到而家K3, 食野極唔合作,唔肯食,餵都會食得好慢,睇youtube先肯食飯,試左唔同煮法, 叫佢一齊煮, 獎勵計劃, 罰冇玩具玩, 全部都冇用, 唉…心很累…
youtube 可以在電視播，唔好俾手機佢睇
5個讚
咁我都係，但我係開youtube食野節目，然後大家一齊食，再唔係就同我地一齊開飯，最重要係一齊食個氣氛
有啲真係電視餸飯，有啲含住啖飯望住電視唔郁
唔係想講風涼話，但屋企繼續咁做，情況一定唔會有改變。K3 都大個，可以嘗試講道理，話佢聽食有營養食物嘅重要性，或者用睇書方法去試下。
5個讚
如果食得好食快啲食到你指定要求份量
先有得睇 或加多少少YouTube 時間 又得唔得？
不過唔得都要得因為邊食邊睇螢幕係唔好（我個人認為）
又或者將呢個問題試吓同幼稚園老師講吓。
我自己小朋友都有嘢令我頭痕，日日講到我口水乾都唔得，有次頂唔順同老師反映咗個問題，老師有同我小朋友講咗之後係有改善。
唔好介意我咁問: 你係咪從來唔會鬧小朋友? 又好緊張佢唔食飯?
(先旨聲明, 我唔係講你) 但我識好多"愛心教育"家庭變晒質, 教出小霸王
成日用"他只是個孩子呀" 去合理化D野蠻行為, 點解一開始要比YOUTUBE 送飯? 食不言寢不語, 人地煮埋飯你食只係叫你專心食都咁難? 規矩係要立, 仲要從小立。我屋企食飯要等齊人要幫手拎嘢, 唔準開電視睇手機, 食完要離座(已經唔鼓勵)都要講聲大家慢慢食 (近來我同朋友&小朋友食飯, 我女食完想行開去同小朋友玩講左句"大家慢慢食"大家都已經好詫異話你女好有禮貌, 喂~ 其實呢D係基本, 乖果D係幫手執碗洗嘢啦)
樓主, 比著係我, 唔準開YOUTUBE/電視, 唔食唔好食, 下晝亦唔好問我攞零食!
餓佢一兩餐唔會死, 肚餓自然會食
講開又講, 千祁唔好食嘢就留D好嘢比小朋友食, 唔係叫你刻薄佢, 但白切雞就夾雞肶, 魚就比面珠呢D 刻意討好係不必, 仲有小朋友食唔晒, 剩返骨頭, 唔想食D嘢就大安旨意掉比我我係會鬧, 執手尾你要問我願唔願意? 我係你阿媽, 你食剩冷飯殘羹比我你會比雷劈 (其實係我教育佢要孝敬父母嘅一種, 小時唔教, 等住一世食骨啦)
25個讚
唔好開電視，恨下心，1個鐘內唔食就收走。唔係食飯時間唔會再攞嘢食出黎。佢試過挨2次肚餓就會知驚。
6個讚
EXACTLY, 做乜要求佢食
我女細個唔食我都由佢, 我仲會"老點"佢比宣明會D非洲兒童D相佢睇, 我話果邊生活似乎好啱你喎, 果邊無人叫食飯咖, 你睇D小朋友瘦到?! 咁啱有個"交換兒童計劃" (其實係助養兒童計劃D LEAFLET) 我幫你報名好嘛? 即刻嚇到佢唔敢唔食 (對於未識字嘅小朋友呢招WORK咖 
)
12個讚
有無試過同佢一齊洗洗切切再煮下？
得你一個忙佢唔會感受到你煮嘅辛苦，當佢知道時又可能唔同d。
呢個 …同我小朋友4歲都仲要著尿片又唔肯自己行要大人抱飯又食唔好要人餵 有啲類似，我話老人院好啱你住，激到我小朋友彈起
不過我個好精第二日打回原形。
1個讚
我果個無呢個機會, 因為我長期將果份LEAFLET 擺飯枱隔離, 佢一唔食嘢我就唔出聲拎起份嘢睇…
6個讚
咁你小朋友無發脾氣？
我個件會話唔得唔可以架，我激佢激得太過火會發脾氣…之後死死氣氣咁嘅衰樣
無, 佢咪話我食啦, 唔好睇啦~
不過大左佢有問我係咪假嘅, 其實小學已經識睇字所以都唔WORK咖啦, 好彩小學已經唔會為食飯呢D濕碎嘢操心
幼稚園生真係有時令人歡笑令人忟。
我小朋友K3雖然開始認字識字，但佢未理解到一句句子講乜所以都唔會明白我地大人睇嘅嘢。
（離咗題少少…
正
雖然我冇同佢講交換兒童，不過都有開d 非洲細路冇啖好食既相同片佢睇。餓左2餐求其俾乜佢都覺得好味喇。
我2個小朋友K1開始就已經冇餵過佢地飯，知道有d媽媽真係照顧得好周到成日驚細路食唔飽，但愈大個愈難搞，覺得早d 訓練佢地自己進食會好d。
你會點處理長輩依類刻意討好行為 
如果大班人食我直講話唔駛, 大家食好了
但我自己私下會同我女講: 好嘢要留比某一個人呢種概念唔係咁好, 就算係都留比長輩, 長輩唔食留比你食係錫你, 唔好老馮覺得次次都要留比你, 久而久之我女自己都會話唔駛啦, 多謝, 大家食~ 不過其實我自己一家人食飯就唔會鬧呢D虛文, 想食就食, 唔會刻意留比任何人
2個讚
都係我教女嘅方法，生活上好多嘢例如沖涼、刷牙、食飯我會幫手，但叫你做就做，唔做唔好要我叫咁多次好似求佢做咁，佢哋識聽我就教佢唔做嘅後果，餓係佢、蛀牙係佢，自己負責。
忍住唔餵佢食飯先係最難，尤其是而家係冬天⋯⋯