我好想快D走，但老公生意在港想拖得就拖，佢比我一個帶仔女去先，但人到中年，怕咁樣一去夫妻關係生變，我眼見近廿年身邊太空人都係離婚收場，我唔想押上婚姻，還是搏一搏？
1個讚
有冇協調過幾時過去，如果不耐就等埋一齊，如果耐就危險啲，此終要搏
我老公都係諗住搵多兩年錢……原先， 但我走左兩個月後， 佢開始頂唔順無人理太獨， 即刻申請已過埋嚟。 有d野係無得驚， 我係仔女行先既人。
12個讚
仔女幾大呢？
鄰居情況，兩公婆都想去英國，但老公份工要兩年先走到，叫老婆和兩個仔女過去英國先。
但試咗半年，小學嘅小朋友頂唔順爆喊，兩公婆諗緊點樣可以提早計劃。
我個人意見喺：如果你有衰咗大不了就返香港嘅本錢，就同小朋友過去試吓居住環境和學校先啦。不過記得同老公傾嗰時間，例如兩年佢就過嚟，之後可以再稍為adjust吓，等大家好plan啲。
好多嘢計唔到，可能喺你去到你頂唔順，或者喺你小朋友頂唔順，咁就返香港，唔洗犧牲老公生意，都喺一件好事。
又可能喺你老公有日喺香港頂唔順，提早去英國。
亦有可能老公一個人喺香港好快活，你喺英國又好快活，大家都唔需要對方，就分開住。
亦有可能喺老公最後都唔過嚟，你唔捨得。到時你仲可以揀回流。你俾兩年左右時間自己試下
8個讚
想問吓知唔知咩原因小朋友會頂唔順喊？
生意可以改為online 做？
或交俾副手頂一排
會否考慮叫他陪你地過去英settle down 先
再回港
老公過到英，再獨自回港
正常會掛住一家人
同自由自在在有空間的生活
＄即刻發現不及一家人重要
搞掂手尾就回英
C9可以以退為進
2個讚
變硬！唔好去！
一家人齊齊整整最重要
去到外國你失婚小朋友變單親，值得咩？
1個讚
因為長期見唔到爸爸
人人家庭背景不同，夫妻之間信任、依賴程度不同，要自己評估下最壞的情況發生時，自己同家人可唔可以接受到。
我一家人討論移民，包括同小朋友一齊傾，唔好以為小朋友好細就唔需要同佢地傾，佢哋睇法都好重要，就係佢地強烈反對我地做太空人
我地傾完只剩下2個方案可行。佢哋去讀boarding, 我過去陪半年settle down，之後我同老公一齊係香港搵錢供佢地；一家人一齊走，預咗會搵少好多，但所有事情可以一齊面對解決。
最終我地選擇了一家人一齊走，呢個亦係我小朋友最prefer的方案。
12個讚
細路初中高中，佢地由細到大都係讀國際，適應上應該唔大問題。有同佢地傾過，兩個都無所謂去邊，但唔願意父母分開，大的下年igcse，好想留在現在學校完成埋先走，佢覺得學校好幫到佢攞理想成績。佢哋都愛家庭，尤其是大果個，我怕最終如果夫妻關係真係生變，對於佢哋呢啲青春期嘅細路好大impact。
4個讚
我自己對老公好有信心，所以已經走咗。如果到最後分開，亦都無可奈何，亦唔會覺得可惜。
今日嘅香港，如果我仲住喺度我會窒息。
6個讚
我哋兩夫妻有傾過，老公話過多一兩年先，實際一個時間冇俾到我。老爺早兩年過身，佢極度傷心，奶奶八十幾，我覺得佢想陪住奶奶多啲所以拖下拖下。佢生意要見人要應酬，所以唔可以網上。佢而家50頭，佢覺得細路仲有排讀，過到去學費double唔止，而家政治上未搞到國際學校，仲有時間可以拖下，唔使為細路急住走。佢呢個年紀唔想改變生話質素，而家過到去就即係等於退休，又好似太早太無所事事佢唔鍾意。佢成日話有乜事最多咪買張機票聽日上機都得，叫我唔使咁擔心，但我就係好擔心不安。
1個讚
信心呢樣嘢真係好難講，我都有同佢講過呢點，佢炆炆地話我咁諗佢唔信佢好多餘，所以我都唔方便再講。我同佢一齊咁耐，一直都知有女人埋身，佢冇行差踏錯過嘅，所以更加理直氣壯嬲我。我見身邊朋友咁嘅環境都係離婚收場，或者我諗多咗，男人去到呢啲年紀，唔需要為生活太費心神又有個後生女light up 下年紀日漸老去嘅心境，呢啲好容易出事，我覺得唔係我信唔信佢咁簡單。自問我仲好愛佢，我唔想老來孤獨又或者重頭黎過，究竟係我太無知諗到走火入魔抑或係我應該放手一搏？呢啲十五十六嘅心情好困擾我。
1個讚
你講嘅我都有做，最終就係留低等多一兩年，但呢個係細路同老公嘅理想做法，但並唔係我。
個感覺你老公應該係8成都唔想走啦，香港太多牽掛，我覺得你真係要有心理準備只擇其一
我有問過我老公你呢個situation
如果佢揀佢寧願冇自由都唔可以冇左我
咁你就要揀你要自由定老公
聽完你嗰背景，似乎喺值得搏留多一兩年。
-
家人意願好重要，你小朋友大個，佢地又唔喺太想移，格硬帶無咩好結果
-
你仔女嘅情況，中學生，又國際學校，去到英國洗貴仲double，去嘅動力的確少咗一大截。因為a) 留喺香港，英文能力都跟得上。 B) 中學去對成績影響比較大，尤其仔女而家嘅學校都讀得好地地。c) 就算國際學校遲啲有洗腦教育，你仔女大個，已經過咗易被洗腦嘅階段。
不如諗吓其他方案：
-
仔女去英國/其他國家讀大學。但如果想用英國本地價讀大學，就要計啱時間早啲去英國。就算中國都有留學生，呢條路應該無咁易俾中共封死。你可以選擇和老公留喺香港又得，或者過去陪太子讀書又得。
-
假期時帶仔女去英國旅居下，參加吓私校嘅體驗camp先，你又順道visit下你心儀嘅城市，等仔女和你都感受吓英國生活先再考慮詳細計劃。尤其如果香港學校都喺zoom上堂，喺英國和隔離時都可以繼續上堂
-
驚落閘嘅，申請定bno visa，但唔過去著，無限俾錢續期。一般嚟講，落閘前英國政府會有預告
1個讚
我都明白現在不能兩者兼得，所以先上嚟聽吓大家決定參考吓
學費就真係要比Double，嗰邊讀私校貴過香港讀國際學校，兩個細路講明想考IB，唔想讀咗咁多年走去考A-Level，所以要預讀私校。大學就唔使諗兩個都要比oversea，所以我老公先有呢個說法話大把錢洗唔想停落嚟。
旅居呢條路上年我都有諗過，我諗暫時有疫情細路學校上zoom老公都冇咁多應酬要面對面，都尚可行。但疫情過後我哋settle down左而老公要返香港咁又點呢！其實早幾年未有運動嗰陣我老公都想送大嘅去英國讀boarding 訓練下獨立，帶佢去睇過又見咗學校都收埋，最終細路都唔想獨自離鄉別井所以繼續留喺香港讀，所以我再重提boarding條路好似好煩咁。
我最近喺呢度睇到有人話申請定BNO Visa唔過去住然後最終續期呢個方法我覺得可行，我會做咗先。