好認同啊，我姪仔細個嘅時候 (3-4歲)。一同哥哥一家仲有朋友一齊出去食飯。佢哋為咗靜靜同朋友食，都拎手機出黎俾姪仔睇。
以前我已經成日反映唔好咁做，否則第時姪仔好難改到呢個壞習慣。我都唔想佢自細機不離手。但佢哋唔聽我都冇辦法。
而家已經中二 (又或者好多青年人都係咁)，佢而家係冇手機冇上網就會死一樣
我唔係認叻，或講風涼話，點解一開始會比個小朋友睇住手機食飯？我從來無咁做過。1歲左右開始慢慢訓練佢用飯匙自己慢慢食飯，我仔大概18、9個月開始都唔洗我點餵。
我有個親戚又係咁，個B 10個月大已經睇緊手機食飯，連餅仔都唔肯自己拎嚟食，都唔知佢點湊。不過人哋個B，我又唔會當面話人阿媽嘅。
1個讚
用手提電話或者睇片嚟引誘個bb 做一件事，食飯好著衫好換片好，第一步已經行錯。
樓主想停止，一定要所有大人一齊好恨心先得。
有咩關係？香港冬天會有幾凍？！
我姪女就係咁，由細到大YouTube餵飯，大時大節食飯坐底就要開YouTube，連人都唔叫，結果升小一就600度近視，佢阿媽先知驚，先幫個女戒youtube
十個月大就睇YouTube 好過份，父母唔介意仲過份！
做父母有時真係要恨，唔好被小朋友牽住鼻子走咁對雙方都唔好！
1個讚
唔好驚佢餓，佢食就食，唔食就由佢，夠鍾都收飯，唔食曬飯，餐與餐之間就無茶點零食，餓多幾次，佢就會明，慢慢建立返規矩，唔好俾佢食住你，要由你黎控制，要夠firm
6個讚
上面有人講咗，我都講多次。
由佢餓。
別無他法。
利申， 3女之父 （8，6，2）
3個讚
係咪食飯時間先係咁？定係平時其他活動都係機不離手？
如果真係怕嘢食凍，買個thermo bowl
我老公成日話"唔駛急, 全部都係你的" 我次次都提佢唔好咁講
冬天啲嘢食真係凍得快好多喎。
十幾度同三十度你真係覺得冇分別？
老人家見到我由得Bb自己食，就一定會加把口話「佢食得咁慢，凍哂啦，冬天食凍冰冰對身體唔好架，不如拿拿聲餵佢兩啖食完！」
1個讚
好提議！
而家嘅做法係用暖壺逐少咁俾佢，都幾麻煩
1個讚
我住緊嘅地方落緊雪添，我不嬲都教小朋友熱辣辣煮好就好食，食得慢攤凍哂唔好食嘅後果就自己承受。
3個讚
好多家長都未明咩叫比小孩選擇, learnt from mistakes .然後自己決定要承受什麼後果。一味只驚佢地食唔飽 長唔大 唔開心等
3個讚
啱喎，有時開飯我仔仲掛住玩唔肯洗手埋嚟食，我又無氣炳佢就會由佢，到佢肯過嚟食時又嘈啲嘢食凍曬，我會話你遲食飯啲嘢緊係凍㗎啦，都係要食㗎。
試過一次老爺喺度又係咁，老爺叫我整返熱啲嘢俾個仔食，我話，我自己都食緊飯，唔得閒，遲食啲食物就緊係凍㗎啦，唔想食就唔好食，我唔迫人食飯嘅。我老爺仲咦咦哦哦話食物凍曬無營養，喂咁我行開翻熱啲飯俾你粒孫唔通我碗飯唔會凍嘅？（oh sorry離咗少少題
)
比著我都會同你一樣做法！但如果老爺/奶奶唔係叫你整熱啲嘢食，係自己走去整熱啲嘢食嘅話你會點🥲
其實我個仔得3個月大
但同老爺奶奶住好擔心佢地會干擾我教小朋友
（sorry完全離哂題）
我一定出聲，唔係一餐半餐飯問題，係對教育小朋友問題，會影響個小朋友。
繼續離題
為咗小朋友，你要惡啲對老爺奶奶，真心。
佢哋梗係一味錫，但你個目的要教佢釣魚而唔係就咁比條魚佢
而家開始establish 呢樣嘢啦，唔好比佢哋開咗嗰個「爺爺嫲嫲話事」嘅頭，盡量唔好開缺口。最多比多啲其他機會佢哋去愛錫佢，但管教一定要企硬
2個讚
同老爺奶奶點角力，好現實好睇老公幫唔幫自己….
我有俾老爺奶奶空間去縱孫，我直頭係開口同四大長老講明佢哋可以喺教養以外縱孫，例如食零食（大前提係餐飯食得好先可以食），但教養就唔可以插手，因為佢唔識做人，啲人係會話阿媽而唔會話爺爺嫲嫲
但如果同住，廚房好大機會係你奶奶主場，你好難話事，同埋做得太僵對大家都唔好
換轉係我，可能會做得古惑啲，要小朋友先開口多謝爺爺嫲嫲唔怕麻煩咁錫自己，然後補刀話下次媽咪唔會再俾你有機會辛苦爺爺嫲嫲，因為啲食物凍曬係小朋友食得慢/唔肯過嚟食而造成，想食熱嘅食物下一餐就要乖喇，當然呢句主要對象係老爺奶奶
講其實唔難，但要俾長老知你係個講得出做得到嘅人，呢啲要時間去磨合
3個讚