姊妹抱抱 明白你苦處
我老爺個陣都係咁，我哋兩公婆都要返工
我老公朝朝要早過佢起身煮定早、午餐俾62，我就要早過62起身幫佢量血壓，晚晚又放工趕返去煮晚餐俾佢食，煮完佢個餐，我自己都冇動力煮俾自己食，因為62要食軟餐，所以要分開煮…晚晚等我老公返嚟先有得瞓，因為62行動不便，一定要扶佢返房瞓，所以晚晚都搞好耐，半夜又會突然瀨
，佢唔肯著片，又要幫佢沖洗清潔
Li d非人生活捱咗成半年有多，我哋話請工人，62發晒脾氣，之後我哋搵其他兄弟姊妹幫手游說62，但都唔係咁易，講咗好耐，先勉強接受照顧夜晚返話工人平日嚟照顧，夜晚工人返個女度瞓
但後來我哋簽晒約，先發現唔可以咁安排會犯法，最後工人嚟之前轉返去我哋度住同做嘢，因為俾晒錢，62無奈接受，但嬲咗我哋好耐，日日俾說話我哋聽，之後慣咗就冇再講d咩
所以你睇吓先生有冇其他兄弟姊妹可以幫忙游說
但我覺得就算請咗工人，你哋都唔好同住，因為重點係你對清潔個標準線訂得太高，略嫌有少少近乎潔癖，一般人都未必做到你嘅要求
。你同佢住只會令自己辛苦
5個讚
睇文字覺得辛苦
雖然你話無能力分開住，但你而家個諗法係無可能同住到，就算同住，你同你小朋友都會好辛苦，因為到時你會係咁捉你小朋友清潔，限制你小朋友活動範圍，唔俾佢同二老接觸，甚至俾說話大家聽。
如果真係無辦法分開住，樓主你自己放低條線，大家會好過啲。
7個讚
替你辛苦
我估都仲好多人會有類近情況
聽過有人會成日噴消毒噴霧，對住老爺奶奶都係咁噴
咁我又唔敢膽咁做
都會考慮兩老感受
响佢地面前抹野個心都有啲唔舒服
所以暫時限制活動範圍係我覺得稍為可行既方法了
一句講哂 土地問題
如果你唔介意成日噴野，可以係屋企唔同位裝商場嗰隻自動噴霧，半個鐘自動噴一次，但我自己唔建議，因為噴霧式好多時會吸左入肺
如果你最後一定要同住，改變唔到老人家，唯有改變自己嘅諗法。
你諗吓啲西人屋企鋪地氈，佢哋出完街都係照著鞋踩入屋企，著鞋上床。出完街唔換衫周圍坐就梗㗎啦。 西人小朋友照樣喺屋企地下玩，周圍摸，咪又係咁。
儲下啲菌，當增強扺抗力。
6個讚
我只可以講
對比起真正潔癖既人
我程度已經算小
最關注大小二便都要用梘液洗手
最初同住，全屋得一舊番梘放洗手盆
另外就唔記得點樣得知人地未必有小便都用梘了
如果引用眼不見為乾淨，即如果我唔係睇住就當佢有用，我暫時過唔到自己
唔好意思，我想問你先生點解將個波推比你？嗰啲係佢家人，個個男人都係咁，而好多女人覺得理所當然
既然佢咁，之前又咁相處唔到，我會同老公列出所有條件，唔會死忍，有乜要順晒你意，特別係佢返到屋企唔好當自己係大爺，唔使幫手照顧
換轉你家人要照顧，佢做主要照顧者得唔得？
3個讚
都唔止係佢願唔願意既事
始終仲有兩個老人家同住
照顧就因為我先生要返工，而老爺年紀太大，處理唔到1日餵5餐奶，所以我係唯一人手
其實負責主力照顧我係自願，但就好唔想同住
你呢個case我只會叫我老公同老爺分開住，但住近啲，佢得就得，唔得就叫你老公自己同老爺住
我係好絕嘅新抱，我係己所不欲勿施於人，唔會要老公硬食我娘家啲嘢，亦唔會硬食我老公自己屋企啲嘢
照顧唔到就係照顧唔到，冇得迫
2個讚
一開頭都有諗過，不過一早一晚兩餐奶難搞啲
而家未出院既
但想像緊病人自己應該學唔識餵自己，始終有一定年紀
咁ok，你自願，咁唔想同住要爭取，否則住一齊就冇可能再搬出去了，到時你老公就唔會再得閒理你嘅訴求
以前同住時已經好繃緊，而家係因為要照顧老人家，迫住要返去，壓力更大
如果改變唔到別人，又改變唔到環境，只可以改變自己。
咁生活會易過啲。
你可能會覺得我消極，其實係積極。
6個讚
啱，改變自己，又或者做之前盡量同老公plan好啲，要求多少少，令老公明白自己有幾大困擾，到時廢事鬧交
1個讚
其實問題係大家唔可以同住，無論俾咩意思你，一齊住都唔會係你安穩舒適嘅標準。
如果真係真係要一齊住，我覺得屋企無人，包括你老公，可以要求要照顧埋佢父母，你唔肯係道理
頭先未睇哂留言就覆，依家睇埋見到樓主自己話要照顧老爺，你接受到呢part 得。但清潔方面接受唔到我覺得情有可原，人人嘅標準唔同，尤其係你同住後實好多嘢睇唔過眼。我覺得老爺都無話事權去請工人、或鐘點幫手，除非佢自己可以做返。你要記住你同佢關係係老爺新抱，唔係工人。
3個讚
好多人最後都係改變自己
但兩老掂過既地方都覺得污糟就好難一齊生活，再諗諗有冇其他方法分開生活
1個讚
樓主你夠坦白，我欣賞，有時自己都唔想係咁，但未必控制到
未搬入已經知會瀨嘢，一定要處理好先，否則好辛苦，對家庭，身體都唔會好