老公真係好好，一個人孭起頭家，錫我，錫小朋友……但係佢永遠十年如一日，所有野都重重複複，例如同一間餐廳只要唔執，個個星期去keep住食十年都得，送禮物永遠送同一份，講野內容永遠都係差唔多，直頭我可以自問自答（試過係佢面前「表演」自問自答，佢竟然話：你真係知我想講咩）
就咁聽你地可能唔覺係問題，我都知道唔係一個好大既問題，但成日間唔中浮現出黎既感覺，就係好似唔知點咁，生活好似自己同自己講野咁….我都唔係好識講
6個讚
係咪講緊我 
女人… 點都需要愛同浪漫
所以先有男人不壞，女人不愛呢樣嘢
6個讚
優點缺點永遠並存嘅，樣樣都重複，調轉睇佢老婆都永遠只愛一個
10個讚
帶佢去第二啲店，迫佢去第二度食，試新嘢！
試完佢可能話「都係之前間好食」
Good! 「咁得閒可以試下新野冇咁悶啊嘛」
係啊，直接話佢悶！
不過唔洗介意佢試完唔鍾意，因為預左
佢唔介紹悶，你就要自己主動
1個讚
你唔鍾意佢咁穩定，
你自己試吓提出改變，由出外食飯嘅餐廳開始。
餐廳都嘗試過我搵，但個問題係：我唔搵就會照舊
即係成世人冇驚喜囉，係乜驚喜都唔會有
我有講過架，老公即時壓力好大，覺都訓唔好，話諗唔到驚喜
樓主，身在福中啦
老公唔比surprise你調轉比instruction佢/明示佢
佢唔book枱你book, 買禮物你講明想收咩
唔駛估估下，調轉諗，佢好識冧女好有情趣又未必係你老公，大把女痴埋去，家不成家
6個讚
認同啊。雖然而家我嗰個只係男朋友唔係老公。佢都完全無Surprise㗎。直頭節日都唔會話刻意一齊過 (包括生日)。
禮物都唔會主動買俾我。但我睇中咗D嘢會話佢知，然後我哋會一齊買。甚至係佢會叫我照買咗先。俾番錢我。我都習慣咗。因為識佢時已知佢係咁。
但佢係會好關心我好錫我。有時工作上我俾人恰佢都心痛我 (起碼表面肯做出嚟先)
我老公都係
如果你唔提出佢就次次都係同一間餐廳，次次都係同一個餐，同一個配搭…如果叫佢試其他餐，事後總會話唔及佢食開個餐好味
行山永遠只係同一條路，同佢講試吓行其他山，佢會答行山到到都一樣，目的係行，唔需要轉路線….如果要行其他山睇其他風景，叫我自己搵朋友去行
樓主，建議你睇少d 韓劇
自己製造自己想要既生活，可以討好自己既人只有自己
否則你永遠唔會覺得滿足
3個讚
其實我從來唔睇韓劇，都唔睇愛情小說
嗯，果種感覺好難形容，你話大問題又唔係，但梗係有種有口難言既感覺
咁你當初選你老公，係因為咩原因？
有時要搵返自己既初心
愛佢就唔好逼佢改變
1個讚
我又唔會
因為我都係鐘意一樣野就唔會咁容易厭
可以日日食一樣的野都得
聽同一首
同一套笑片可以睇好多次
我又唔會悶
反而新鮮係有壓力
其實我覺得拍拖時間太短，拍左半年，好倉卒就決定結婚，冇諗過連佢對答都會十年如一日，哈哈！咁多年我都逼緊自己適應，成日去逼自己唔好對佢有期望，但發覺咁多年以後，我都仲係要逼自己去接受
每日做相同既野，一年兩年我ok，但再耐d就到我有壓力
我老公就係好似你呀！例如鍾意食蒸蛋，日日都可以蒸蛋，加條臘腸都接受唔到
咁都有機會係
或者你地試下一齊學d 野？我同我先生會一齊沖咖啡、玩board game、放狗、玩音樂等等
唔會悶，只有時間唔夠用
佢都係唔鐘意改變既人，因為佢鐘意穩定
壞處可能係悶，但好處係佢會堅持，所以反而有耐性鑽研學問
你地有無共同既興趣？
1個讚
其實我都係人地眼中既悶人，不過真係及唔上老公既level 我地有共同興趣，但佢會停左係一點，唔會再鑽研落去，但我係果種會不斷鑽研落去既人，咁多年以黎，係唔同既共同興趣上，差距都愈黎愈大
作為一個悶人，我覺得呢個提議好好！樓主可以一試喎
如果人哋提議，我係唔會抗拒的，因為我愛你，所以我願意陪你去做你想做嘅嘢
只係如果要我自發的話，真係好難 