無錯呀 我意思唔係話四大長老幫手係有問題
你話湊下放學 一星期去玩一日緊係無問題啦
但係如果majority既時間都係長老度 就會有問題出現
1個讚
我同長輩屋企住得唔近，唔想小朋友跟住我舟車勞頓，所以星期一至五未有接返走
我仲未供完樓，想搬返近啲都唔太可行
小朋友學校响長輩屋企附近，所以如果佢星期六有學校活動，星期五晚跟我返一返屋企，第二日又一早要搭車，我唔想佢太辛苦
課外活動唔係必要，可能都未必會參加
星期一至五會抽時間去長輩屋企，你朋友好好，係我份工成日都要OT，返工搭車要預1.5小時，所以冇晚晚去
會唔會考慮將層樓放租，再搵個近長輩屋企嘅租盤，雖然成本可以多咗，但可以湊小朋友返自己到瞓
1個讚
我同先生未能就小朋友搬唔搬返一齊住達成共識，我都有提出過對於小朋友成長既影響
經濟大權係先生話事，見社工相信幫助唔大
一齊住都唔關心，咁又真係差d
大家既小朋友讀到小學幾年級你地會俾佢自己返學放學?
自己買間屋, 辛辛苦苦供樓為嘅唔係一家人一齊住咩…
而家有得住, 但係冇得小朋友一齊…
見社工就係想睇下點先有共識, 定係個原因係錢? 如果唔係因為錢, 同你老公有冇經濟大權有咩關係?你覺得揾錢果個係大哂咩?
冇長老照顧可以揾社區保姆, 大把人冇長老, 冇姐姐都係咁揾人湊
除非你冇多俾家用,飯錢(或者underpay)你長輩, 如果唔係應該唔係差好多。
1個讚
但如果一直唔搬屋/出租，你而家呢個情況係諗住維持幾耐？小朋友bb時期記憶唔深著重多d 生理上既照顧，擺長老到湊都仲講得去。但幼稚園同小學呢，佢地大左都會諗點解人地可以同父母住但自己唔得，都有d慘。
識人因為咁自己搬返去娘家、最後老公都要選擇、搬近d、唔通真係一家人長期分開咩
睇下你個番學路程，如果好遠又多馬路會好唔放心。不過我自己覺得會湊到去小六，中學先俾佢地自行番學放學。
女仔中一。
哦……我以為係私樓，咁要補地價又係一個問題
居屋要補地價依方面真係好煩…
我呀媽嗰代買居屋, 平係平…但係3個仔女, 平分又無咗免印花稅, 賣咗/出租一人袋啲又要補地價。 
當初買樓個陣未有小朋友？
樓主，我覺得你一路只focus有乜難處令你接唔到細路返去同住，而你表達出嚟嘅態度都「支持」自己咁做，好似好無奈住得遠要接受唔係我對佢唔好… 你未必有心，但我嘅感受係咁。不如你轉下諗法，睇下點先可以接到小朋友返屋企住啦。我自己覺得一家人小朋友咁細，一齊住先係最重要，而唔係將照顧同管教責任推比老人家，咁對老人家同小朋友都好唔公平。
11個讚
男人無諗咁多，佢哋覺得有人湊就ok, 加上懶唔想搬…果時我仔去嫲嫲度住，爺爺要瞓地下，我老公都覺得無問題 
1個讚
根本就好多理由，樓主兩公婆選擇咗咁，就要接受之後嘅後果，我覺得仲喺到講驚小朋友怨乜怨物就多餘。
兩個成年人，生個bb 出嚟前無共識已經錯，之後唔放小朋友喺第一位，魚與熊掌唔會兼得，先唔評論樓主放個仔喺娘家啱定錯，所有嘢都有利有弊，你揀咗，就要接受埋個弊。
4個讚
係，我見留言咗咁耐，終於見樓主再留言，我仲以為有咩好消息updates，原來都仲係得個諗字同自己話唔到事，咁就講多都晒氣。
好悲哀，小朋友如果知道因為供樓無得一齊住，你話幾難受
1個讚