原來仲有柏林圍牆, 反核符號
2個讚
《Channel音樂》姜濤自編自導自演反戰新歌《作品的說話》
為自己及歌迷送上最真摯的禮物
MIRROR成員姜濤今天23歲生日，特別為樂迷送上驚喜，推出新歌《作品的說話》。今次也是他繼《孤獨病》後再次執導演筒，拍攝以反戰為主題的MV，製作之龐大，使姜濤在整個製作過程中廢寢忘餐，不過卻甚有滿足感！
《作品的說話》的誕生，源自姜濤看到近期一些戰亂照片，想到其實每個人本來都是活生生的，生前好幸福，他想像不到若戰爭發生在自己身上，會是怎樣的一回事，所以就產生《作品的說話》的創作意念，並以他常說的「用作品說話」作創作的出發點。
姜濤表示，歌名是小克突然想到的。他說：「歌詞方向大改，第二次寫好後小克話用《作品的說話》做歌名，我覺得幾好。大家望落以為今次又係講啲好personal嘅嘢，但其實《作品的說話》係一首關乎所有人嘅歌，用我自己成日講嘅一句說話『用作品說話』去講戰爭——我哋無論乜嘢種族、級別，都一定唔想要有戰爭。」
為配合歌曲反戰內容，姜濤想到以戰亂避難所作背景，以當中的故事帶出反戰訊息。MV在一個荒廢了的商場拍攝，並找來過百臨時演員參與演出；開場一幕又加入CG效果，是不論MIRROR或是其他Solo隊員都未曾試過的鉅大製作。
姜濤分享：「呢個商場就係呢個世界、地球嘅縮影，喺入面發生嘅一切，例如爭食物、祈禱、爭拗等，都會喺有戰爭嘅地方發生。」MV中姜濤扮演其中一位難民，逃走到商場入面，以其視覺觀察裡面的人生百態。姜濤說：「喺商場入面會見到好多殘酷嘅事情，但其實所有難民都唔係敵人，冇人係敵對，大家都係無辜者，但結局就好殘忍。」
姜濤希望藉著MV告知大家這個世界發生的故事，更希望宣揚Love and Peace訊息。為拍出想像中的世界，姜濤自己構思故事，再自行執導，實行自編自導自演MV，一腳踢。
姜濤再分享：「我唔係話其他導演拍得我啲MV唔好，純粹係自己多諗法，但可能好多時候唔係百分百按照我嘅諗法去做，所以今次不如試一試，睇下可唔可以實行到，由度故仔、Camera Movement、分鏡、都想自己參與多啲，會更加有歸屬感，同時亦睇下自己有冇呢個能力，算係一個小挑戰。」
相比起上次執導《孤獨病》，今次製作《作品的說話》歌曲與MV的過程其實相當艱巨，因為姜濤總是希望自己的歌能緊貼時勢，或緊貼時下發生的事情，所以整個概念是在3月中才萌生，但又要趕及在今天生日推出作品，實在不容易。話雖如此，姜濤在整個Project上都十分上心，每個細節都認真參與。他解釋道：「每個Moment都要釘住所有Schedule，唔可以Miss任何環節，如果唔係就唔知道鏡頭發生咩事，所以會比較攰，唔似得淨係做歌手、演員，埋位先關自己事，而家係自己Call自己埋位，同埋要趕進度，所以要同大家講『快少少』。」
不過姜濤並無後悔肩負起這個重責，更說：「為咗自己嘅作品，辛苦都係值得，觀眾聽到、Get到我哋想帶出嚟嘅Message，就係一個最好嘅回報。」他更笑言與製作團隊都十分期待MV出街後觀眾的反應，更笑言團隊有個口號，就是希望MV能夠「創造歷史」。
《作品的說話》MV尾聲部份，迎來姜濤與一個只有5個月大的BB合演的場面，姜濤解說這一幕的重要性，道：「BB嘅出現係想話俾大家聽，為咗我哋嘅下一代唔好再有戰爭。」而在拍攝期間，姜濤抱起BB逗對方笑，一臉慈祥，但原來這是姜濤第一次抱BB，他笑說：「BB真係好得意，望住佢隻眼嘅時候，如果俾到友善Message佢，佢都Get到，真係好神奇！」
來到23歲的生日，當然免不了要問問姜濤的生日願望，他毫不猶豫道：「當然係世界和平。」
2個讚
Miss左
我覺得有機
2個讚
隧道唔係人人受惠
1個讚
今日再聽覺得好好聽！
3個讚
我尋晚再聽
終於明白點解覺得首歌悶
因為成首歌好monotone
佢啲歌真係要慢慢聽多幾次，先聽到有味道。
佢可以情情塔塔嘅歌，sell自己個樣去賺錢，但佢冇，每一首歌都有msg 真心欣賞佢
6個讚
4.30生日
重溫姜濤勵志 謙卑金句
3個讚
我欣賞佢呢首歌嘅背後理念同想帶出嘅message
但呢首歌執行上唔得
1個讚
今日條街無嗮人，所以尋日係姜濤帶旺經濟。
2個讚
本來唔信尋日cwb全都係姜糖
但今日場面差好遠 
3個讚
睇IG見到有姜糖專登去Sogo對面嘅餐廳食飯
坐窗口位對住姜濤廣告食飯 
2個讚
一早已昅住導演個位
2個讚
作品的說話20個鐘已經1M view！！
3個讚
大家繼續enjoy 個MV, 繼續衝 
3個讚
很感動！小克 Maggie和很多前輩都咁認同欣賞姜
4個讚
原來姜濤好有導演既天份
Maggie 導演寫的：
關於今次呢個作品，我有啲唔知邊度講起。我以為 #人類群星閃耀時 之後，我唔會再落場做監製，今次亦都係我第一次確確實實幫一個人做佢嘅執行導演，幾乎從頭開始完全實現另一個人腦裏面諗嘅嘢。
做人哋嘅執行導演同埋自己做導演真係唔同，藝術表達向來係一種選擇，並無絕對。我覺得如果係我哋平時自己執導咁樣去做呢隻歌，老實講我未必會咁樣拍，又或者咁講我未必有勇氣咁樣拍（因為今次真係實行緊一樣好大規模而且好高難度嘅嘢）。但當姜濤搵我好堅定咁講佢要咁樣做呢個MV而我知道我個角色係負責幫助佢嘅時候，我選擇相信佢。例如我都有懷疑過咁樣擺個BB喺到拍得唔得，好唔好睇，但佢同我講佢想講下一代，佢想講嘅係傳承，為咗我哋嘅下一代我哋更加唔可以忘記愛。
結果佢係啱嘅，呢個作品證實咗佢好多諗法都係啱，又例如opening 嗰個long shot，佢要拍然後佢話後期要做環境聲唔入歌，開會在座好多人都反對，但佢話呢個真係佢腦入面嘅畫面，到頭來我都覺得係佢啱。拍跳舞佢俾好多Reference 出嚟傾，分鏡佢好多意見，現場佢有佢嘅堅持，甚至到剪片嘅時候，佢睇跳舞真係叻過我睇。
5個讚