講得好啱阿！正能量都好緊要
咩工實在唔方便講(怕俾人起底)
只能講想見既係一般職位/大公司
總之冇可能係高層/高薪厚職
佢好似未讀erb。
留番啖氣，等佢讀完先再loop啦。
其實想鼓勵樓主，諗下點幫佢，唔係有心為難佢，如果唔係都唔會不停答佢
見佢都好困擾，但面對問題總要想辦法解決，調返轉有時候人地做到點解我唔得，係一種推動力去令自己有目標做得更好
3個讚
無意引戰，不如睇下YouTube 教見工技巧，如果你搵大公司，實會睇之前既在職證明，所以先提議你搵一啲公司無咁多要求既，你搵大公司就預左人地門檻都相對地高，咁你要好好準備點樣對答佢問你空白期呢個問題
係既，不然你都唔會花時間去回
請問會否有推薦既片段?(其他地方睇到好多所謂"貼士" 但感覺上唔太有用)
仲有想知"見工技巧"又係咪有助拆解空白期/發生左既事?
p.s.最壞打算可能要投共 希望唔使行到呢步
如果你嚟緊讀erb,上堂可以同導師講返你嘅難處同埋你擔心嘅嘢，或者叫佢同你做個role play interview。
謝謝
之前先講左其他地方d人講到erb咁差
所以先懷疑呢d就業跟進係咪真係幫到自己
呢個原因令我信心唔大
我諗係睇吓遇到咩導師
不過就算佢就業跟進得差，反正唔使錢，只係要付出時間，但至少上堂你都真係有嘢學到袋落袋，或者識到D同學仔，可以擴闊你嘅社交脈落，雖然未必帶到你上流，但識多啲人冇壞吖
仲有想好奇問下 空白期唔止六個月(年計)
btw 又係同一句 呢個情況有d擔心對方係咪真係會buy
空白期係一個好正常嘅問題
個個見工都應該會俾人問
有份工做緊去搵工，佢會問你點解好地地要轉工
辭咗職去搵工，佢會問你點解唔做住嚟搵係咪唔挨得
未做過嘢去搵工，佢會問你點解咁hea唔做intern唔番pt
人哋都係見份履歷點寫就搵啲嘢嚟問，咁你冇咩工作經驗佢咪問下
你想像下佢同個第一次見嘅人要搵嘢講，自然見到咩就問咩
最緊要你唔好心虛先覺得自己有空白期係好大問題先
有時啲老闆同HR態度唔好，好似jer住你咁，未必係針對（如果佢覺得係咁大件事係死罪，就唔會浪費時間見你）
可能係想睇下你受壓嘅時候有咩反應，同埋搵定藉口到時請你嘅話可以㩒你價
要記住Interview嘅目的都係想知你對答正唔正路，份人溝唔溝通到
大部分面試對答技巧都係練番嚟，冇乜人係天生好叻好熱愛interview
首先你要練好個自我介紹（背稿+對鏡執下自己肢體語言），諗定啲熱門問題點答，例如長處短處（要有啲真實發生過嘅事例證明係真）、空白期（唔應該用太多時間講，因為唔係你嘅selling point，帶過就算，避免越描越黑）、情境題（視乎你搵嗰份工會有咩情況，你可以研究下個job ad點寫，答嘅時候要顯示俾佢睇你嘅特質適合份工）
人工點開你可以參考其他類似嘅工作job ad開緊幾錢，或者上glassdoor/jobsdb睇市場價
5個讚
其實唔太明市價定義?
請問可否解釋下
去glassdoor 或者jobsdb個career insights
你search job title
有得睇同行業同title嘅人工
樓主其實仲未明自己問題，佢咁多個post都係不停鑽牛角尖，搵唔到工應該唔關佢空白期幾耐，應該係佢見工時俾人感覺到佢mindset自悲又充滿負能量
2個讚
合理
冇跟開樓主其他post, 所以冇為意之前有修讀過ERB etc.
我試過空白期兩三個月，有吹水胡混過骨，算唔算樓主講緊嘅情況？
我試過幾次空窗期，短則兩個月，最長年半，都搵得返同一行，最重要係令HR同上司相信你有能力勝任份工。至於問到空窗期，其實話照顧家庭已經足夠，佢地唔會問太多咁敏感嘅嘢。反而如果你係空窗期內讀過同呢份工有關嘅課程，佢哋仲有興趣知，你咪可以帶佢哋去講其他話題。
就算係事實 但呢d野邊可能做出面