可唔可以請教一下，點樣修飾先可以令人唔難受呢？
唔係講緊鬧人on9 呢d，好多人上面都講嘅理據，仲可以點修飾？
虛心受教中。
頭先我提出過mirror賺藍養黃論，其實就係想表達就算黃都有2種聲音。1種係眼中容不下一粒沙，黃要黃得好徹底。一種係覺得可彈性，只要內心係黃，形式上賺藍養黃係接受到。我自己係後者。第日我仔個10分佢攞唔攞我都會尊重佢。
1個讚
我認真架
響移民問題上
好多人只提及為左下一代先走
但好少人提及為左照顧上一代決定唔走
2個讚
咁你真係留意唔到都冇辦法, 都冇乜必要去學啦
睇到就係轉牛角尖, 唔洗對號入坐咁
講真, 佢點樣答同佢入唔入到心儀學校我都冇乜大諗法。
咁認真去對待呢條問題只係令自己難受, 政權要打飛機咪由得佢自HIGH囉
最緊要係小朋友自己覺得點, 家長只要support佢就OK
自己做過學生, 試過入唔到大學結果都係靠自己再努力啲。
1個讚
只要內心係黃
其實我唔同意
有D底線係唔過得
做勝利球迷比純nancy更可恥
可況而家都叫仲有得選擇
有個frd話: 簽左宣誓,但內心係黃
我心入面即刻話: 食屎啦你
1個讚
唔好意思題外話：睇到你呢句，有感而發，我覺得呢度和諧過BK, 我睇咗BK有10年，而近呢兩年我呢度同BK兩邊都有睇，睇到個分別係同一個topic, 同一個話題，個邊既留言係批評多，更難聽都有，呢度或有少許意見不同，但都係善意同埋理性咁討論
我冇政治取向，但發現藍人其實好多都係自私精，永遠都係由自己角度出發
咁你真係可以留意下，頭先有其他會員幫我補充番，原來除左自私，on 9，仲有話人生仔係黑心，冇腦等形容詞。唔係話你咁講，只係頭先見你話提出反對同指責係冇分別，想講番係有分別。
我都同意呢到係比較和諧，bd>連登>>>bk，我諗應該冇人會反對呢個排名。不過同希望唔指責同路人好似冇乜關係。
講番連登，其實我都有玩。間唔中都會見到有連登友自嘲連登好似活係平衡時空。不過呢個題外話，好似已愈講愈遠。
仲有留港生仔係罪添。
呢排睇連登，好似多左啲父母user，都唔係一面倒生仔正仆街comment嘅
所以就係話每人標準唔同，我地連第一round乜嘢係黃都已經有好唔同既睇法。
我都有朋友係公務員，宣左誓。但由運動開始我睇住佢去遊行，課金，仲有其他嘢唔講了。佢有現實考慮唔辭職，我接受到。
相反我有朋友移左民，除左上網鬧2句，間唔中見佢係gp 到串公務員朋友，其實我心諗，佢更加冇實際幫助…
6個讚
我唔知比例幾多，但起碼一路碌落嚟2百幾個留言大家都會提出論點，同時地都會不停俾人鬧。
所以做得父母嘅generation 同班後生仔諗法係有分別，上連登亦都係接觸年輕人嘅其中一個方法（不過我只能做cd-Ron 齋睇），好過去公園問小朋友。
1個讚
鬧既都係鬧講人生仔係自私冇腦on9黑心etc既會員，正常留言提出生仔有咩唔好既唔好對號入座。事實我自己都有話好多憂慮就唔好生，唔通我鬧埋自己咩。
1個讚
教不敢當。
我明後生一代當On 9/on L呢啲terms好平常(講到自己好老咁)。
我同我仔面對面時都會咁講，但因為面對面，有 body language同語氣搭救，令人誤會嘅機會會少啲。
講理據，講道理時，用正面嘅辭句，唔好用負面嘅。例如：小粉紅，港豬，廢老，廢青，自私精、忍心生下一代。
語氣：咩你唔知？你唔係香港生活？睇咁多新聞，你冇心痛，冇感覺？
如果真係not sure which one 係負面，問下自己，自己俾人咁叫/評論會唔會唔開心？如果自己都接受唔到，咪唔好用。
我知好多人心臟強大，EQ又高，但唔係所有人都係咁。
我自己都係EQ低嘅人，有時都會用咗負面嘅語氣，但因為我係用手寫覆po，寫完之後我會唸多一次，通常會發覺有啲用字唔太好，我會改咗先po(不過唔係次次都咁理智
)
我認我對呢度嘅人要求高咗，因為係BD not BK。
上面有個sis將個情景用a/b形象化出嚟，我覺得佢嘅例舉得好好，我唔得。
多謝你俾機會。共勉。
2個讚
只靠連登接觸年青人係有偏差的，因為唔會知係咪真係年青，同埋好可能背景都係相似。如果想認識唔會俾自己filter走嘅事實，梗係行出街好啲啦。
1個讚
其實唔算嗌交。都唔算閙人。
題外話：
2019年初時，我唔明點解個個將“兄弟爬山，各自努力”掛在口邊，之後明白了。
依家更加體會呢8個字。大家加油!
4個讚
所以上網嘅睇完再思考下過慮下，等如上面嘅問題，你覺得唔係問題，咪skip。
我記得有次喺到睇到有人post 咗新聞講劏房狀元考到入大學好勵志，轉頭上連登d 後生仔講自己住公屋無房無書枱阿媽一叫食飯做緊project 要清哂飯枱嘅電腦、書⋯⋯團火都撲熄著唔返。
咁居住環境對小朋友嘅成長緊唔緊要呢？
呢個就係部分為人父母、同部分年輕人想法嘅分別。
大家睇法唔同，如果仍然覺得無問題嘅，就睇小朋友大個嘅做化。
1個讚
呢個我認同，當初由高登追到去連登，連登去bk，然後黎bd。咁多年黎由死靚妹變左做媽媽，角色唔同左心態諗法都好大分別。而家既連登小朋友，同當年我自己做年登小朋友時諗法都好唔同。暫時觀察到比起唔移民生仔，好似更多人介意窮人生仔。
1個讚
我唔明個問題係咩，人地家庭嘅事我唔會judge，只求自己提供到適合環境俾小朋友。同樣，有新移民嫁阿伯生仔搏上公屋，同決定生唔生冇乜關係。
唔好話討論區，全世界就係咁，好難要求所有人嘅意見、用詞、語氣都乎合自己要求。
你覺得有人講嘢好負面，但我覺得佢哋mean 我有道理，大家睇法唔同。
2個讚