幾個月相對只係小事(同逐年計比既話)
我都失業中，都搵緊工（唔好又話我空白期冇你咁長唔知咩）
我明係咁見工而冇人請會覺得自己唔掂或者想放棄，但係…
同意樓上的會員講㗎轉牛鑽尖，唔知你有冇考慮到自己有這個問題？
你一開甫又話同奶共公司自薦可以監察，我見過咁多份工都冇俾人咁問過，亦都冇呢個機會同僱主自薦做狗察，樓主會否撚多咗？
與其左撚右撚，話咩講唔講大話，講大話又驚人拆穿… 不如積極點反思自己見工時的表現更實際？見工時人事部或者你㗎僱主會從你對答去感受你係一個點樣㗎人… 就咁聽落，樓主俾人感覺咁負面消極同埋冇信心，你試想下如果你係嗰間公司㗎老闆，會唔會想有一個咁樣㗎同事？
又講番你咁擔心㗎空白期，點解釋…疫情都有兩年，令到公司暫緩請人係好正常，用呢個原因解釋點解一直都冇返工係合理… 或者會唔會見工見多幾次冇信心，所以暫時左一排冇搵？純粹係一些例子，如果係真，你都可以同僱主講，我相信人非草木，明白見工時成日都有挫折，總會想暫停一下？
另外你話搵一般職位，大公司…… 但你之前冇做過正職，都係做短期㗎工，有冇考慮過自己心頭高左？唔知你有幾想盡快開工，正如樓上那位會員講，試咗第二啲唔係大公司做住先，經驗都係咁樣累積返嚟
我唔識你，都唔打算起你底，唔經唔覺打咗咁大篇野，以上請恕我直言，唔入你心意就當冇見過呢個回覆
4個讚
唔覺心頭有幾高(已經冇要求過高薪厚職 但求安穩都唔算過份)
p.s.藍公司問政治立場係不爭既事實(你未試過唔代表冇)
(仲有上面都講左 就算細公司/pt都會照問你空白期 結果又係凍過水)
(我指既一般職位大多係指大公司既打雜 估唔到都咁難入)
(邊有可能唔知自己鑽牛角尖 但始終控制唔到)
大公司係難入㗎
冇相關經驗又唔識人，就算entry post都未必請
好多係有人內定refer，可能要見好多份都唔中
最慘係$10000-12000既工都極難搵到(哪怕只係大公司一般職位/打雜 連細公司都唔例外)
btw 照你咁講 睇怕都係個句 就算讀完erb都凍過水(本身對所謂就業跟進亦不抱期望)
因為發生左就係發生左 就算你依家想改變 對方亦冇興趣知/理 只會在乎發生左/過既事 就算點努力補救都救唔返?
我有個朋友, 只係讀到中五, 之前有份長工做咗成十年, 舊年年中公司摺咗, 佢就休息吓
呢排咁多人強制檢測/封樓, 有工冇人做, 佢就試吓周圍去做PART TIME抄散, 累積吓經驗咁, 酒店又有, 7仔又有, 倉務員又有, OA都有, 佢依家樣樣做, 都搵唔少
好似好多人都唔認識佢咁啵 
1個讚
睇左你指既招聘 但唔多覺個到有寫幾多人工
p.s. expected salary寫$13000會唔會太多? 寫$10000-12000會唔會好d?
識佢呀
成日開post講無謂嘢，然後不停放負，好似成個世界都冇人明佢，成個世界都欠咗佢咁
就算唔係佢開嘅post都好鍾意執住某一點，係咁追問人，然後都係講番自己永遠都只可以用而家嘅方式生活，只係講已發生嘅事冇得改變嘅事，但唔會諗吓點改變自己嘅未來
4個讚
都係個句 如果想引戰 我諗你入錯post 呢個post亦唔係俾你睇
睇左 但我睇開個d唔多覺有寫薪酬
咁你睇下其他公司同一份工出緊嘅job ad開緊幾錢
不過有d工係比較特殊 只係得一間公司有
btw 見工次次尾聲都係"你有咩問題想問"
一係就答冇 一係就夾硬搵野問(兩者都冇好下場)
通常大家會點拆?
p.s.個人覺得網上個d"標準問題"好似唔多岩用 有時反而仲衰過唔問
(雖然有人話"唔清楚先好問" “唔好夾硬搵野問” 但邊可能話做就做到)
相信呢到大多數人都有見工成功經驗
所以大家可否講下"有咩想問"會點拆
亦想知有冇"百搭"既問法(上面講左網上睇個d"建議問題"未必岩用)
不如你講下你答乜，等大家睇下你係咪真係答得衰先啦。
大家答嘅，可能都係你講嗰啲標準答案。
2個讚
我成個人生見過5份，有3份都真係答冇
另外兩份好白痴咁問幾時會有通知
不過可能我見個陣等人用，5份最後都請我
例如問部門有幾多人 or 呢份工最大挑戰性係咩 or 有冇在職培訓 or 諗唔到就直接答冇
(總之問既都係網上見到個d"建議" 其實都知夾硬 但真係唔識問)
(如果對方講左工作架構/內容 根本已經諗唔到有咩好問)
就算再等人用 機會睇怕都唔屬於自己 否則都唔會搞到依家咁