集集都嘈，好嘈
ViuTV好多經典對白，男排女將都有「一齊上一齊落」等等，《二月廿九》當然，佢連學會標語都係「神聖幾何，缺XXX」
2個讚
呢傢諗返大台啲劇
更加明咩係啤罐頭
我仲以為佢拍完發現唔夠10集，又無錢無時間，所以求其填一堆獨白入去讀劇本。
細個學畫畫，題為《冬天》，我畫咗個人講「好凍呀！」，俾老師話畫畫要用畫去表達凍，而唔應該由角色講出嚟。
我睇開日本動漫，一套20集30分鐘嘅動畫，頭10分鐘就會穿越，頭3集就去到重大轉折，做唔到嘅就會被觀眾放棄。而家睇真人劇真喺好唔慣。
如果喺youtube 播，我可以fast fwd就好
ViuD劇睇完有好多野回味,好正
佢唔係全套都係咁，只係一開頭塑造背景。而且佢係想突出Yeesa同埋佢老豆兩個「普通香港人」，所以佢講Yeesa背景係用最簡單平凡嘅方式，亦唔會喧賓奪主，因為佢想強調會長+Ryan，呢兩個先係英雄式人物，前者充滿智慧同分析力，後者挺身而出願意犧牲自己。
你睇Yeesa背景、人物設定係完全無特別白紙一張，唔會覺得有咩印象（對比：《打天下》莊惠係港隊、歐海棠係宗師，《歎息橋》Joyce係有錢女、Thomas係江湖佬、Sammy身世淒慘，《男排女將》蔣嘉瑜係港隊，班仔全部性格突出，《IT狗》葉念信係銀行IT人直男，其他班底個個背景印象深刻）
你睇完Yeesa，你唔會特別記得佢身分設定，你記得嘅係佢周圍人物關係，例如兩個男仔、兩個姊妹、基層老豆、神聖幾何班古怪成員、黑仔日本司機。
ViuTV嘅編劇導演，完全有能力用高明嘅手法交代背景，令人印象深刻但係Yeesa嘅感覺係「普通」——如果佢唔係穿越，佢應該係一個根本唔會被人記得嘅普通人。因為Yeesa嘅角色，係可以比觀眾代入嘅「我」，而去思考同成長。一個普通人，遇到2020年未來一場災難，想去扭轉。理性嘅會長同感性嘅Ryan都竭力幫助緊「我」，但係「我」自己有無為自己嘅未來盡力呢？
不過ViuTV好多劇都係文青風格，例如《歎息橋》拍攝手法全部都係非常特別角度，咁都會有人唔Like呢類嘅作品嘅，《歎息橋》播出話係無特別考慮觀眾口味，《二月廿九》已經更加大眾，咁ViuTV劇集其實好多元化好廣泛，例如現代武打劇《打天下》青春校園劇《男排女將》、情境喜劇《IT狗》，可以迎合唔同觀眾
2個讚
冇乜劇情推進，主要交待戀人唔同角度睇唔同事情，但好有味道，好型
大台嗰啲係冇得比，全部倒模同一個公式
2個讚
剛剛翻睇到第六集
喊到收唔到聲
我嗰陣睇完，其實係好後悔睇咗呢套劇，好彩都係得10集
唔明"後悔"什麼 ?
公式叫做《大台理論》
PS：其實已經唔係大台，ViuTV 2021年廣告收入6億，TVB 2020年8億，2021年今個月公佈。
聲明一下我喺好支持呢套劇，令到唔多睇港劇嘅我堅持睇曬佢。佢穿越嘅幾條線好緊密，畫面用色又靚，有誠意。不過我又好想和大家認真討論下我唔鍾意嘅頭3集。
我睇咗不下40套日本穿越動漫，9成主角都喺平凡人。呢種平凡，人地用半集幾個鏡頭就講完，觀眾都代入到死去活來，好似自己經歷完生死戀咁。例如，講有好姊妹，只要3個人食tea講幾句就知感情好，唔洗咁長獨白，講曬幾時識。佢地兩個男友，只要拖手就知，唔洗用獨白介紹佢地喺男友。呢啲好姊妹，一般都喺第二集先出場都唔遲，唔洗一開波就整悶個場。
其實《二月廿九》其他地方，佢都喺咁樣處理：會長和巴西龜嘅關係，身體語言幾個擺動就搞掂。Fiona幾掛著BB，望下人地個B，問下女主角未來阿B咩樣，就交待咗。呢啲我反而覺得講多啲都無妨。
1個讚
有無其他電視劇比較？動漫我唔熟悉就唔comment，但係感覺上電視劇大部分都係好多生活場面同細節位，一般推進速度同實際時間差得唔係好遠，相比電影三個鐘可能講左十年故仔。
如果呢個角度來講，我反而覺得ViuTV好多電視劇推進得太快，唔似電視劇，例如《二月廿九》四年可能可以拍四五十集，講多好多Yeesa、姊妹生活等等，或者多幾條副線，例如Ryan妹妹拍下拖，咁樣應該會似大部分電視劇感覺。
反而因為佢有D似電影，咁如果電影來計係真係累贅嘅，我估可能3小時一集，上下兩集可以搞掂，劇情會好緊湊，應該會有荷李活大片感覺。
佢可以話係借左電視劇嘅場，拍左套電影出來，所以拉長左枝節，有D唔上唔落，呢個comment嘅話我都會認同嘅
不過相比起「完全無廢話」嘅《歎息橋》（我未睇綠豆），《二月廿九》應該popular好多好多，佢都算係想保持高水準，但係又唔會太燒腦嘅嘗試。對比唔燒腦好多廢Up內容嘅《IT狗》，都係唔同嘅選擇啦
聽講《940920》好複雜，睇下會唔會啱D（我都係等播完睇）
的確，我覺得佢喺似拍電影
無錯，所以呢段嘅明快嘅節奏我好鍾意
我諗電視劇一般都喺咁，所以我以前唔睇電視劇。例如《IT狗》頭3集，又喺講太多阿信點黑仔，舖太長。
討論落，我諗我呢個比較喺唔公平嘅。日本動漫小說有殘酷嘅制度，頭3集唔得就被腰斬，所以作者都會用倒敍法將最精彩片段放開頭。每年有幾十套轉生穿越作品，套套都喺平凡主角，已經無觀眾再想睇主角平凡，所以頭10分鐘就穿越。
1個讚
咁已經唔錯，佢可以吸引到唔睇電視劇嘅你來睇
劇本故事太過簡單，成套劇拖得太慢，好畫公仔畫出腸，明明好多嘢一點就明，但係又要用好多篇幅去解釋。對我嚟講好無趣同浪費時間。
所以我就好後悔睇咗呢套劇。
反而後尾睇完啲comment追番IT狗覺得好好睇
我自己偏向節奏明快，唔會畫公仔畫出腸嘅劇
1個讚
該主題在最後一個回覆創建後90天后自動關閉。不再允許新的回覆。