，但係… 我真係唔知點樣可以氹到佢訓覺，佢唔去到好攰，根本就停不下來訓覺，就算按住時間表，喺佢應該入睡時間前15mins開始睡前儀式，入房，都經常要搞45mins - 1hr先訓到，有時都唔得添…
媽媽我好辛苦，情緒亦開始好差，但真係唔知點算…
有冇媽媽都遇到類似情況？？
1個讚
試下珍珠末
我都係咁樣捱過來，仲要兩個，每晚都起身喊⋯
喊咗幾年
縮短nap time，同埋提早nap time
比多啲活動佢，跑下跳下
睇吓有冇幫助
喊幾年… OMG
佢七個月之前其實係訓到四個鐘以上，唔知點解愈大愈差…
係，幾年，真係好辛苦
我日頭仲要返工
我試咗好多方法，我仔係不斷發惡夢，起身大喊大叫大跳
我好你少少，17m，每晚奶睡起碼一個鐘，有時兩個鐘先肯瞓，但半夜最多醒一次
佢10m左右相反，奶睡好快瞓，但半夜醒三四次，當時半夜醒我係側餵，瞓著由得佢喺大床繼續瞓就算，我諗都捱左三四個月，先慢慢好轉
會過的，抱抱
1個讚
我bb 女18個月 都係人奶+ 奶睡bb 愈大就愈好 而家都改善中及戒人奶。我明白你感受 我都經歷過同bb 一齊改善中
其實我覺得bb入左第一個sleep circle 約40-45mins 係最易醒，因為佢發覺無得啜，所以大約睡到35mins 到我會拍拍佢 等佢渡過呢個接覺過程
佢大個左 我教bb食完媽媽奶 自己訓枕頭啦 唔好啜住訓 有時係做到 呢個sleep pattern 佢係可以訓得好好同唔會點醒 ,你可以慢慢教下BB 或改變入睡方法
nap 1 &2 係幾點？
overnight-sleep 大約幾點？
我之前都好似你甘困擾，控制番佢nap 時間 4:30pm前一定要完nap 如果唔係佢夜晚好晏都唔訓，nap 後會同佢去公園放電/陪我一齊跳繩
1個讚
我女17個月都係極難氹訓，係由出世都依家都要抱訓。由15個月開始夜晚每醒3-4次，最後我妥協了同佢一齊訓。一齊訓之後好左好多，不過之後就要諗點樣可以俾佢自己訓番 
我大女細個時一模一樣呀
午睡30-45分鐘已經醒
晚晚起碼氹一個鐘先肯瞓
夜晚由爸爸抱住瞓，抱到一歲
因為就算抱住佢，佢都可以一晚醒6、7次
咩睡前儀式安穩環境小海馬通通無用，係要抱住佢坐喺廚房門口聽抽油煙機聲先冷靜下來瞓到
諗返起當年真係好崩潰
你不弧單，我女一出世就係咁，而家就係2歲，仍然都係咁，人地講既方法，好多都試過，而家已經佛系左，忍唔住和佢同床，至少佢醒果陣，唔洗抱黎抱去，有時太累都未必理佢，之後醒左發覺佢都訓返，期望大大下，終有一日會一覺訓天光，大家加油！
我仔4M+ 佢每晚8點半果餐奶飲完就會訓
都係要抱訓 唔抱訓佢係入睡唔到
但佢宜家18磅 我晚晚抱 已經開始腰痛
另外每晚3點就會起身 有時抱下就訓返 有時哄好耐就比奶
由於我要返工~都無比佢訓BB床~因為起身抱黎抱去我仲累>.<
真係唔想佢依賴曬抱訓!好想佢自主入睡T.T
我個囡都係屬於唔願瞓BB，14m，由出世到依家都係12點先瞓著
我覺得通常好奇心BB都係特別唔願瞓，剛學行嗰排都特別唔願瞓，因為睇野角度唔同咗又想睇多d玩多d；另外如果爸爸陪伴時間唔足夠，姐係未玩夠，都會唔願瞓（我係ftm所以已經經常陪佢玩）
我自己做法係11點全家一齊上大床，可以飛下高高，睇書，親子時間；或者佢有佢玩，大人有大人休息，通常玩到夠佢就自己爬過嚟奶睡，好快瞓著唔會扭計
另外唔好強求schedule呢d野，唔係個個BB都得
我女用奶咀，食住奶咀訓，佢訓得冧好多，食到2歲先戒。
2歲後先識自己訓…
我小朋友都係咁
日頭玩多D唔好訓晏覺
放棄獨立房間擺垧自己旁邊訓，起碼唔駛起身走來走去
大D返學會好D
而家5歲，半夜都會坐起身幾次拍醒我
太耐無乜訓我而家一D記性都無
同你一樣呀
人都癲，仲要做左人阿媽好醒瞓，有時比佢整醒過，佢瞓返我都瞓唔返…
谷底會反彈，愈大一定愈來愈好的，我啲小朋友細個死都唔瞓，而家大大下變晒一隻二隻死豬咁
（仲有個細細我都仲捱緊）
抱抱
Same! 乜都試過曬，自行入睡/睡眠訓練嘅資料都睇過好多，但真係唔係個個bb都train到，好多種train法都有cry it out嘅成份，但呢一招喺我B身上真係唔work.
我都開始佛系，可能真係要等佢無啦啦可以訓天光
1個讚
