未有
香港地大把人唔靠長老，你哋仲要有層樓，接小朋友返嚟，請工人，轉校都解決到。
睇下你又有咩藉口話唔得之嘛。
3個讚
有同老公提出過，又係say no
Say夠no未？
你老公係咪要迫到你癲，迫到你抑鬱，先肯認真一齊面對？
你地生個小朋友出黎，係有責任一定要比健康家庭生活佢架，要做業主佢做到夠！邊個阿媽唔肉赤仔女丫？佢咁都唔孭個責任去take care你地，換轉係我，唔好怪我發癲。
又係嘅，又有得做業主，又有得唔使湊仔，贏晒啦。
4個讚
算啦，睇樓主咁覆我覺得佢冇想像中咁大壓力。佢怕面對佢老公多啲
樓主老公係個仔嘅親生父親嗎？
小學正常3點幾先放學，而家covid 就可能半日。唔知樓主經濟問題去到咩位，如果唔想請工人屋企多左個人，一係試下轉part time 。
你老公say 完no有冇講原因呀？定係佢覺得小朋友一直唔同住係冇問題？如果知大家係有心解決問題既，你list 哂options 俾佢簡個佢比較接受到既方案。
「冇問題架，繼續咁都唔影響，好快中學佢都要獨立架啦。」其實樓主係咪想要呢d回覆？
如果樓主樣樣野都話老公say no就冇下文，根本係唔會有機會解決呢個問題，咁唯有按老公嘅意願由佢繼續發展落去。可能去到唔知邊一日老公會要求接番小朋友一齊住呢
6個讚
乜車程30-40分鐘好遠咩??
最大問題係樓主同老公關係好似唔係好平等？
因為老公係經濟之柱？咁你轉份唔洗ot既工，人工少d，經濟會唔會好有問題？
但當初生小朋友既時候，係咪有共識大家都想生？感覺老公好似唔係好想同小朋友相處多d咁
anyway, 宜家唔生都生左，樓都買左，你只可以辛苦d多d接小朋友返屋企，老實講，我朋友住tuen mun，都係日日送小朋友去紅磡比媽咪再返天后返工，佢份工都會ot，我都好佩服佢，係好辛苦，但媽媽既愛就係可以支持到佢咁樣做左幾年
講到尾都係睇下你有幾想接小朋友返屋企住，我覺得最少都真係五、六、日要接返屋企，如果唔係其實小朋友對你都冇咩感情可言
星期六唔參加學校既活動，可以參加校外既活動既姐，呢樣野好小事
4個讚
好同意，講白啲，只係樓主兩公婆懶，特別係樓主老公，根本唔想同小朋友相處，依家咁“完美”，有小朋友又唔使湊，點解要接返嚟攞苦嚟辛。
8個讚
樓主開post 唔係想問人意見點樣接返個仔一齊住，只係驚小朋友有冇得參加咩班怨佢啫！
其實有冇得參加都唔係咩大件事，個仔大個就識諗返轉頭，兩個做父母嘅有冇負責任。
講真, 如果仔女真係想去參加課外活動嘅, 我會寧願滿足左佢先
BTW, 我突然間諗起有個朋友係由細俾婆婆湊大, 到中學先同父母一齊住
佢19年去左working holiday, 係出發之前幾日先同父母講, 到而家都未返來, 都唔知仲會唔會返香港。唔知佢同佢父母點諗 
真係唔明呢d 人點解要生？
湊小朋友真係好辛苦㗎，辛苦過返工，又要出錢出力，所以老人家其實都需要好好休息，上一輩肯幫已經好好了，唔好太過依賴
4個讚
又真係唔明點解30-40分鐘車程唔可以參加課外活動??
乜都有原因（藉口）。
2個讚
有啲人生個小朋友只係用嚟過「天倫樂」時間嘅道具
星期六日同小朋友玩下過下家庭日
星期一至五交俾四大長老就唔使理
2個讚
「驚小朋友怨佢」咪就係佢自我陶醉響「我盡咗力我都唔想但現實冇辦法要分開住唔好怪我」嘅藉口囉。驚小朋友怨所以最後都係留佢響長老屋企啦。連週末都唔洗湊仔，正呀。
成件事我只同情個小朋友同長老。
3個讚