Li幾條問題又真係好似有啲勉強
最大挑戰性似係考官問見工者多啲
所以先好奇大家見工成功既經驗係點? 更想知有冇可能借呢個機會扭轉劣勢?
有冇人試過因為政見被炒?
如果咁不幸係呢個情況被炒 到搵新工個陣對方問你點解轉工/辭職會點答?(因為照直講一定死硬 加上香港90%都係藍公司)
(另一個post被鎖 係到po多次)
溫馨提示：做人少啲諗假設性問題比自己會比較好
呢度答完你，都唔會有人確保到你遇到同樣困難時用一樣嘅說話就可以應付得好好
6個讚
有參考點都好過冇(個人覺得)
咁你不如睇返，我見版主封鋪係因為你已開過類似話題，入面可能都有啲參考？
首先個post太舊(唔記得有冇被鎖)
第二印象中呢個問題好似未問過亦好奇想知
(我又係個句 如果唔係講正題 睇黎你入錯post)
哈
咁唔阻你等其他好心人分享
如果唔岩睇 or 對人唔對事/題
你真係可以無視呢個post
咁你無視我囉
我慣咗人哋一覆我就覆㗎喎
如果唔係有禮貌討論，唔需要再覆我㗎喇
仲有係其他地方見到人有人問"上一手點解走"
但呢d問題真係唔敢多問/博
其實真係冇人針對你，但個個都咁唔開心係因為開頭你呢啲post大家都好俾心機俾意見，但你淨係識得執著喺啲負面嘢度唔認真考慮人哋俾你嘅意見，就認定呢個世界欠左你咁你一定搵唔到工呀，人哋HR一定會去質問你空白期等等。
好啦，咁大家唔再覆啦，之後你又再問返一模一樣嘅問題，然後又繼續負面咁覺得冇人請架喇。無限loop。
上次都有人教咗你點樣答空白期，亦有人教你點樣去答政見。你不如自己去練習一下啦。
至於你問完咗個interview人哋問你有咩問題，你可以問假如我有機會join你team，手頭上面有啲咩urgent task 我可以幫手？又或者有咩我可以onboard之前早啲準備？
咁樣你就會比多人哋feel 到你好想join佢同埋你一個team player。
你亦都可以就住interviewer 講嘅嘢去問。好多時interviewer喺個interview 都會忍唔住講吓自己啲威水嘢，想氹你入去間公司度。你可以食住想問吓佢啲威水嘢等佢覺得你buy佢
Good luck la…但認真，性格決定命運，interview 要成功係講你上到去嘅自信心。同埋人工唔好開得太低。
3個讚
雖然大多數人話"性格決定命運" 但從來未見過有人話"命運決定性格" 可能要弱勢社群先感同身受
(不喜勿插)
(我從來冇"唔認真"考慮人地意見 請唔好再屈我)
p.s.正因為係呢到問/呻過 先知erb既存在 亦因為咁決定報erb course(目前只有呢條路揀 因為得呢個係免費) 幾時有"完全唔接受"大家建議?(點知依家面授/面試/通知又延期)
因為從來都冇呢樣嘢，你嘅性格心態係點，你面對順境逆境嗰陣就會係點。白手興家嘅人有好多，二世祖敗晒祖傳嘅身家都有好多。
所以從來都係性格決定命運。
唔好再賴因為你係”弱勢社群”先至係咁，從來都係你嘅心態問題同埋你嘅處事手法問題。
冇屈你唔認真考慮問題，因為你問過嘅問題好多人都有答過你。只係你不停loop。
至於你問見工最後嗰條問題我都已經答埋你，我諗你冇得再賴人哋challenge你答唔到。
2個讚
上面都講左 d問題根本唔適用於所有工
例如"有咩urgent task" 而我見既職位普遍都係一般職位/打雜 根本唔適合咁問
(我亦講左希望可以參考d百搭/適合大部分工既問法)
不如舉例
-
邊類型既員工/求職者適合呢個職位? (如果對方問你有咩優點 or 講定有咩"要求" 基本上等同廢問)
-
可否講下部門/架構?(通常對方好可能已經同你講左 所以都係廢問)
-
呢份工最大既挑戰性係咩?(如果係打雜 可能又係廢問)
-
可否講上一手離職原因?(唔敢問)
-
可否講下公司文化?(唔敢問)
-
幾時有通知?(對方一般最後應該都會講 就算唔講亦唔敢問 一來感覺廢問 亦怕自己接受唔到現實)
(網上話問福利/薪酬/假期呢d係禁忌 當然亦唔敢問)
(如果講到"最有興趣知" 當然係呢個職位有幾多個quota)
都有分先後次序要處理嘅task 架
例如佢哋趕住要執好某個area騰空多啲空間擺多d位，又例如疫情想揾人清潔多幾次老細房等等
你問得出佢實答到你最近期邊一啲係想請你返嚟做之後再上嚟先處理嘅。就算佢話冇，你咪話冇問題，有啲咩想我幫手先隨時出聲啦
其實係想人哋感覺到你嗰個主動性。
1個讚
非常同意，人地認真畀嘅意見佢永遠無視，只會顧住駁啲唔係重點嘅野，以求合理化自己非理性嘅諗法。
2個讚
根本面試唔會有絕對可以百搭嘅答案，上面嘅大家已經畀左好多常見嘅說法你，點樣按情況調整應該要靠你自己吧？！
2個讚