見《二月廿九》喺viutv唯一有續集嘅自家劇，所以炒冷飯去睇下。但期望越大，失望越大：頭幾集喺我最憎嘅文青少女風，旁白多過對話，佢講一句我估到之後十句，節奏慢過大台，似話劇/小說多過電視劇。
本來想放棄，但見我幾欣賞嘅影評人一再推介，我再迫自己睇落去。去到第5集，節奏快返，兩個男主角戲份多咗，又出現我估唔到嘅情節，就終於好睇啦。去到最後三集，非常緊張，就一次過要睇曬先瞓到覺。
如果有人和我一樣，頂唔順頭幾集，強烈推介捱到第5集。真喺頂唔到，你可以skip第一集頭半集，和skip成個第3集。
4個讚
你可以skip第一集頭半集，和skip成個第3集
笑咗
我仲未睇，近期追緊Netflix
2個讚
佢其實都係得嗰10集
3個讚
我明，一開始it狗頭3集都悶親
而且，我睇曬成套野先發現中間miss左一集，但完全唔覺有阻礙我理解套戲
3個讚
喺。
其實後面5集可以拍鬆啲，有好多地方可以加鏡頭。頭5集可以刪多啲。
我都因為《IT狗》，預咗頭3集講主角會悶。要等其他角色多戲份先好睇
1個讚
昨日再始重睇，發現好多早前睇漏的細位
ViuTV好多劇都係慢熱，佢其實有D似電影格局，因為隱藏好多推理內容，佢好多表面上唔覺得有咩特別嘅內容，後面全部都有關係。
例如其中一樣基本目的係介紹人物性格，如果淨係講個故事，到睇完之後係唔會記得佢全部人物特性。
《打天下》、《歎息橋》、《IT狗》都係前面會有好多鋪墊。如果唔係放慢節奏，會有更多人睇完咩事都唔知嘅。
當初寫嘅《二月廿九》評論：
2個讚
我都係!!睇頭一兩集覺得好似D無謂悶愛情小品。點知原來D鋪排咁有心思!!好彩有睇埋落去
1個讚
但集集我都ok
我有懷疑開頭係想模仿王家衛果啲Style
,個角色係咁講內心讀白。
所以好多野未真正了解就早早定奪,會錯失好多野.
我好怕勁多對白 好煩
1個讚
之前套綠豆都係，周家怡嗰套，好慢要飛住睇
都好睇嘅
老人台又快得滯
我反而覺得佢好似將舞台劇放咗上電視，嘆息橋尤甚，都幾有新鮮感
我個人好鍾意啲隱藏線索，覺得重組翻成個puzzle 好有趣，所以又覺得二月廿九好睇，反而it狗我仲係第3集磨緊
1個讚
綠豆我好鍾意,佢D細微位幾有心思
1個讚
第一齣睇Viu嘅劇喺瑪嘉烈與大衛，其實成個節奏都係好慢，不過淡淡然咁，啲味就慢慢滲出來，然後兩個主角又好有戲味，好正。
唔使好似大台咁，下下轟轟烈烈
但睇戲唔只求明白劇情，仲要感受個味道。頭幾集慢慢交待性格都幾好丫，否則就冇咁易解釋到Yeesha呀阿信呀之後嘅抉擇
2個讚
正確。香港人太心急了。頭幾集有好多鋪排，去到後面就明白點解會咁，好有心思。喜歡2 月29 正正係套戲可以回味，慢慢咀嚼
1個讚
呢套係19年10月開拍, 對白加咗好多似層相識嘅嘢。
e.g. Yeesa鬧kaka又唔讀多d書, Fiona補返句"又唔做嘢"…
Ryan媽媽話佢地住嗰頭好多警察行咇, 但都真係有事要搵警察係影都冇…
巴西龜送yeesa走, 叫佢記得搭巴士,唔好搭港鐵…
當年我冇睇, 最近因為出940920, 想睇返二月廿九先, 聽返呢啲對白好大感觸。
4個讚