你可以照搵工，有啲工真係完全不理工作經驗，只要你肯做就得，其實你可照寫CV照寫以前既工作，空白期果度執一執唔好咁耐囉，見工時包裝下
有時見工太老實真係未必得，係要有技巧地講說話
試下搵你既朋友同你練下interview
(雖然好多工聲稱"無需經驗" 但點知去到又不斷問空白期 呢個係親身經歷)
正如上面都講左 空白期/無業/待業已經發生左+係改變唔到(依家絕望到已經覺得翻唔到身+每日只係吊住條命做人)
請問仲點練對答?(因為對方當知你空白期 實會戴有色眼鏡+判定你死刑 完全唔見得有轉機)
希望可以指教
p.s.對方一早有既定立場 感覺點努力都冇可能打動對對方 就算再有誠意都曬氣 否則點會搞到依家咁 總之無力感好重
上面都係講左
問題係冇經驗/未做過正職 呢個情況邊有可能作到(次次都係衰係呢到 結果不斷無限loop/惡性循環)
仲有就算作大/吹自己有pt經驗 or 話屋企人重病 or working holiday(冇工作證明既情況下)
恐怕俾對方chok就露底
hi, truth21你好, 好耐冇見喇^^
疫情嘅日子, 希望你過得安好, 同埋唔好鑽咁多牛角尖喇
Merck 上
15-2-2022
8個讚
其實巳比左意見你
要包裝左先見工，不要再鑽牛角尖，希望你之後順利搵到工
1個讚
喂呀,唔准攞人地以前啲嘢嚟講架
1個讚
有d唔明
可否講下點係0既情況下包裝?(因為真係咩都冇)
唔知你搵開邊類型工作，如果搵啲工如超市，餐廳做住先，咁可以投身左去職場邊做邊儲經驗
家庭主婦無工作經驗都搵到工，無經驗，事在人為
sor 上面先講左咩工都唔例外(問有冇經驗/點解空白 亦講左好多次 結果都係衰呢到)?
(連7仔/大家樂/倉呢d都俾人當犯咁審)
否則根本唔會好似依家咁煩
(依家仲等緊erb消息 都唔知到時畢業後所謂"就業跟進"係咪真係有工返 雖然都唔抱期望)
(睇怕erb就業跟進未必幫到自己搵工 所以諗住erb畢業後直接搵工 亦因為咁搞到好煩惱)
得罪講句
如果你有心黎搞事
我諗你入錯post
只想你身心健康，無意引戰
4個讚
我公司之前等人用（體力勞動嘅清潔工），就算係新移民家庭主婦，零經驗，只要對答正路，都會有試工嘅機會
但我亦見過有工作經驗，但因為太進取，我老細驚咗佢，連試工機會都冇
如果你唔介意體力勞動較多嘅工作，其實都有機會搵到工㗎⋯⋯或者試吓學校、ngo嘅清潔工，成功機會可能大啲
體力勞動就諗起見倉務個陣
雖然自己一早預左辛苦
但點知都係唔請(對方第一句都係問空白期 唔使問一定凍過水)
(其實上面講左好多次 所以想唔絕望都難)
(依家我既處境係覺得全世界都唔理解自己既難處/苦處 對一般人黎講好基本既野但對自己好難 所以依家開始諗會唔會試下講大話博翻身)
其實空白期呢句一定會問、唔一定係針對。
介唔介意講下、以前人地問你點解冇做過長工、或者點解咁耐冇做野、你當時係點答
都係個句
只能照直講不斷有搵工冇消息 雖然都知死硬 否則仲可以點
(只怕就算讀完erb都洗刷唔到過去既"污點" 因為發生左已經改變唔到)
佢地都明白疫情難找工卦
可惜大多數人唔會咁覺得
如果一直只諗失敗經驗，只會限制咗自己下一次見工嘅表現
倉務員個老細嘅諗法又唔等於另一間公司老細嘅諗法
雖然我都明白你多次見工都冇成功過，但如果只係不停埋怨或者俾之前嘅見工經驗嚇怕，只會阻礙你日後嘅表現，甚至係生活
有時老細唔請，未必係因為你嘅空白期、你嘅學歷、你嘅工作經驗，而係可能你嘅負能量強大到，個老細都感受得到
其實樓上都有好多會員想幫你，
例如：你問大家點去向老細開價，大家問咗你幾次係想見咩類型工作，但你都冇回覆，只係不停強調自己嘅不足/失敗經驗
有人答咗你照寫erb嘅課程，但你仍然繼續問寫唔寫落去好，可能你miss咗睇唔到有人覆咗你啦
其實可能你轉變一下自己個心態，就算見同一份工，個結果都可以好唔同
不過又好老實而家疫情搵工可能更難，希望你做好心理準備，有機會見好多份都未必成功，但而家見唔成工，未必全部問題喺你身上，而係大氣候都有關
5個讚
又唔可以咁講，唔請就係唔請，我都試過真係好落力搵，冇都冇辦法
如果多d人識咁諗就好 可惜