我暫時全埋身，不過有時半夜都會泵出嚟食
哈哈….我而家嘅狀況係「公公、爸爸覺得餓」，只係搵婆婆開口講
點樣知道BB係唔係係大食？
我見每次都餵到佢自己吐出嚟，不過有時要食差不多40-50分鐘先會停
上奶上得快真好 
其實係咪每次隔2-3小時擠一次？定係可以有時2hr有時3hr?
湊住大仔⋯d時間未必可以咁準確
超級推介大家入fb 谷 母乳媽媽交流站
有好多媽咪幫手解答問題，當然個谷比較嚴唔比傾奶粉的
即使爬吓舊文已經非常有用
我兩胎都餵人奶到加固為止，個谷幫咗我好多
除咗li個社交平台，mewe 有冇呀？
我冇fb
咁可能佢除左食仲想要安撫，會唔會有時眼訓當左你奶嘴咁啜呀
。
你可以feel下個胸有冇鬆到去判斷佢有冇食緊同多唔多嘅。一日食6-7餐都幾正常呀。
好可惜以我所知冇呀
有鬆到，但有時食完，個胸都仲係有1/3至一半重量….然後有時食完都冇一個鐘，佢又想食囉
我擔心嚟緊返工，泵出嚟嘅唔夠佢食，我屋企人不停叫我補奶粉，話我d母乳唔夠營養唔夠飽
到時一時埋身母乳、一時樽飲母乳、一時奶粉，佢會唔會食食吓唔肯埋身？
個個BB唔同，我正正係一時埋身母乳、一時樽飲母乳、一時奶粉，然後BB全部照食；但聽聞過有啲BB係會混亂咗嘅。
我B都係一樣，三樣都肯食。真係個個B都唔同，好難估。
我覺得人奶偏稀先算正常（純粹主觀）,如果keep住都係傑/濃，好似會好易塞奶咁。
你而家係屋企有冇泵過？唔夠食係量嘅問題，同營養係冇關係架…如果BB食清左你，一個鐘又要食，咁咪可以幫你造多啲奶囉，好事來嘅。始終BB日日大，慢慢食得越來越多，咁有時食密左都唔出奇。生長線keep住差唔多%嘅話都唔會有咩營養問題嘅。
如果屋企人真係太煩嘅就由得佢哋啦，叫佢哋揾一餐餵奶粉（老公咁多事嘅叫佢起身沖夜奶啦
），咁你泵出來又可以留返返工果陣俾BB用。
我d奶脂肪層算厚，睇落算深色，亦都成日因為遲咗泵塞奶
不過次次塞都係揾呀B 埋身，通常半日至一日搞掂
我每日都飲勁多水 / 炒米茶，所以我估奶肥嘅原因係食得多蛋白質同飯。
但正正因為咁，我B重得好快 (尤其本身勁輕磅同埋差d唔足月)，就算每日食唔多。醫生都好surprise 係全人奶。
亦因為我B出世輕磅，我上網睇好多資訊點先可以唔用奶粉增磅，有睇過食飯d 人奶卡路里會高d。 touch wood 用左三個月多d生長線上返正常，同手腳肚腩都係層層肥肉，唔再係骨
第二胎，其實我已無好嚴謹睇時間，細仔差唔多叫奶我就比，一邊抱住食一邊湊大女，一打二，有時間就儲，其實我唔多，餐揾餐食，夠就算，不求爆樽，只求平衡，我唔會刻意睇稀傑
我家人好支持，佢哋比我埋身先，有泵就餵樽，無哂先比粉，我係好支持母乳，不過唔抗拒奶粉，等自己無咁大壓力，上胎共補左三小罐sample 粉，今胎暫時半罐sample ,target係自然，無理幾耐，唔比壓力自己。
比自己媽話，真係會好唔開心，好彩我媽好支持，我泵乜佢就餵，一滴都唔嘥，不過有時99會問係咪餓
咁睇你啲奶完全冇問題，真心覺得你好勁，唔洗太擔心啦。
1個讚
我b食開奶嘴，有時埋身餵佢好似唔識含住個乳頭咁
雖然俾呀媽話有少少唔開心，但佢算係最支持我餵母乳嘅人
但佢真係好嘥我嘅奶，我泵出嚟俾佢用樽餵，佢永遠都會留番最後20ml唔俾呀b食，話俾有肚風，然後同我講呀b唔夠食，叫我努力泵多啲
我老公就叫我埋身餵之前擠走10-20ml至好俾呀b食，我當然冇踩佢
但佢哋完全唔明白滴滴皆辛苦嘅道理
我唔係成日泵，因為我放緊產假，盡量都全埋身，半夜三點如果呀b唔食就會泵，但兩邊加埋得120-140ml
我而家都係趁呀b唔食就泵定雪冰箱
我係最初好多奶，去兩次健康院護士都叫我唔好飲炒米茶，我諗而家係唔係要飲番，唔知冇冇幫助呢？
我b出世都輕磅，健康院話我b係細碼b，出世到而家兩個月只係重咗1549克，手腳勉強叫有d肉，我都想佢有肥肉
我而家已經好努力食飯，但呀b最近好似食唔飽，食得密咗，唔知係唔係猛長期
你要話吓佢哋喎，佢哋啲餵人奶觀念全錯嘅？！佢哋唔聽你講，就帶佢哋去健康院叫姑娘講。
我媽會餵到最後一滴，奶奶就餵剩幾ml (我都已經好肉痛）, 如果有人餵剩20ml，我應該會鬧爆佢，你太好脾氣了。
4個讚
有幫助㗎，其實你唔想飲炒米茶飲多啲水就得
嗰陣我都係睇啲人講話飲多啲liquid先可以造奶
不過我飲水我覺得多肚風唔舒服，炒米茶好似冇咁涼對脾胃好啲
我當時兩個幾月應該係三/四個鐘泵15-20mins一次，每次230到
而家就300到，5個鐘一次泵 10-15mins
都有可能係猛長期
又或者佢都仲適應緊，你繼續食多啲蛋白質嘅嘢同埋飯，真係啲奶會飽肚d，希望係BB吸收得好la
我完全明白望住啲奶喺個樽裏邊要倒咗佢種感覺
我坐月嗰陣發過一次脾氣，之後佢哋就無再係咁
係厭奶期阿B飲唔晒冇辦法
不過後尾到啲奶真係多，我就寧願泵少啲
同埋樽餵放多啲奶俾阿B飲，希望佢會飲得晒
飲唔晒就用冰袋儲起，之後攞嚟沖涼
係啱啱出世嗰陣好大壓力，個個都話佢瘦，好多難聽嘅說話，話佢似非洲肌民，又驚佢會好易病
嗰陣真係日睇夜睇搵方法
而家叫做個心定左好多
1個讚