有新offer, 今個星期會辭職，其實而家份工唔差係人工低啲，有咩方法可以暗示俾腦細知如果調整到人工咁我就留低唔走？
跳草裙舞好老土
15個讚
其實如果佢想留你 佢會主動問你新offer比幾多你 而唔洗你暗示 佢唔主動留你 你就唔好留戀啦
22個讚
同意… 決定咗走就走… 一係就直接同上司講, 覺得under pay…
9個讚
如果未遞信就直接傾, 傾唔掂就正式遞信
7個讚
辭咗職，就算比佢加人工留你，都肯定要比額外嘢你做到cover返條數。而且你有離心，分分鐘搵到岩人就反抄返你。
遞信前就應該諗清楚，跳草群舞好老土囉
3個讚
唔老土呀，我同事係跳草裙舞，加咗兩次人工
有啲公司好衰㗎，你唔同佢講有其他公司出好offer請你，佢永遠唔會合理地加你人工
4個讚
呢個世界好現實
有d 公司HR 真係唔見棺材唔流眼淚
你好地地時想傾加人工
有時就算老細支持HR 都唔多想加
反而制動左辭職機制
HR 就肯好聲好氣打電話黎"關心"下
所以又唔怪得樓主想跳草裙舞
2個讚
開心見誠客觀講個情況 / 事實, 同埋你具體有咩想法, 訴求, 而唔係攞封辭職信要脅對方. 就算你完全無呢個意思, 對方嘅解讀99%都會覺得係要脅, 咁一開始呢個conversation 已經唔係正面嘅好開始
4個讚
同上司fd 唔fd? 可以洩漏下口風，輕鬆講，開心見誠d.
2個讚
公司有個old sea food每兩年都會跳一次草裙舞摟升職加人工，真係好老土，啲同事一聽到就話“又嚟呀”，最近終於俾佢成功左… 辭職
2個讚
關係都ok, 所以都想試下傾, 只係唔知應該係遞左信再傾, 定係傾完唔岩先遞, 因為而家一直WFH，， 驚唔遞信傾 可以拖好耐
以前做咁多份工 轉工時都好決斷 因為真係去意已決，都係第一次晌轉工關口有徘徊，因為做緊呢度真係所有野都幾滿意，除左人工
4個讚
respect 佢想有彎轉一定遞信前傾。
even 呢家wfh, 盡量睇有無得schedule face to face, 因為比較感受到誠意。
比著我要處理呢個conversation ，我會當係一個causal talk, 原來我呢個position 呢家係market值咁多（as if share 緊出面market資訊，佢可能都唔知, 但如果個meeting係特登約出來好似難d causal tone）。
睇佢咩反應啦，通常都無架啦，咁你就繼續同佢「商量」你呢家struggle 緊既野。記住係商量mode.
我覺得比較理想既效果係，佢會諗換著佢係你佢會點做好呢，幫你諗埋一份。
之後睇佢做唔做野，幫唔幫你啦。你預最壞係百無，你要走，但都要好來好去。
ps 唔知呢個處理算唔算理想。其他member可以補充下
4個讚
可唔可以用最近疫情做藉口，話經濟負擔大咗問佢可唔可以叫佢考慮調整人工，話呢度都做得好好唔想出去搵工之類
如果隔幾日都冇乜表示，追佢又Hea你就遞信囉
不過我覺得最緊要快啲問咗先，因為唔知你新工可以等你幾耐，同埋如果佢真係肯加俾你，而你新工又再肯加碼，咁你又點先？
所以你心目中要諗定一個銀碼，要留你要加幾多錢，轉新工你要幾多錢，到時可以快啲決定留定走，扭太多兩邊都會對你印象唔好
2個讚
我當初係出面有哂offer, 再攞黎同佢傾人地俾我呢個數，而家我係低過市價，如果公司俾得番呢個數我就會留，因為做耐左。
當時我舊老細第二日揾番我，係有加到我人工，但係同時加埋我workload，我就同佢講拜拜。
1個讚
佢肯加到滿意咪唔走囉
1個讚
我都試過
因為人工長期低水
我新offer 係比原來份工高三成
舊公司話可以加我兩成
但同時會升我職
(升職即係孭多d 職責law)
最後我都係走
2個讚
好正路，佢即刻加人工比你都算，聽過要過半年等你做好新wordload先加，仲要講到好special case咁幫你。
尤其呢家疫情，腦細心諗唔停你薪都算係咁仲要我加你人工。
2個讚
平時做得好，關係好
1個讚
我中意做人簡單D，方法就係坦誠相對。
份工問題喺邊，咪直接同老闆講囉！反正你有後路！你話你係未有另一OFFER 就跳出黎扮野就話啫。
傾得掂既繼續，唔得既都叫俾左個原因佢，等佢死得眼閉，最緊要你知自己要咩。
2個讚