認同
我覺得樓主大壓力到喊正正係因為好想開始準備生bb 但諗唔到點解決現有問題。
樓主自己係prefer 喺香港生，但係係人都話「喺香港生仔正仆街」，所以搞到自己勁痛苦。
我都係走唔到，我行嘅係國際學校路，我都知呢個唔係最好方法，但如果可以平衡咁多嘢而令自己冇後悔唔生仔，都係一個可以考慮嘅方法呀。
知道呢個suggestion 喺呢個forum 應該係屬於unpopular opinion，但各人考慮唔同，我喺長老同細路之間選擇咗長老，我open to 其他意見，但希望大家比意見都唔好比得咁harsh 
負擔唔起國際學校
生
生咗就會行到條路出嚟
點解有咁嘅諗法？我教會嘅人主動去煮野食比個嫁左外國人嘅坐月媽咪，又會帶老人家睇醫生、覆診，仲有好大嘅人際網路，介紹到GP、牙醫、園藝師、裝修etc嘅人比你識，仲會因為你未信而更加用心對你，但你又唔會覺得有壓力
（佢地好有技巧，因為唔想令人覺得唔好意思而拒絕接受幫忙）
想要同聲同氣嘅support，返church啦。
要走呢一兩年好走（救生艇唔會長開），一年後已經唔知咩世界，要生都係呢一兩年好生
我又假設你唔走，咁你要衡量：
留低生但個細路讀本地學校又要谷又要被洗腦，成個香港大陸化
vs
留低唔生但你老咗會後悔，羡慕人哋天倫之樂
問自己邊樣痛苦啲，揀個冇咁痛苦冇咁令自己後悔
兩個都equally痛苦就移民先生，但你要有錢及有決心，冇就要肯好辛苦地捱
最緊要有條後路俾小朋友，第時佢大個都有得揀。喺香港生唔係仆街，但計劃要周長，諗長遠d，萬一新疆化前都有得走。
如果移咗民先生，會唔會可以飛長老過去幫手幾個月？或者其他退咗休嘅親戚？
可能你去啲多香港人嘅城市，有個圈子，會搵到幫手呢…？都好多人會想搵 part-time 㗎嘛，例如我
新疆化前，而家已經係
佢可以一夜之間宣佈所有passports無效，要本新嘅，根據你健康碼同社會信用評分，去過黃店低分，冇去投票低分，一星期冇食過美心更低分。低分就永遠都唔使諗攞到本護照
去到外國，發現湊仔易左好多。除左無工人，一切配套都完善d，托兒班好多，功課無咩，玩既地方好多，煮食一焗就得，洗碗用機器，好少塵唔洗點抹。
可以移左民先，到時再諗生唔生
如果小朋友病左發燒果啲點算
外國睇醫生冇咁方便？
係英國，佛系心態，病左唔需要睇醫生，係屋企就會好～
我細仔岩岩中左covid, 都係好少既事，係屋企訓下就得
外國好多香港人，你放膽去識啦
如果係咁嘅, 不如考慮下佛系, 有就有, 無就無
唔特登計日子又唔特登避孕
如果BB係要嚟搵你嘅就係你嘅
咁外國都有好多小朋友，佢哋都會病。
外國主張食多d 生果、飲水、出去吸新鮮空氣，係好老土，但好work。仲唔使食咁多藥落肚。
你去外國，就要放低香港嗰一套。
如果講緊bb發高燒果啲呢？
唉，你真係諗太多野。
我答左你呢個問題，你後面仲可以有50條問題，唔會答得完。又好多野仲難搞過BB發燒，例如有無工，有無學校，有無地方住。
如果係香港唔會生，就移左民先諗啦。移左民，你就會有答案，到時再決定生唔生。諗得黎你就錯過曬時機。
答返上面問題。英國有醫生睇，不過細病醫生會叫你自己去藥房配藥，唔會好似香港咁下下見醫生。
一樣，除非去到抽筋、昏迷，其實發燒好小事。
學下面話齋，你擔心得太多，你移民都移去已發展國家，唔係第三世界。
而家睇醫生打個電話就得，連診所都唔洗去，用email開藥。當然可以面診，booking啫。外國醫生會睇好耐，問得好清楚，講聲瞓唔到會同你驗血，經常失眠直頭refer去見心理醫生
全部唔洗診金（藥要自己買），政府包，化驗唔洗錢。
我住嘅地方，家庭醫生、牙齒、跌打、針灸、心理醫生、兒科醫生、言語治療師、中醫、物理治療師、x-ray/ultrasound人員都有香港人做。
如果你擔心咁多，更加唔好喺香港生，你個細路touchwood要入勞動營，父母冇得探，冇得干預
唔信？自己搵片
我覺得樓主顧慮太多，諗得真係多過行動好多
純粹個人諗法，覺得樓主有BB後壓力會好大
路係人行出黎，唔行又點開路呢
不過生BB責任係好巨大嘅，我自己睇埋外國長大嘅朋友嘅生活，鍾意小朋友嘅我都唔想生