唔好blame佢，咁樣對件事無幫助
你可以問下佢有無d 咩想做？
或者佢真係已經好滿足現狀？如果係，你應該覺得感恩
咁你只需要集中回應自己既需求
如果佢都有不滿，你地應該溝通多d
佢似係絕種好男人，如果你老公甘有情趣，一定吾會得你一個女人
我有問過佢，佢話冇不滿，之後就叫我唔好再叫佢諗驚喜
佢真係好enjoy呢個狀態，冇咩特別想要，佢話咩都好好
其實小朋友訓後，我地每晚都傾計打機睇笑片，有足夠溝通的
但再deep d既，就冇，點解？因為佢冇deep既心事，好簡單既一個人
1個讚
我屋企果個都差不多
我直頭唔想同佢講野，一同佢講野真係把幾火。
我都知佢講野唔叻，講完都唔知佢講咩 
一開口就 “No,.你就錯喇” （我心入面已經小緊佢喇叭）
無禮物，無花，無驚喜。。。佢只會煮野比我食或出去食好西 （但明明叫我揀，佢又自己揀曬 ）
但人無完美
所以，我知佢對我好好 亦好錫2個細路
我唔會強求，包容，接受。
咁其實你想要咩驚喜？不如你寫個list 俾佢跟住做？你唔知時間咪得lor
哎呀！講中左心事！
其實我冇嫌棄佢，但硬係間唔中心中有種感覺，同朋友屋企人傾又冇人明，好多年都收在心中，所以先講下出黎
1個讚
起碼你年年都有 （同一種類既）禮物收丫，我咩都無
（我響我post加左d野 ）
所以我覺得我果個 “差” 好多wo
我有提議過：不如呢，試下你收工既時候，買d零食俾我，當驚喜好唔好？
然後呢，佢日日買一樣既零食，只係味道唔同 我都冇眼睇，然後佢又話有壓力了
1個讚
哎呀！唔係咩特別禮物黎架 只係我好多年前話好鍾意食既野，就唔同紀念日子都收到，例如結婚周年、生日，永遠都係果款食物 一年前叫佢唔好再買，我食厭左，然後都係會出現返，我食到怕了！講起都好似聞到
1個讚
佢可能唔夠了解你
你俾既方向要再清晰d
其實要俾驚喜真係好難
我工人成日都想討好我，但係往往做多錯多
我其實只係想佢做好我交帶俾佢既任務
你老公可能都係咁諗，男人係直線思考架
其實結左婚頭兩年，我已經覺得我了解佢多過佢了解我….
你要講清楚
睇下「男女大不同」個本書
其實我咩都同佢講，但佢聽完就聽完
我講野都自問係清晰，會建議佢可以點做，但佢好快又覺得有壓力 乜野唔變就最好
佢竟然話：你真係知我想講咩
笑咗
咁都幾好呀～幾sweet咁
你咁樣好容易精神出軌喎，覺得自己欠缺soulmate？！
其實唔好笑架
太自問自答feel
係老公覺心靈相通囉，但我覺得個通得單方面
我而家只係諗：係咪再耐多幾十年，等我變到同佢一樣，就唔會有呢d感覺
其實佢係咪有咩強迫症果d
你係咪好細個？同老公年紀相差幾多？
其實唔驚架，我同我果個，興趣差更共地，深入溝通都唔多 ，同你一樣 日常溝通無問題，我地每晚都一齊打機一齊著好曬裝備去打怪獸（game），研究隻game之類。。。
但我都覺得，就係唔知少左d咩咁，但可以架
佢鍾情釣魚，睇動作片，賽車片
我鐘意睇歌劇，愛情片，最憎釣魚
佢亦絕對唔會為我而陪我睇愛情片 佢情願響門外等我 叫我自己一個入去睇 。。果隻呢，你明唔明
我同佢真係好兩極
連星座都話我地痴埋一齊必有一死
但每當我生病，只要我一清醒就會見到佢煲好粥我我，準備好曬比我
但我相信，人既際遇，閱歷，係會令自己能夠接受既野更多 （我曾婚姻失敗過）
1個讚