呢個係我最唔想發生嘅，我知兩公婆應該講信字，我奶奶同我講”婚姻幾信都冇用，係要年年月月分分秒秒去經營，唔好以為結左婚生左仔大哂，妳放棄經營就預咗有人頂妳個位”，佢呢番說話有啲恐嚇到我！
但亦有朋友同我講我咁嘅情況我唔堅持最終一定唔會走，我好唔想真係會咁！
你老公似乎唔太想走，可能主因係搵錢少咗但開支多咗，的確英國讀私校係出名貴，開支一定會大過係香港讀國際學校/私校好多，喺英國揀讀私校嘅都係好重視成績，好多都有補習又係要錢。
你同老公商量下申請定visa，如果計得掂條數時可以提早走，或情況惡化時都可以走到，如果visa到期時仲未走住可以申請續期。
明白。咁你老公嗰point又真喺好valid。
讀得IB，大學無論如何都喺外國讀。咁就等大仔去外國讀大學時，你間中一個人過去陪吓佢幾個月，順便你可以體驗下外國生活，另一半時間就返香港陪老公。
到你仔女出生，佢地仲可以揀喺外國或香港就業。如果佢地適應到外國喺嗰度落地生根，你可以兩邊飛，咁都算喺移咗半個民。
呢個方法就煩在溶斷無機飛。不過都喺幾年後嘅事，到時再睇下政策變成咩鬼樣。
你覺得你奶奶無恐嚇你
係真的
我同老公so far感情無問題，大家都好信任對方
但我都會提醒自己
同埋我覺得，一個完整的家，先最重要
朋友還朋友，有d人係會覺得走大於老公… 你點衡量，你自己先知
我自己就一定係一家人走先走
4個讚
唯有調整自己心態，睇少啲移民資訊
1個讚
太空人,好多都經唔起考驗.
既然你兩個子女都算大,唔擔心被洗腦. 去外國生活就無咁急啦! 我會選擇一係齊上齊洛,一係就送子女讀寄宿學校,對佢地將來都好的.
Agree! 見得太多，有啲係模範老公都一樣經不起時間寂寞的考驗，尤其同事係最容易介入到，工作生活上總會有嘢想搵人傾吓呻下。老婆不在身邊，同同事lunch或放工後吹下水，傾傾吓好易投放感情，不經不覺便出軌。
係，而家都會睇少D移民嘅嘢，但身邊個個星期有人走，始終都觸到痛處，總會有幾日忟忟憎憎，冇人傾訴。近排生意靜哂，唔賺錢都要出糧，總會有壓力，我更加無謂出聲。唯有成日問自己點解人人都走得係我要坐喺度，遲早精神病！
諗太多
或者你可以走，但就會等於放棄咗頭家。
3個讚
英國的話應該唔可以行太空人？
你啲小朋友都已經咁大個，又已經預咗佢哋會去外國讀書，其實你個心應該可以放低一半，擔心少一半先
呢排都有唔少人喺度分享過咗英國之後嘅真實情況，咪當俾多啲時間自己準備，始終想像同實際過到去係兩回事，千祈唔好意氣用事
3個讚
唔急入藉應該可以的，我和老公都有bno，所以冇擔心呢樣。其實都冇諗一定去邊，但我會申定BNO visa先，有得離開去邊都無所謂。
兩公婆一齊生活都未必經得起考驗
去到太空，真係加強難度
該主題在最後一個回覆創建後90天后自動關閉。不再允許新的回覆。