我小朋友就3歲，屋企無工人。一直係公公婆婆來照顧，我唔洗返工就會自己睇返。小朋友有懷疑自閉症，有時候去街會扭計要人抱或坐地下發脾氣。
因為小朋友既情況，朝早就返密集式訓練，下午就一個月6次去早期教育訓練。小朋友好多時因為晏覺被叫起身上早期教育訓練會發脾氣。前幾日，早期教育訓練個老師同我講覺得點解我唔請工人接送小朋友，認為我咁好harsh 兩個老人家。成個過程不斷怪責我。其實我聽完好難過。
我老公無乜點養家，又唔幫手照顧個小朋友。我係屋企經濟支柱，小朋友上密集式訓練成萬蚊都係我一個人俾。兩間中心既家居訓練係我收工日日自己負責，我放假都係自己一個人帶個小朋友四圍去同覆診。
我俾個老師話完，返到屋企大喊，不停同個小朋友講點解你唔可以係正常同乖啲。小朋友見我喊，佢都一齊喊，仲喊得好可憐。我見到咁，好內疚。有時候我都會有個念頭想死左去，但一諗到小朋友無左我可能會好可憐，佢老豆唔會有能力俾佢上訓練，連樓都唔會供到，我就覺得原來我連選擇死既權利都無。
我都係瞓唔著上來呻一呻。
唔知點安慰你，喊下都好，太大壓力好易爆煲的。
點解職員會咁講？你父母好大年紀/搞唔掂小朋友？
你先生又咩事？唔養家唔照顧小朋友，佢存在for what？
我父母65歲。其實我個小朋友大隻，扭計抱都重。個老師覺得外判俾工人未得。但我覺得工人更信唔過睇有特殊學習學習需要既小朋友，加上上訓練係要照顧者入去學點做。
我老公係廢廢地，無責任心同堅離地。佢只係識擦存在感（佢屋企都係）。其實唔係怕佢屋企會好爛咁搞我，我係會離婚。
所謂既家用係少過一個工人既人工。連供樓一半錢都無，佢只會話我搵得多未俾多啲。咁情況我，我點敢請工人。
辛苦你，give you a big big hug!
其實搵長輩湊，係小朋友個情況可能更好，有個熟悉嘅人去照顧，你又安心啲，又肯定對小朋友好。
外人唔明你家庭情況，講嘅野唔好上心，你已經係能力內做得好好，加油呀！自己都要搵啲方法放鬆，休息先可以行更遠嘅路！
辛苦你，以前工作有接觸SEN學生，真的不容易，要無比耐性。我覺得你畀你嘅小朋友去訓練，已經好用心咁栽培佢，佢自小可以接受訓練，相信慢慢會改善的。
我反而覺得奇怪係點解個導師會咁講野，我唔知佢語氣係點，但在唔知人地家中情況就咁樣講，真係不恰當。
咁當佢透明算啦，幾千蚊都當幫補下，現階段你老公唔搞事就顧左小朋友先！
唔係你錯，係佢有問題。
你老公改變唔到㗎喇，既然佢咁廢，如果佢會增加你嘅壓力，不如恨心d。
果個所謂老師都幾衰格，人地點安排關鬼佢事，但你似乎已經出現左抑鬱，要搵人幫下你，否則好易出事
你做最錯嘅事係嫁個廢男人⋯⋯有無諗過要同佢傾？
無必要為左個陌生人嘅說話介意咁多，家家有本難唸的經，你已經好努力平衡各方面
傾過。佢話自己能力有限，覺得我demanding 。佢唔覺得要帶小朋友四圍去俾stimulation 。甚至覺得間中(可能一、兩個月)落去樓下公園或商場行下未得。
家用呢個問題係小朋友出世有傾過要加，我果時好似乞丐咁乞。佢甚至覺得點解要俾entra錢公公婆婆睇。如果係咁搵佢媽。後來佢人抄左，失業左成兩年，今年先搵到工，佢就覺得要儲返啲saving ，就算俾返家用都係呢個數
多謝你
其實mood swing 左好一段時間，時好時壞。可能一個人忍住唔多壓力，但唔可以話俾人知。我最嬲係我奶奶乜都唔知，仲覺得自己係上等人，覺得我maltreat 佢個孫，個個星期黎都講啲有骨説話。
你老公應該都係緊張錢啫
我覺得又唔係唔理家庭
試下再傾下啦
個仔始終係你兩公婆
公公婆婆的確只係幫下手
錢個度 同佢講 小朋友有足夠訓練 小學前都可以助番正常
加油！
佢都唔係錢咁簡單。小朋友都就三歲未試過同小朋友沖涼同單獨帶小朋友落街。舊年N 班面試撞左我返工，我叫佢帶去，最多婆婆陪到門口，之後佢話人地唔知乜學校，唔去面試。
我份工要返shift ，都有時要OT。佢自己心情唔好會黑我面，甚至之前我因為要開業主立案法團大會投啲重要項目票搞到10點先返，佢黑我面。覺得點解我要去投票唔早啲返屋企。
真係好憎D外人對自己生活指指點點，每個屋企都有自己難處，唔出聲唔批評真係最好既幫助
加油呀媽媽
你已經盡力比最好既小朋友
生活有好多不如人意既事
其他好多人都掙紮緊
你不孤單
俾個擁抱你，明白你而家已盡自己能力去照顧小朋友同埋頭家，唔好聽嗰個老師講，佢唔了解所有就去落judgement,唔好將佢啲說話放上心。
而家唯有將注意力放喺小朋友身上，希望啲訓練可以大大改善佢情況。至於個豬隊友，諗嚟盞勞氣，練吓左耳入右耳出，唔好浪費時間去消化佢同奶奶啲說話。
多謝你。
有時靜落嚟，見到宜家香港咁，會有一種好似得驅殼唔知自己做乜既感覺。上來forum 覺得家家有本難唸的經，大家都好努力係困難中向前行。不過多謝你。
聽完你咁講
真係要俾個抱抱你
加油
對自己好啲
記住你仲有仔仔 
或者考慮請個工人協助老人家
即係純粹幫手買下餸，執下屋，咁老人家湊孫可能無咁攰？
當然要經濟負擔到