好奇點吹法?
有冇試過老作話自己係空白期做pt/屋企人重病/working holiday(當然係指冇工作證明既情況下)
因為都係個句 係香港失業/無業/待業係死罪
問親都冇好下場
(p.s.以上大話雖然好易俾人踢爆/鬼拍後尾枕 但想知有冇人真係"以身試法"結果得左? 事前會唔會同人練定/夾定點講)
疫情前，我有大半年空白期，公司裁員嘛，通常見工會淡定啲講話趁機會去咗幾個國家見識咁啦，講到天花龍鳳，我嗰段期間係有去旅行，不過肯定唔係我講嗰種，不過係有人請咗我既！
呢個真係好睇你既面試技巧
工作空白期，只要你準備得好，一樣可以講得好好令對方信服，你之前既工係咪好stable 好多年無轉？咁你可以話因爲工作左同一崗位太長時間，想轉換工作環境所以辭工進修加休息，增值自己再重新去新既工作崗位等等
呢樣真係好睇你點present
HR請人、都要喺一段短時間入面、喺應徵者入面簡合適嘅人去做呢份工、佢唔識你、除非你一入門口已經好冇禮貌同古古怪怪、否則無啦係唔會帶有色眼鏡。
三五七個月嘅空白期、如果係一啲前線啲嘅位、基本上唔會太理。如果空白期係以兩三年咁計、可能會諗下呢個人係坐過監/定係有咩問題所以咁耐冇做野。（都試過有人話自己因為cancer要休養）
其實大家都係揾食、又只係前線位、唔係一啲太強差人意嘅理由、冇人會深究。
比起空白期、如果見工嘅人之前人工太高（揾四五萬但見份一萬嘅工）、係咁數之前老細、呢啲反而唔敢請。
其實見工人地講左咩難聽說話、同埋係想揾邊行、可能有了解呢行嘅會員可以幫你分析下呢。
1個讚
不過空白期/無業已經發生左+不爭既事實
就算點解釋都於事無補?(對方亦唔會理解你)
因為如果對方buy一早請左
應該話空白期長係香港人眼中等同過街老鼠 直頭衰過強姦犯
(只能講弱勢社群同強姦犯既分別只差在羞恥心 不過大多數人只會視為同類)
請唔請就好睇你當日表現，所以你點present你既白期都係一個技巧，要準備架！
不過見工既嘢都係講經驗，比人奚落多幾次就自然明白個世界想要咩，歡迎進入社會大學！
1個讚
但當空白期越長(以年計)又可以點拆/兜?
因為呢個係已經發生左+改變/補救唔到+係過去式
結果都係凍過水
最後又係無限loop/惡性循環
(都係問返同一個問題 如果有人讀過erb 建唔建議寫埋落cv?)
(依家開始諗緊講唔講大話 因為講真話只會無限loop 但只怕自己前言不對後語 俾人稍為chok下就鬼拍後尾枕)
請問有冇具體建議參考?
因為上面講左呢樣野係已經發生左+改變唔到
其實好睇見工技巧，加運氣
但我係次次食白果收場(大多數人只會覺得驚訝+認定自己冇料/廢)
所以希望大家分享下
ERB 寫，同時都可以present 你係空白期會去進修積極裝備自己
都係果句，你見工肯包裝過講得好，成功機會高好多，有時美麗的謊言係需要
1個讚
你之前返乜嘢工？可透露嗎？做左幾長時間？
離職係公司裁員定自己走
再幫你諗下點包裝
2個讚
不如問返佢，唔中意食美心算係咩色？
或者答佢，我係左膠……
屋企突然出狀況要照顧家人，請唔切工人姐姐。索情辭咗份工照顧佢，本身都有啲積蓄，休息下進修下，之前疫情個陣難搵工，邊做pt邊搵，而家都差唔多到尾聲，家人個邊都安頓好喇，都係時候再出發……
因為長期空白期/無業/未做過正職(以年計)
所以次次見工都好尷尬/搞到體無完膚
最後當然食白果收場(另一個post講過n次)
(最慘係試過連pt/短期都唔請 相信全世界都唔敢相信點解會有我呢d怪物 直頭奇葩到連自己都唔敢相信 絕對唔係講笑)
(如果唔係上黎呢到問/呻 我諗到依家都唔知有erb既存在 相信只會不斷重複搵工/無限loop/原地踏步)
(依家只係抱住見步行步既心態報erb)
又唔係咁講
interview就係一個俾你sell你自己嘅過程
冇話咩一早buy定唔buy (如果係就in都唔使in就直接請啦）
我覺得唔使講得太詳細，解釋得越多越冇說服力
例如講屋企原因，唔使詳細講咩重病cancer
其實好多時候佢係想聽下你對答正唔正路，口齒邏輯清唔清晰
3個讚
做生意個班都係睇條數姐
好似d中資銀行咁
老個堆又廢又藍，d慶祝xxx支持xxx
都係叫佢哋去，仲要低調地去交人頭
後生個班唔敢迫，怕佢上網唱又怕佢走
西環/禮義廉入面係點就唔知喇
樓主，我記得你好似搵咗工都一段時間
有冇朋友可以同你練下interview對答？
你似係喺一個「唔成功→無自信→影響表現」嘅壞循環入面
其實interview要練㗎，練技巧練自信練溝通。搵個人同你練，話你知咩做得好build up番你嘅信心，執下啲字眼表達
我既情況係(其實係另一個post講過n次):
搵工->唔請->再搵工->唔請->再搵工->唔請(無限loop/惡性循環)
(時間一長->空白期越長->不斷被追問/歧視->重覆食白果->回歸原點->再搵工)
(雖然有諗過做pt/短期拎經驗 但點知對方第一句都係問你有冇經驗/點解冇做野 最後又係食白果收場 始終又係回歸原點/無限loop)
仲有想問大家cv會點寫expected salary?
因為寫得太高會俾人覺得你獅子開大口
寫得太低又會俾人覺得你冇料/冇自信
p.s.次次空白期被問個陣只能照直答不斷有搵工但冇消息 雖然都知對方唔會體諒自己+質疑自己冇料/廢 但呢個情況除左咁都唔知點講 結果時間一長就搞到依家咁既田地