講個背景先，
喺疫情下生左個女，同老爺奶奶住
我全職湊女
老爺奶奶負責玩孫唔湊，
因為個疫情，老公精神好緊張，
暫時無事但因為而家爆得好勁，對衛生異常著緊
令成家好大壓力
一唔配合就粗口媽媽聲
就好似個女識行喇，
鍾意扔野落地下，
就話每樣野要消毒，掂過地下要洗手
唔跟就話我地錯
當然我據理力爭過，但都係唔聽，一意孤行。
另外，他份工黎緊需要打針，
他預左辭職
其實都唔緊要，有積蓄
但他日日呻，
話搵工好大壓力，日日做檢測好煩
呢排檢測的結果又等得耐，無結果又返唔倒工
將所有負能量推落我到
最過份最過份的一樣野係
他有時會講：如果無左個女就唔洗咁辛苦搵工，直接躺平
即係呢啲野洗唔洗講到出口
我有爆他，
但他笑笑口話講笑姐，洗咩咁認真
講到呢到，我成日都問自己，點解要繼續同呢個男人一齊，
他而家的功能除左提款機之外真係無
叫他湊女就話要打機
仲要忍受他的臭脾氣
唉，好灰
如果我真係有地方落腳我諗我真係一早放過自己
我覺得為咗個疫情攪到壓力咁大
然後仲要離婚，真係好唔抵
比我一定會挨過去
係
不過都明白樓主承受好大壓力
已全職湊女，即無返工放工時間
仲要頂埋老公嘅情緒
但希望樓主妳可以撐過去啦
同6299一齊住已經辛苦，個老公仲要咁大脾氣，你有冇外家幫手，帶埋個女搬去外家暫住，再想清楚下一步
你老公未至於差到甘，可能壓力爆煲，去娘家住一排，小朋友有可以有公公婆婆照顧，你兩公婆又可以有點喘息嘅空間。
係呢個社會，正常都變痴線，不過你自己心情都吾好，大家當個break 分開休息下
個疫情2年喇，日日都好大壓力
老爺奶奶只會玩，
仲要講明有我喺到的情況下玩
娘家無位收留我了，所以真係好辛苦
點講好呢，其實他性格係咁
疫情只係令他真實的缺點更展現出黎
我諗唔到之後5年，10年可以點包容落去
疫情攪到個個人都痴曬線咁滯
你有冇自己空間諗下野, 因為日日溙住小朋友又同佢地住,我諗你都好攰.
樓上話返娘家住幾日,我覺得都可行,
如果娘家無位,自己租間酒店住兩日比自己休息下好不好？
同老公傾下,你想休息日放下假得唔得.
放空下個腦,再諗清楚.
因為疫情離婚,唔值得.
既然你老公過分緊張個疫情，怨日日做檢測，係咩原因佢唔考慮打針?
試吓佢湊女
你做野?
咁佢就冇搵工壓力
你本身想離婚都要搵工
咁去打針啦，其實打針都冇乜野，防到重症
咁點為之重症？
下呼吸道感染、血含氧量一度得返89%, 不過我真係2日就自行好返，上返去99%
仲要好返咁滯先收到電話通知話我確診
我係打咗2針復必泰嘅
我連休息時間都無更何況空間。。。。
疫情好返少少我諗我都要搵地方抖下。。。
而家爆得好勁都唔敢去其它地方
好矛盾，無老公咁緊張，又點解唔打針呢？ 疫情下令好多人都過份緊張，因為政府選擇性及洗腦式報導，目的就係要你班市民驚，迫你班市民就範，呢個係政府最終目的
他覺得疫苗對身邊有害，死都唔會打
我朋友佢自己搵一日租間平平地酒店， 放有半日假
如果你娘家無位
咁你自己放自己假一日
搵下朋友
你講過情況出黎
總會有人明白嘅
同埋真係同你老爺， 奶奶， 老公傾下
其實搵人呻個問題依然喺到
唔會消失
他性格係咁，
我只能接受，
但我就係接受唔倒繼續咁落去。
我都有搵人傾過，
大家都只係叫我硬食
姐係解決唔倒
我搞掂自己經濟來源就會講
太累了
呢個一直都係重點。
其實問題係唔會消失架，不過俾機會自己放鬆下會差好遠。BB出世咁耐都自己休息過，行開一兩日俾自己reset 下啦。淨係你自己一個返娘家訓得唔得？抖完個人睇野會闊少少。