因為先生既家人患病需要長期照顧
我會係主要照顧者
黎緊應該都要搬返去同兩老住
衛生問題&私人空間係我最關心既
就當我有潔癖，兩老掂過既地方我都覺得污糟
小朋友會周圍摸周圍掂
手就可以洗
但衫好似冇乜可能不停換
叫佢小心啲唔好hi到呢度hi到果度就變得好神經質
咁我似乎唯有同小朋友留响睡房
簡單講帶小朋友去個廁所都要當去緊公廁咁處理
請工人都冇理由叫人由朝抹到晚
（定工人已經最幫到手？）
生活習慣唔同，大家都冇錯
如果可以，希望有同老人家同住既人可以教下我
我知道細節既位好難一一討論
所以開post另一方面都係想抒發下我既不安
希望會搵到解決方法啦
要照顧病人，壓力都唔小
至於私人空間方面，我諗除左搬大啲，都別無他法。搬大啲劃分返大家生活空間，例如廁所有兩個，我每日生活都唔洗生活得咁痴線
不過講到尾就都係錢既問題，而家仲要疫情停課唔知停到幾時
補充多少少背景：
我係ftm，請工人俾兩老，繼續自住係唔可能，因經濟唔太許可
再講，而家連搬返去同住+請工人，都似乎好難得到老爺首肯
另以前曾經同住過4-5年左右，搞唔掂先搬走
明白你有憂慮擔心衛生, 不過如果你教小朋友當公廁, 可能令佢覺得2老好污糟(就算事實係), 最大件事係最後變得好唔尊重老人家., 長輩,
到你老咗, 佢都覺得你好污糟,掂過你都要返屋企洗澡 
兩老有乜嘢生活習慣，令你有咁既諗法？
唔知兩老既自理能力去到邊個程度，但如果你係主要照顧者，但又放唔低污糟呢個底線，你會生活得好辛苦…
如果能力許可、情願自己住細啲、住同一座樓、或附近唔同單位有冇得諗。
講真、你未搬返去已經咁抗拒、真係一齊住你會好辛苦。
可唔可以講多少少點解你會覺得兩老咁污糟？
我自己習慣姐
去完廁所，無論大小二便，都必定用梘液洗手，兩老未必會
出完街我基本上即沖涼，就算坐低都唔會坐梳化（梳化我唔識消毒）；老爺就大半日都响公園或商場周圍坐，到晚飯後先會沖涼換衫，以前同住有提出過問佢可唔可以返入屋換左衫先，佢好反感
可能因只係胃喉餵食，未去到貼身照顧
未搬埋一齊住，已經咁抗拒。搬左去後，我怕你更加精神崩潰。最後分返開住，對大家都好
老人家晚飯後會沖算係咁
我老爺生前係、唔沖、話沖都係入去抺個身出返嚟、十幾日先真正沖一次涼。
老公細個同嫲嫲同住，唔知99同佢99有咩私人恩怨，99成日同佢兩個小朋友講話嫲嫲好臭。
講真，我聽過之後覺得好唔尊重，老人除一定會有，我自己同阿婆住都明。到左而家，我都有話佢啲野臭嘅傾向。佢屋企用奧寶（罪無可恕
）同埋啲勁大陣味啲洗潔精，洗到我俾佢啲膠盒臭哂。我都想同佢個soon仔講嫲嫲用啲野有味
到時可能就到我soon仔咁講我。
而家我唔係要唔見唔接觸，無辦法令自己心安
咁都係唯有以睡房為小朋友活動空間
洗手間既問題，其實本身又係我習慣，雙手手臂位會離開洗手盤
講係公廁就誇大左既
但當然如果有得分兩個廁所會好啲
而家冇得分
就係要諗下點樣會安心啲
我真係想搵人傾下
我知你講乜
但我如果同自己講兩老唔係好污糟姐，有其他人仲污糟
其實都係壓抑緊自己
咁諗辦法分開住啦、接受唔到就接受唔到。
真係無謂勉強大家、其實樓主自己都有小朋友都係幫手睇頭睇尾、請工人自己住近啲、日日當返工啦
唔係好明你第二個point,請工人加同住老爺都唔同意係咩意思？
老爺好大年紀，佢應該接受唔到多個人同住
我地暫時未開口
但先生評估過應該難說服佢
就算同意左最後請左，我老爺都係日日夜夜俾說話你聽轟炸你果種人
自己洗返一次仲有冇味架？唔知奧寶咩味
不過買沖涼梘液都知
有時買到一隻味
有人覺得ok, 有人會覺得唔ok
唔得架，等如啲膠水樽會入哂味。
奧寶味你可以search下兩登啲comment 
如果不是公屋、搬去住同座吧。
你哋以家都係分開住，搬近啲日頭上去照顧得唔得？