點解要將個責任放落個女度？好得人驚
呢個時勢唔係放工返嚟見到個可愛BB會開心好多咩？
唔贊成迫針，但如果佢都唔想對住你同埋個女，唔返工全日hea喺屋企咪會人都癲？
佢咩事唔打得針
有老爺奶奶幫手睇兩眼，等你可以玩下電話、去下廁所，你一句「老爺奶奶淨係陪玩唔湊」好似想抹煞佢哋嘅功勞
老公出去搵錢，你就話佢得一個功能
定係你覺得自己搵錢再自己一個湊曬更好？
呢個經濟狀況加上疫情，你老公有壓力爆煲好正常，做老婆要多d了解、多d體諒，人有情緒就容易發脾氣，你要了解佢真正擔心係咩，有時可能唔係地下乾唔乾淨咁表面
如果你想你老公幫手湊囡，你可以諗吓有咩比佢兩個一齊玩，有時男人可能只係唔識同BB玩
1個讚
你就係要話佢聽，都係要話比自己聽，食得咸魚就要抵得渴，當然唔係爆佢，當佢呻要檢測好煩又唔想打針時，你就柔聲啲同佢講：「而家個社會就係咁，食得咸魚抵得渴，你唔想打針就要檢測，呻都冇用，接受丫，或者你有冇想過移民」懶係比啲選擇佢（移民），順手暗示佢收聲咪呻。
當佢話因為個女攪到冇得躺平，你咪笑笑口同佢講：「冇計架喇，唔必都必咗出黎，唔講掉佢去保良局咩。」
你又冇做嘢，佢一個人孭起頭家，家陣擺明壓力爆煲，與其你打算走，不如你試下安撫下佢，一齊共患難囉，患難之時每個人嘅弱點都係會幾倍咁放大，自己又何嘗唔一樣，艱難時間咪體諒下，唔係可以點。
1個讚
感染左就有抗體，你屋企長者有打針嗎？
同上面好多睇法都好唔同，你男人本身個性格係有問題。佢係嗰種唔上進同對生活冇計劃嘅人，所以責任心亦都麻麻。你同佢性格應該都差唔多，所以先會講左兩次老爺奶奶淨係玩孫又唔湊。
咁個問題就係，你哋仲有冇愛情？如果有，食得鹹魚抵得渴，咪繼續一齊，你出返嚟做嘢，佢湊B囉。唔好諗住改變佢性格逼佢上進逼佢搵好工養家，因為冇可能改變到一個人。
如果冇愛情，襯後生同BB走啦…唔好嘥時間
認真ftm 冇人幫手係好辛苦。 有冇考慮過你出嚟做嘢養家，你老公做ftd? 當轉換下心情