療癒師作家 素黑
3個讚
hkpopculturelover 《作品的說話》姜濤
用作品說話一直係姜濤最令人深刻既說話，佢以前既歌亦有將自己故事講出，令樂迷透過作品了解佢既內心。而新作《作品的說話》更進一步，講反戰，講世界和平，非常有意思。
歌詞講到參與戰爭既人，本身應該過咗同我地一樣既生活，但戰爭令佢地要喺烽煙中求存。而幸運地無受戰爭波及既世人，即使唔一定可以改變世界，但都應該盡我地所能出一分力，提醒人類之間應該要善良相待，希望世界唔會再有戰爭，一齊追求愛與和平。
MV由一開始已經富有電影感，外面炮火不斷，主角置身於廢墟，入面發生既事就係戰爭下既縮影，戰爭其實只會帶嚟災難，無一個人受惠。而最尾群舞比我感覺非常震撼，加上造型同音樂，好似睇緊大型音樂劇，更加睇到一種團結，想為大家帶嚟希望。當說話好難講出一啲事情同思想，藝術往往就係最好既媒介，而依首作品成功做到。
姜濤今次繼續同Gareth.T、小克合作，曲風同歌詞延續上首作品《鏡中鏡》既風格，比較多短句，介乎唱同讀歌詞之間，歌詞需要大家細味先會明白。再者，《作品的說話》藝術成份重，唔容易入口，同主流廣東歌唔同，坦白講未必個個會鐘意，但姜濤願意冒險作出嘗試，做自己喜歡既音樂。
出道幾年間，姜濤已經出咗超過十首作品，唔同類型都有，個人風格突出，每首都有說話想同大家講。今次目光更遠大，年輕輕輕已經想透過自己既影響力同作品宣揚和平，令人欣賞佢既勇氣同想法，或者依個就係佢吸引到咁多fans既原因，相信之後佢會繼續用作品說話，未來一定會帶更多有意義既作品比大家。
我明白有一批樂迷未必喜歡姜濤，因為佢的確有唔少地方可以再進步，好似咬字同唱功既穩定度，但無可否認既係佢為香港樂壇帶嚟一股新力量，亦令更多市民重新留意廣東歌。希望佢未來既作品會繼續為自己，為香港，甚至為世界說話。
2個讚
新歌頭幾日的走勢我會特別留意，想了解受歡迎程度，今次姜濤歌曲有史以來頭幾日上view數最快，反映非常受關注，上次鏡中鏡頭幾日D view數上得慢好多。
3個讚
呢個“動態”chart解釋到邊個真正最受歡迎，Chill Club 係甘壓制姜，抬起其他歌手，數字反映事實。
1個讚
smartposthk 【姜濤反戰新歌獲高評價 學者沈旭暉：新一代音樂人能夠carry國際視野 令人看到未來的希望｜《作品的說話》MV上架48小時破200萬點擊】
姜濤新歌《作品的說話》講述反戰、宣揚愛與和平，4月30號晚推出由姜濤自編自導自演嘅MV，上架短短48小時已經衝破200萬點擊，勢如破竹。
23歲嘅姜濤年紀輕輕，已經用歌曲、MV帶出戰爭嘅傷害，姑勿論歌曲旋律或者佢嘅唱法係咪你杯中茶，事實呢首歌好有意義。MV入面出現嘅相片——1945年廣島原爆後嘅黑白相、1971年John Lennon灌錄嘅反戰名曲《Imagine》、1947年Anne Frank喺密室中撰寫嘅《安妮日記》、1989年塌下至今仍於柏林圍牆遺址延綿萬里嘅七彩塗鴉、Gerald Holtom喺1958年利用旗語設計後來成為反戰象徵嘅著名反核符號，以上五件藝術品，已經係一種說話，反映著人類歷史之路。
學者沈旭暉喺專欄提到，姜濤喺生日發表《作品的說話》，開宗明義以反戰為主題，MV所提到嘅五種藝術品，令反戰主題巧妙地有價值觀承載，姜濤無疑係有國際視野，「新一代音樂人能夠carry這視野，又能點到為止地啟發樂迷思考，在這個時代，無論是否『虛火』，都已功德無量，令人看到未來的希望。」
曾獲年度藝術家獎（文學藝術）嘅香港文學作家董啟章，年初曾撰文講述姜濤嘅《鏡中鏡》，讚賞歌曲將心智轉化嘅深奧哲理融入流行文化，係好精采嘅意境。到今次《作品的說話》，董啟章喺社交平台分享呢首歌並形容：「香港流行曲去到這個層次和水準，令人激動。在二十三歲生日當天發表這個作品，用作品說話，呢個後生仔唔簡單，We are proud of you! Keung To! 」董啟章又喺「虛詞」專欄，以題為「姜濤的光速演化」陳述《作品》，指該曲元素多，電影感同劇場感融和，敘事同歌舞混然一體，展現出姜濤整體藝術嘅把握力，係一個層次嘅躍進。以藝術「默默地提示人類善良」，一個23歲嘅偶像歌手能達到超越自我嘅悟係非常了不起。
商台DJ楊樂笙講到明欣賞Mirror各隊員，佢哋情歌唔多，但講成長、迷惑、原諒，有講人生道理，又有講世代矛盾，每首歌都有明確目標同清晰思想。對於姜濤新歌，佢估唔到會講反戰，「我讀歷史，自然清楚知道戰爭禍害，歷史書上草草幾筆，不知由多少鮮血所寫成。感謝姜濤肯用自己嘅話語權去回顧歷史，感謝姜濤令更多人關注國際大事。23歲，仲自己做埋導演，酸民大可以繼續做鍵盤戰士反佢，但姜濤早已向更大目標邁進。」
療癒師作家素黑，亦有分享《作品》一曲，同時發文：「擁有轟動全城能量的23歲平凡男孩，作為香港歌手和年輕人，姜濤的關懷，烙印了他劃時代的影響力。謝謝你，謝謝你們。」
填詞人小克為《作品的說話》寫詞，有網民發現，MV description位置、放歌詞嘅擺位好特別，有如一幅拼圖，頭五段歌詞拼埋仲好似「PEACE」，唔通呢幅歌詞圖暗藏玄機？小克就回應：「黐線！冇咁癲啦！雖然我真係有諗過拼⋯⋯但拼唔到。」
2個讚
平時睇MV都唔會睇到最後的credit, 但「作品的說話」係會吸引到我每次都看到最後，最後credit出的歷史相片同配樂都做得非常好，令首歌帶出的message更完整
很喜歡這句 #讓說話留在善良的溫度裡
5個讚
佢真係好難得，甘忙仲要自己做埋導演，拍出來效果又好唔錯，姜濤構思歌曲題材，大大小小自己組織，自己導演拍mv，帶出重要message，引起各屆共鳴，呢d遠比只有靚聲重要，睇呢幾日kol 的反應係排山倒海，非常誇張。
2個讚
Top15有4首都係姜濤
2個讚
Gareth T. IG post
2個讚
鏡中鏡頭幾日 d view 比DMF上得慢
仲勁過DMF ?
係！呢首新歌好多人鍾意！同埋姜似乎越來越搵到自己條路，影響力越來越大。
1個讚
對，破咗紀錄，相信有好多人關注呢首歌，所以有興趣去研究下MV製作及內容，認同姜歌藝還有進步空間，但年紀輕輕咁有遠觀，值得大家欣賞鼓勵 
5個讚
睇評論都感動到想哭
姜濤真係好叻仔
4個讚
新歌Youtube like數短短兩日已經過咗鏡中鏡
2個讚
估唔到張堅庭對姜濤有咁高嘅評價
6個讚
今日返工break time我開住呢首歌聽，英國同事話好好聽，我介紹佢地睇MV有英文caption, 佢哋話首歌message好好，feeling soft and peaceful, very nice song
7個讚
一位梅艷芳歌迷的IG post
我不是姜糖，不過想為姜濤說句話。
如果你是香港人，這個年頭沒有聽過姜濤這個名字，或者說姜濤沒有一首歌是街知巷聞的話，大概是你聽的歌未夠多未夠廣，或者是你住在深山裡不食人間煙火，更甚或是你固步自封，寧願抱殘守缺都不願看到一線曙光。
我知道姜濤這個人不過是這一兩年的事，無非是因為姜糖們聲勢浩大的應援和鋪天蓋地的廣告宣傳，在此之前我連香港有隊組合叫 Mirror 都未曾聽聞。怪只怪我老土，實話說早幾年我很少聽廣東歌，榜單裡頭十首歌，不，是頭二十首歌我有聽過兩三首已算是很不錯，那幾首更只不過是陳奕迅容祖兒張敬軒，那時我算是徹底離棄了廣東歌。
後來發現原來香港有個「好紅嘅𡃁仔」叫姜濤，自然開始留意一下，看看他紅在哪裡。不要怪我有話直說，他歌唱得不過爾爾，但舞跳得好，又長著一張討好的俏臉，說話不算流利但很真誠。很多人質疑姜濤憑什麼紅起來，我看倒是紅得挺合理，他就是一個標準流行偶像的模樣啊。
姜濤是真的很紅，不由得你否認，每天給洗版洗到連我這個深山老土人都略有認識，甚至多少因為他而再重回廣東歌的世界。姜濤的每一首新歌我都有聽過，因為 FOMO，因為潮流所趨，唱功雖然未算上佳，但聽得出每次都有點進步，近日的新歌更是香港樂壇少有的反戰題材，一手包辦 MV 編導實在是叫人另眼相看，姜濤有心做好是不容置疑的。姜濤上電視上頒獎台我會看看，因為他有種天真的熱誠。當他說要帶領香港樂壇成為亞洲第一時，被很多人笑話，笑他自大，笑他不自量力。當他心累到說幾年後要退隱，又被人笑他懶惰，笑他未紅先言退。我看在眼內，替他不值，因為他有時讓我想起梅艷芳。
不是要比較，但大家知道梅艷芳初出道時也是受千夫所指八方抨擊嗎？人們看不起她的草根出身，看不過眼她的離經叛道，你想像得到的負面新聞她都承受過。你知道梅艷芳出道兩三年已經常常說要退出娛樂圈嗎？當然她是由四歲開始表演生涯不能同日而語，但活在透明玻璃箱的壓力今時不比往日小。這些崎嶇她都咬緊牙關一一踏平了，明槍暗箭下她仍然保持初心做好本份，多少冷嘲熱諷撲面她還是紅了，紅到最後成了 icon 成了 legend。
我沒有深究巨星是如何煉成的，但所有巨星肯定都有一個起點，而起點總是圍滿荊棘，能否走出起點，如何走出起點，能走多遠，能走多久，就視乎你如何用作品說話、用人格說話。至少二十三歲的姜濤已經明白這一點。
照片裡的梅艷芳，二十二歲，首次在紅館開個人演唱會，一開十五場。一切沒有捷徑，沒有花假，沒有偶然，梅艷芳也是用作品說話
7個讚
加拿大A1流行榜2022 我最喜愛歌曲 第一季 季選
大家記得投姜濤 ft. AGA - I Know
deadline : 8/5
投票網址 https://www.a1chineseradio.ca/thc2022s1/
P.S. 唔明點解冇鏡中鏡 
1個讚