我出年近住年廿六至年初三生b
因為近農曆年，所以之前一直都搵唔到陪月
然後大約九月中，終於搵到個陪月姨姨
但佢一個星期前話我知佢有咗第二胎
到我生嘅時候，佢應該4-5個月
佢話佢應付到，雖然我好想用佢
但而家個情況，我係唔係應該搵過另一個陪月姨姨？
梗係轉人喇，佢陀住一個點湊初生 B呀, 同埋相沖唔係咁好，快快搵另一個。
係呀，到時佢又有情緒，你又更加會有
一陣佢抱B，搞到佢自己有咩意外，你又唔會好過
問題係佢肯唔肯退返訂金俾你？
其實我一聽到都已經上個d陪月中介搵，但一直冇消息
相唔相沖，我唔知，我只係擔心有咩事整親我個b或者佢都唔好
如果搵唔到其他陪月，我應唔應該都照用住先
佢肯呀
但到現時li刻我都未搵到另一個陪月
我媽同我老公好似冇考慮過你講嘅問題，話個陪月都覺得自己應付到，可以照用
搵過另一個啦。始終大肚身體狀況有變數，萬一佢係你屋企整都唔好。你另一手就問定月子餐，萬一搵唔到都有餐飯食。
農曆新年係難搵的。我當然請左個，佢用咗不同理由，由我本身想佢年28返工，最後係初6。我果時已經係12朝，我心諗月我都坐左近一半。
1個讚
無論用定唔用，你都要睇下勞工處嘅懷孕顧員條例、權益。
謝謝提醒
最驚到時佢有咩先突然話做唔到，搵定第二個好啲
要諗最壞情況
另外睇吓可唔可以捉老公同阿媽上出面比錢嗰d 自己坐月班，打定底先
可否睇定月子餐，
捉隊友阿媽上堂，
搵鐘點淨係洗嘢？
我老公已經好主動咁報咗，仲上完陪月班喇
但佢待產假唔多，到時都愛莫能助
我媽因為隻手有事，做唔到要用力嘅嘢
我之前都諗住訂月子餐
不過我個中醫唔建議，所以至冇訂
而家可能都要再研究吓
點解唔建議既？
佢話月子餐好多都預先煮好，再自己加熱，其實營養已經少咗
同埋醫師話食普通嘅食物就夠，月子餐太貴但又唔係d咩貴嘅食材
1個讚
多謝分享，
如果屋企人整到，當然最好。
平之餘又可以好新鮮。
講真2nd trimester可以話係成個孕期最輕鬆嘅時候，如果我係嗰個陪月我都會覺得自己handle到，問題係佢係咪真心想做…
佢話佢想做㗎，我都信佢想做⋯⋯因為我擔心佢同呀b沖涼，佢就幫我諗好可以點解決
但佢仲有個大仔要照顧，嚟我屋企又要50分鐘，係唔係真係應付到
雖然佢都話4、5個月係陀得最輕鬆嘅時候，但唔知佢舟車勞頓會唔會好辛苦
嘩，就咁聽都唔覺得佢岩做，到時點知佢呢胎會唔會咁岩會係咁反胃作嘔架。
4/5個月都見見地肚，到時如果仲要痞低身幫bb沖涼，有咩事點算？
知道你暫時搵唔到陪月，所以見難得有陪月肯做就唔想放手，但問題係個陪月現階段根本唔適合陪月嘅工作。
我係你就拿拿淋努力搵另一個，大肚陪月就叫佢好好休息養胎。
你大肚有咗bb番工，個顧主都要特別體諒俾啲輕鬆嘅工作你啦
做得陪月又要煲薑水俾你沖涼，咁到時邊個幫你倒水好？