老師會唔會睇到老人家好吃力、唔識點處理呢類小朋友吖？我見過有老人家一路湊孫一路狂鬧
2個讚
你個導師真係無同理心
1個讚
其實你先生可能都有自閉傾向,所以對你冇同理心
亦都可能係佢遺傳到俾小朋友
Anyways,湊大一個sen小朋友真係勁辛苦
仲要你先生嗰邊冇乜support俾到你
所以唯有自己頂曬…
7個讚
其實你老公對你咁差又冇前途，當初點解會嫁佢？！
1個讚
樓主, 我明白你, 我老公情況同你90%似
佢會覺得:
- 我冇你咁叻嘛
- 我又唔識自己變叻
- 我地又唔會餓死(因為我都搵到)
因為屋企所有嘢都係我搞(唔係誇張, 係所有)
有時我都會壓力好大
大到想傷害自己
但諗諗吓我死咗D細路點算
有冇飯開都成問題
我知樓主都好忙好忙
但可的話每日都要搵半個鐘自己時間
搵野enjoy 吓
我自己就會拎哂小朋友去訓之後睇劇
睇到好緊張又上網人討論
樓主你要對自己好D
日日留少少時間俾自己
9個讚
………………….
感覺到媽媽好辛苦 攬攬你🫂
你已經好叻 及早發現小朋友嘅需要 比佢有接受訓練嘅機會
依家小朋友係E位？
黎緊佢讀幼稚園 可唔可以轉去O位（到校服務）？
有部分O位 幼稚園會係返學時間做訓練 咁就減少接送去訓練嘅次數 希望幫到你
1個讚
JM 抱抱, you are not alone.
小朋友有你呢個盡責嘅媽媽係福氣, 千祁唔好諗埋一邊
外家幫到手已經好好, 對父母好D, 請下佢地食嘢旅行, 好過益個廢柴老公
同你父母多D溝通解決方法, 可以請個工人喺佢地果邊嘛? 咁又可以做家務幫輕下, 湊小朋友都多個副手
1個讚
係個街外人唔識做干預你家事啫，一時難受明白，呢度好多人明白你站喺你嗰邊
你淋善，畀我係你一定投訴個導師
1個讚
有時外人唔明情況, 係度指指點點, 唔好介意咁多。
可能長老有啲年紀, 小朋友又大隻b, 老師睇落長老湊得吃力, 所以多事左。
照顧一頭家唔容易, 真係會好攰, 好多野要安排處理, 你已經做得好好 
小朋友好快大, 遲啲佢既需要又唔同… 你自己計過數請唔到工人就唔好請, 工人一來而家難請, 二來唔一定好+幫到手 
自己情緒都要好好照顧, 有咩唔開心上黎呻, 撐你 
1個讚
其實有諗過，但我父母平日我幫手買餸都唔洗話我唔識買
請工人可能一樣。
家務其實我叫佢地留返難既俾我，如洗廚房，抽氣扇，浴室，洗冷氣，床單被鋪。因為對佢哋來講太辛苦
可能見佢地65歲。公公婆婆其實好少鬧我個小朋友，因為大家知我小朋友好玻璃心，都易放棄，又會對自己有要求覺得自己做唔到而發自己脾氣。
最初得兩個人，佢工作又順利當然無乜野。但婚後佢工作唔順利，我工作上又好好彩點辛苦都遇到好同事撐住，佢開始就越來越自我。
1個讚
多謝你。
其實我都因為覺得如果我有事我小朋友好可憐既信念一直撐落去。同埋不停搵機會equip 自己同儲錢希望有一日可以做freelance job無咁困身，再多啲時間睇小朋友
我份form 因為多過半年前做評估，所以轉o 要有新評估都要話可以申請o。
我宜家好擔心做政府評估因為太strict ，我小朋友會fail 。
我見公公婆婆辛苦，其實我平日都有攞假自己睇返小朋友等佢哋休息。之前有請佢哋去staycation 鬆一鬆~
對你都一樣係太辛苦，你老公真係廢（唔好意思）
能力許可認真考慮吓請工人，多個工人幫手係會舒服好多好多。
揀左個唔match自己嘅老公加生仔，就算你個小朋友好正常，都一定會大壓力喊哂。
所以唔可以怪個小朋友，怪自己就好了，小朋友先係最慘，自閉症係先天性。
搵老人家湊小朋友冇問題，問題係佢哋有幾辛苦？
可以平衡番佢哋年紀健康vs你set嘅schedule同工作量。
例如我嘅情況，奶奶想拎個孫番屋企湊兩日，但又覺得帶佢上堂辛苦，咁我咪改啲playgroup去第二日囉。
如果你老人家冇投訴，外人講乜可以唔使理，因為你冇問佢意見，你可以對自己嘅安排自信啲。
4個讚
其實所有訓練都係點對點一、兩個黨鐵站。公公婆婆都係點對點接訓練，就算去公園都係車站旁果啲。小朋友覆診係我自己一個人帶，因為轉好多次車，公公婆婆帶會好辛苦困難。
我老公都覺得自己亞氏保家，我好炆係佢自知遺傳就要知黃金時間介入其實係幫到好大，但佢唔幫不特只，仲有時意見多多。
1個讚
樓主，個老公廢可以不理，老師係外人可以不理，你其實好叻女，你父母都好撐你，幫你睇住小朋友。你更加要為自己人生爭一口氣，做自己同小朋友一個好榜樣。女人係可以好似戰士甘犀利。
10個讚