你住邊區？
如果係屯門天水圍元朗區，我可以介紹我依家用緊個陪月比你。
我用到佢1月頭，我知佢暫時冇接job 。
講真陪月大肚雖然已經4.5個月大。陪月做野無停手。大住肚重要做野一陣整親就吾好。我本人都係陪月，生左4件。好明白大肚湊b個種辛苦。請過另一個啦。如果吾介紹新手陪月。有人用住都ok呀。
其實大家講嘅都係我擔憂，同照顧時嘅狀況我都有諗過，但現階段搵咗陪月中介、問朋友都未有聲氣
所以我諗緊最差嘅狀況，真係搵唔到陪月，好唔好用住佢先
因為真係冇人幫到我
如果係我, 請唔到新陪月都唔會用佢, 擔心佢幫手時有咩意外, 自己唔安樂。自己產後情緒又唔知點, 仲要擔心埋個陪月, 太多煩惱。
有冇試陪月一站? 有朋友既朋友試過臨生先請都請到, 雖然係新手, 但最後都OK呀。
4個讚
大家咪一路都答緊你唔好囉
1個讚
以家係咪有酒店月子住宿？
值得讚賞呀！！！
都有聽過，但月子酒店好似好貴吓
（雖然我唔知陪月價錢）
好貴呀
負擔唔到
嗯⋯⋯了解
即係最壞情況就係自己搞掂
其實如果你要求唔高嘅，主要有人煮到3餐同埋幫你煲到薑水沖涼，其實都唔難搞掂
啲家務果啲就留返俾你屋企人做，你主力湊bb兼休息，一個月好快過
搵陪月其實你唔介意新手嘅話，講真依家erb 咁多陪月課程，你可以試下打去哩啲有陪月班嘅機構話你想請陪月，應該都唔難搵到嘅
我知婦女會有哩啲班，你可以試下打去問問
1個讚
冇人幫手湊得嗎？
我嗰時昏睡咁濟
得啊，我果時奶奶煮三餐加煲薑水，老公就做家務洗碗，我自己一腳踢湊曬bb
可能我唔放心個bb俾人湊，所以坐月果時都訓唔到淋
1個讚
你自己幫bb沖涼？
你個陪月好後生嘅？我以為做得陪月嘅起碼50
搵個過啦，寧願揀個冇乜經驗都好過到時要點個大肚婆做嘢
一陣佢有咩冬瓜豆腐你就大鑊
最初係朋友介紹，見面時先知未夠40歲
我會一直搵陪月呀
其實好多人連陪月都負擔唔起，咪又係咁湊。
同埋陪月一日得果8個鐘，幫得幾多？
其實最緊要有人做煮3餐，做家務，洗奶樽洗3仔。衣啲你媽媽做唔做得曬先？
如果ok嘅，你都淨係餵奶，抱訓教，換片姐，沖涼都可以等你老公番黎沖啦
同埋我個人覺得啦，最難湊係1-2月個陣，訓得冇初生咁淋，反而要抱得仲多
我媽隻手有事，所以真係幫唔到，同埋我媽同我住得唔近
我老公成九點幾十點先放
係啊，由醫院接返屋企都係我同bb沖
咁無辦法啦，如果你媽媽幫唔到，你真係需要多一個人幫手。
如果到時真係請唔到陪月，不如請家務助理？
我驚如果你繼續用有咗bb嘅陪月，到時佢身體有咩事，放你飛機，你仲無助…
同埋你最好諗下，bb滿月後至2個月到，你一個點湊佢，因為你始終好難帶住佢出街買餸…
1個讚