決定唔到生唔生..諗到頭都爆

[A_lcy]

@Properpig

我唔明個問題係咩，人地家庭嘅事我唔會judge，只求自己提供到適合環境俾小朋友。

只係一個例子，有土地問題、有教育問題⋯⋯等如上面講嘅國民教育，有人接受唔到覺得細路係被洗腦，你有信心會守住，所以先會有正、反兩方。
我亦唔係judge 你會唔會成功，只係有人提出呢樣嘢去討論時，我講出自己嘅想法。

[A_lcy]

@loveangelbb

好似更多人介意窮人生仔。

呢個喺高登已經講。
嗱戴定頭盔先，我唔係代表你仔女一定會怨你，我想講每個generation 回顧嘅時代唔同，年登呢班講緊十幾廿年前，當年無咁嚴重嘅政治問題。
到呢一代小朋友回顧返2019，唔知佢哋有咩諗法？
我有中年朋友依家「怨」緊當年父母無幫佢申請BNO, 想走都走唔到。

[Thaiamazing]

@A_lcy

@Thaiamazing

如果真係not sure which one 係負面，問下自己，自己俾人咁叫/評論會唔會唔開心？如果自己都接受唔到，咪唔好用。

我知好多人心臟強大，EQ又高，但唔係所有人都係咁

唔好話討論區，全世界就係咁，好難要求所有人嘅意見、用詞、語氣都乎合自己要求。
你覺得有人講嘢好負面，但我覺得佢哋mean 我有道理，大家睇法唔同。

如果你唔介意人哋mean，好好。我就覺得講道理，唔需要mean.

全世界都做嘅嘢，唔一定啱。

[loveangelbb]

@A_lcy

我唔係代表你仔女一定會怨你，我想講每個generation 回顧嘅時代唔同，年登呢班講緊十幾廿年前，當年無咁嚴重嘅政治問題。

唔知我有冇撈亂左，記憶中我小朋友同你小朋友應該算同代。你有冇擔心過小朋友怨呢個問題？
我個人覺得關係唔好時係咩都可以"怨"。我有朋友讀書好叻怨呀媽窮俾唔到佢出國深造，亦有朋友怨呀媽中學趕左佢去外國"自生自滅"。我覺得最緊要係關心同溝通，聆聽仔女意願，唔好一相情願用"為你好"黎幫仔女做決定。

怨父母冇bno個位，其實而家有好多救生艇計劃。真係想走既，貴有貴走平有平走。怨唔怨我覺得一黎睇父母教法，二來睇有冇緣份。我而家對仔女做既嘢唔望佢感激，亦唔擔心佢怨，我做好自己本份就夠了。

[A_lcy]

@Thaiamazing

全世界都做嘅嘢，唔一定啱。

當然當然，不過希望大家輕鬆d，唔係做人好辛苦。
如果接受唔到其他人嘅所謂意見，有d 話題真係只適合同自己朋友討論。

[godsavethequeen]

好多時都係個老母望住個小朋友覺得好sweet好有希望成個世界係粉紅色
咁小朋友大個左邊個帶希望比佢？

[Chibimaruko]

@A_lcy

我記得有次喺到睇到有人post 咗新聞講劏房狀元考到入大學好勵志，轉頭上連登d 後生仔講自己住公屋無房無書枱阿媽一叫食飯做緊project 要清哂飯枱嘅電腦、書⋯⋯團火都撲熄著唔返。

我離題，分享一下經驗

我自己都真係咁樣大，點止冇枱，直情冇房冇床，瞓覺張床都係摺嘅，朝行晚拆

不過到中學就有自己枱，放學有時喺自修室，有時趁屋企人瞓著先做功課

你問我慘唔慘？當年唔覺得，因為個個都係咁，班上面有啲富貴嘅只係極小數

我諗而家個社會小朋友就會覺得慘，咁唔怪佢哋，因為佢哋身邊好多人都係環境較好

我知道我媽有我多好多歡樂，我好生性，幾條A入HKU，但我都不禁問生我出嚟做乜，環境唔好，出街食飯都冇錢，著舊衫舊褲，又生多個，唉

Sorry 感嘆啫

[Chibimaruko]

繼續一下，放工搭車無聊

我冇話怨我媽，因為話曬香港當時環境好，機會多，讀書靠自己入到大學，出嚟搵嘢做幾年就買到樓。我恨去外國不過知道呢個係extra要求，咁起碼我屋企做到基本養到我入大學（自己申請Grant loan）我已經ok

但而家如果我媽生我我一定怨，個社會環境差成咁，同八九十年代爭咁遠，生我等如害我！

所謂怨唔怨都係要睇埋社會環境㗎

[MrsYellow]

其實正定反都發表到自己意見，我又睇唔到有邊一邊阻止人講落去，不過好明顯有一邊站喺道德高地話人就係事實，2019後生仔就係無腦blah blah blah, 每次呢類post一出，呢類型指控基本上一定會有。
有時啲嘢，點到即止，每次一有生仔post,總有人磨拳擦掌預備開波，我好尊重每人有自己立場，更羨慕人哋無包袱（喺呢度指仔女）之餘講得出做得到，無做出啲所謂害咗下一代嘅行為。其實講咁耐都係尊重兩字，港共都未迫到香港人絕子絕孫嘅時候，話係同路人嘅已經講到你生仔等於係一個仆街，真係好無奈。以前一句不分化，不割蓆，幾時開始變咗笑話嚟？

[Thaiamazing]

@MrsYellow

其實正定反都發表到自己意見，我又睇唔到有邊一邊阻止人講落去，不過好明顯有一邊站喺道德高地話人就係事實，2019後生仔就係無腦blah blah blah, 每次呢類post一出，呢類型指控基本上一定會有。
有時啲嘢，點到即止，每次一有生仔post,總有人磨拳擦掌預備開波，我好尊重每人有自己立場，更羨慕人哋無包袱（喺呢度指仔女）之餘講得出做得到，無做出啲所謂害咗下一代嘅行為。其實講咁耐都係尊重兩字，港共都未迫到香港人絕子絕孫嘅時候，話係同路人嘅已經講到你生仔等於係一個仆街，真係好無奈。以前一句不分化，不割蓆，幾時開始變咗笑話嚟？

Well said​

[notb6b6]

@MrsYellow

2019後生仔就係無腦blah blah blah

真? bd我又唔覺

[SorryBee]

@notb6b6

@MrsYellow

2019後生仔就係無腦blah blah blah

真? bd我又唔覺

係真唔係

唔通真係要列表？唔想擇名捉錯處咁，搞到要咁都好傷大家感情。因為我自己的話其實成個討論最反感都係呢樣嘢，但如果你意思唔係咁嘅話，真係要睇下係咪講錯or get 錯喎

如果係誤會就盡快搞清楚

[A_lcy]

@MrsYellow

好明顯有一邊站喺道德高地話人就係事實，2019後生仔就係無腦blah blah blah, 每次呢類post一出，呢類型指控基本上一定會有。

呢類指控一定唔止bd 呢個小小嘅平台。所以想呻想圍爐嘅真係只適合同朋友傾下呻下。

@MrsYellow

有時啲嘢，點到即止，每次一有生仔post,總有人磨拳擦掌預備開波

我眼見嘅，其實大家都係心痛小朋友、或現今年輕人受到嘅政權迫害，無人想撩交鬧，想鬧交就入咗備孕區。呢個唔係生仔post, 係生唔生嘅post。

[A_lcy]

@notb6b6

真? bd我又唔覺

其實我都唔覺
搞到喺到講嘢都好大壓力

[Chibimaruko]

我自首，之前另一個post我係話呢個時勢生嘅人on9，但我理據一樣好足，唔係純罵

當時有朋友都話我語氣差，我有反省有改，我自問今次呢度冇一嘢罵人

我係好心痛啲細路，未出世嘅最好唔好出世

Btw樓主有冇嚇親㗎，只要你諗清楚，你個決定我一定支持

[A_lcy]

@Chibimaruko

當時有朋友都話我語氣差，我有反省有改，我自問今次呢度冇一嘢罵人

你上一個post 簡直nice 到我接受唔到

[Chibimaruko]

查實你哋平時會留意發言者個名㗎？我冇㗎，所以有時我同某人嘈完我都唔會記得，當然好出位嘅例外啦

Thaiamazing 我係咪好似同你拗過黃絲公務員？我有少少印象，拿真係唔好上心，多多包涵，我唔會針對任何人

我自己都脾氣臭，我根本係男人格。但多謝大家提醒，會努力保持manners

[Thaiamazing]

@Chibimaruko

查實你哋平時會留意發言者個名㗎？我冇㗎，所以有時我同某人嘈完我都唔會記得，當然好出位嘅例外啦

Thaiamazing 我係咪好似同你拗過黃絲公務員？我有少少印象，拿真係唔好上心，多多包涵，我唔會針對任何人

我自己都脾氣臭，我根本係男人格。但多謝大家提醒，會努力保持manners

記性好。難得我咁平實都記得我

你係呢度，大家好難唔識你。

總之一句，同路人，各自努力啦。

[Chibimaruko]

@Thaiamazing

記性好。難得我咁平實都記得我

你係呢度，大家好難唔識你

唔會上心丫，嘈下之嘛，你好多時講嘢都啱聽㗎，黃丫嘛，唔會係人格問題，只係不同issue不同意見

（後生就仲火爆，自己回想得啖笑）

如果對方係Nancy 我一定記實咬住佢唔放，好彩呢度冇

[MrsYellow]

@A_lcy

想呻想圍爐嘅真係只適合同朋友傾下呻下

呢個我一向同意的

@A_lcy

我眼見嘅，其實大家都係心痛小朋友、或現今年輕人受到嘅政權迫害，無人想撩交鬧，想鬧交就入咗備孕區。呢個唔係生仔post, 係生唔生嘅post。

我明，出發點都明，不過每人感受唔同，有時純粹直接啲去講，但對人都可以造成傷害，藍c我話之佢，如果係同路人媽咪，就覺得唔抵。
不過認真，呢度真係算好理性其實我都唔係想批判，當係溫馨提示，我信大家都唔係有心要冒犯人，好似你咁講，大家都係太心痛啲小朋友