放心，唔係我，不過身邊都不少人有過／ing
想問下當初係咩事患上呢個病？最後點走出嚟？
我幾想幫下身邊朋友
3個讚
唔知算唔算抑鬱
有個同事因為工作+家事令自己壓力爆燈
工作力下降, 間唔時自己係office個位度喊
我坐佢隔離, 有時會聽下佢呻, 盡量開解下佢
佢自己試過睇書去開解自己, 做下運動
但攪唔掂, 要去睇精神科醫生
最後的起心肝quit左份工, 轉行
人工少左三份二
但個人開心左, 健康左
1個讚
我 有一排成日諗死左去就好
感情問題
搵人傾
但其實無乜幫助 要治本 呻多幾次朋友又唔明
抑鬱完嗰刻自己都仲有理性 會諗辦法轉移自己心情
最後解決辦法 時間沖淡
搵啲細藝 唔好成日呆諗
而家都會唔開心 但盡量唔諗
有啲真係好嚴重 嗰啲真係睇醫生
2個讚
佢知唔知自己心理有問題？
最好叫佢睇醫生，因為我覺得平常人好容易講錯嘢令佢更加難受，或者佢哋需要藥物幫助。
1個讚
運動、睇書、慢慢學習睇化、學習放手
每日照鏡同自己講，冇嘢係解決唔到
一定要打扮、多啲愛自己
2個讚
令佢哋知道抑鬱係要去治療，唔好再花時間等待，唔作出改變只會愈來愈差。
不過你預咗呢件事好難⋯⋯視乎朋友抑鬱程度。
1個讚
我本人/
解決方法：放過自己，（事業/人際/）達不到社會標準/別人的期望沒什麽大不了
→接受完全的自己→同自己和解
→最後到愛自己。當然所需時間可能幾年
要自己頓悟先得/痛苦係因爲執著，我一定要點點點，唔係就點點點，放下就等於放過自己。
我無食藥
12個讚
我係中學讀書時期壓力過大同搬新屋唔適應，晚晚一個人喺屋企打俾個同學拎住電話喊，個段時間唔使點瞓覺唔使點食嘢，兩星期輕咗十磅，曾經有幻聽差啲跳咗落街
睇過精神科，醫生話中度抑鬱要食藥，但我食咗幾日，因為副作用私自停藥，之後都係斷斷續續食藥停藥，最後我覺得食藥冇用堅持唔食，見過醫管局心理學家，上過認知治療都唔ok，病情反反覆覆，我會形容係跌咗落個黑洞，之後努力爬番上嚟，差不多見到出口，又跌番落去
不過自己幾唔想郁幾唔想社交，都會迫自己返學同去實習，同自己講自殺保險冇得賠（好市繪
）
之後自己搵方法自救，每日返大專同d同學擁抱吓，等自己覺得自己仲生存緊，不過成效麻麻地
跟住去咗社署見輔導，感覺比見醫管局心理學家好得多，見嘅時候係面對面，而唔係個輔導員掛住打電腦
再之後試過寫感恩日記，每日3小件感恩嘅事，當然未必每日都有3項呢，但寫吓寫吓覺得個人有轉變，冇咁灰，就算有時好灰寫唔到感恩日記，但睇番之前自己寫過嘅，心情都會慢慢好番啲
我個資深社工同事聽完我個經歷，佢讚我有中度抑鬱+社交恐懼同焦慮症，都可以返到學畢到業，再做到社福服務，真係好勁……因為佢話完全feel唔到我有li d病徵同經歷
不過我自己覺得有抑鬱係辛苦嘅，我同li個病由抗拒、膊鬥、接受、共存都十幾年喇，….最近醫生話我有產前抑鬱，我自己都feel到情緒唔係咁穩定，但盡量唔好俾自己沉淪喺抑鬱li種感覺入面都好重要
但用咩方法都好，病者要有自救意識，先係最重要
希望你身邊嘅人都會搵到出口
16個讚
好積極 
1個讚
我其實覺得抑鬱症外人好難主動幫，唯一幫到既就係静静地做樹洞聽佢呻，唔好反駁佢，唔好同佢分柝佢做得啱唔啱，因為有呢個病好敏感，有時我地以為係善意既舉動，佢地會為覺得我地唔理解佢。
我朋友之前婚姻+產後有抑鬱，係group 到傾計時大家嘗試開解佢向好方面諗，但講完feel 到佢仲激動左。
呢d 情況我覺得去睇專業既counseller 會更好。
1個讚
我想陪朋友做下運動，但對方好似唔點睬我，我又不便太打擾
我自己無經歷過，但身邊好些朋友都徘徊在情緒病當中，我都係做樹洞角色（當然如果對方願意，你可以陪佢做啲佢想做嘅事），無論你點想幫佢，到最後都係要靠佢自己頓悟去改變自己想法，先有機會走返出嚟。
1個讚
我有過抑鬱，工作影響，果時搵咗輔導員傾咗幾次就好返，升唔升職對我嚟講其實已經不再重要，保住條命緊要 d
1個讚
認同
因為有部分病者其實會沉淪咗係抑鬱嘅感覺入面，未必想人伸手拉佢出黑洞
1個讚
如果有專業人士開導係會好啲，因為佢哋識講嘢技巧，唔一定係醫生
睇相關嘅書都係方法，書有好多，搵一本啱自己嘅
個病會起起跌跌，要學識點同個病共存
放過自己，努力之餘不要對自己太harsh
聽聽身體嘅聲音，幫自己按摩，睡好，食有營養嘅食物，健康身體會回饋你好精神
3個讚
成因係乜都有？
可能係細個受壓抑，可能遺傳
往後嗰啲發病可能只係導火線
近月情緒極受困擾
準備嘗試去見輔導
（唔知婚姻輔導有冇用）
我同你一樣,而家等社工約見
我有一個抑鬱症既姐姐, 確診大約7年
2019年個陣佢食藥自殺, 好在救得返
其實身邊人真係做唔到D咩, 只能夠陪住佢, 因為佢地冇咩動力, 所以有時都要去提議佢去玩下出下街, 發掘下興趣
同埋多D同佢地傾計, 因為佢地都係唔太願意講出黎, 唔太識得點抒發
所以大家都要有強大既心, 一齊加油呀! 我都繼續努力!