自己經驗，嚴重時個腦一片空白，剩係攤喺梳化度得副軀殼，想喊出嚟發洩但連眼淚都流唔到出嚟
試過幾次無啦啦想狂撼頭埋牆，好彩我攤喺梳化，小朋友喺廳玩緊，唔想嚇親佢所以冇做到
到打算的起心肝睇醫生時，又覺得自己好返啲（有動力尋求協助比無力攤屍算係有進步），於是又唔去睇醫生，跟住無耐又攤過，如此loop咗幾個月
成件事剩係C6一個知，日日收工返阿媽度食飯佢都唔知，同事就更加唔駛講，我仍然係嗰個做足200%有求必應嘅「好」同事
C6平日雖然係豬隊友，但嗰時都盡量配合我
例如話佢知我病發時會點點點，叫佢見到我病發時唔好理唔好問，幫手照顧小朋友已經好足夠
另外想講，病發時最討厭正能量L
我知睇開啲有用，我知做運動可以釋放安多酚，我知你對我好想幫我，我真係知架
我之前努力過但最終都係跌咗落去，你又知唔知？
然後又blame the victim 話人唔俾你幫
同意其他人分享，有心嘅，做樹洞已經好足夠
自救意識… 無錯! 呢個真係好重要!
多謝你GE分享 
咁你有無keep住依個好習慣呀？要加油呀！為母則強
你朋友察唔察覺自己唔對路？
有時脆弱既人唔想承認自己脆弱，會想收埋自己
所以如果要令佢接受你，首先你要避免流露自己同情佢／想幫佢
可以試下調轉，扮搵佢「呻」下，令佢覺得自己唔係孤單（同情心vs同理心）
當然你自己既心理狀態要夠好，唔好俾佢影響；如果你試左陣，都係搞唔掂，就要學識抽身。
情緒希始終係病，係唔理性既
我刪咗Fxxxbook之後就冇keep住寫，因為以前用fxxxbook會每日都整張相up上去，但而家如果用手寫冇得用埋相做記錄，就冇咗個動力
不過睇嚟就算冇相，我都應該要重拾li個習慣，謝謝你提醒
我覺得呢個好好
係呀，加油！
我都會試下做感恩日記！
有一排事業愛情不順利，成面都暗瘡，家中媽媽都有情緒問題 屋企經濟又有問題。
無啦啦，想俾車撞死好過，跟隨覺得好有問題，去左睇私家精神科醫生，2017年到而家都要食安眠藥瞓覺。