姜濤銅鑼灣出現
2個讚
姜濤誕｜AK提議下年包隧道錢 肥仔「大發慈悲」出靚相Po
2個讚
今日好多嘢睇，睇唔切。
4個讚
小克 IG
2個讚
踏入23歲 眾老友齊賀
姜濤生日快樂
1個讚
隻歌好有意思，但好似唔係好啱key
…把聲同音樂唔係好夾
1個讚
佢唔係唱大路歌風險係好大的，但甘代表佢獨特的思維及風格，慢慢欣賞會聽出味道。
4個讚
姜濤 快閃「姜濤灣」打卡
逾百姜糖驚喜尖叫
壽星仔姜濤啱啱10點半左右落咗「姜濤灣」打卡，仲開埋Live直播全個過程，歷時兩分幾鐘㗎，好珍貴！姜濤以招牌全黑打扮現身sogo附近，一落車已經令現場姜糖High爆尖叫，十足「動物大遷徙」咁簇擁住姜Admin，由於時間唔早，姜Admin都有示意大家唔好大聲尖叫，果然係一位體貼嘅銅鑼灣居民。由工作人員傍實嘅佢，直豎姆指打卡，但由於現場姜糖太驚喜，場面難免有啲混亂，直播中不斷聽到今日提名入圍百大型男嘅ERROR經理人濟哥慘叫，仲大叫「跌喇跌喇」，希望大家讓路，期間「網癮兒童」Edan都有加入睇直播，可惜直播中途開始冇聲，最後姜Admin打完卡就返咗上七人車！
到底現場嘅姜糖扶咗幾多阿婆過馬路，先可以咁Lucky撞到姜濤呢？
1個讚
逾百演員營造戰亂避難場景
姜濤自編自導自演宣揚反戰訊息
姜濤今日23歲生日，亦係佢推出新歌《作品的說話》嘅日子，MV啱啱都上咗架啦！今次係佢繼《孤獨病》後，再次執導演筒，拍攝以反戰為主題嘅MV，更加係自編自導自演一腳踢。
姜濤因為近期見到一啲戰亂嘅相，令佢覺得本來每個人都活生生嘅，可能生前都好幸福嘅，佢想像唔到如果戰爭發生喺自己身上會點，又因為佢經常講「用作品說話」，加埋一齊就變成第十胎啦。姜濤話：「歌詞方向大改，第二次寫好後小克話用《作品的說話》做歌名，我覺得幾好。大家望落以為今次又係講啲好personal嘅嘢，但其實係一首關乎所有人嘅歌，用我自己成日講嘅一句說話去講戰爭——我哋無論乜嘢種族、級別，都一定唔想要有戰爭。」
於是乎MV就以戰亂避難做背景，以當中故事帶出反戰訊息，佢哋去咗一個荒廢嘅商場取景，出動過百臨時演員，開場一幕又加入CG效果，係MIRROR同其他Solo隊員都未試過嘅大製作。姜濤介紹：「呢個商場就係呢個世界、地球嘅縮影，喺入面發生嘅一切，例如爭食物、祈禱、爭拗等，都會喺有戰爭嘅地方發生。」姜濤都係扮難民，逃走時見到人生百態：「喺商場入面會見到好多殘酷嘅事情，但其實所有難民都唔係敵人，冇人係敵對，大家都係無辜者，但結局就好殘忍。」佢最希望宣揚Love and Peace嘅訊息，23歲嘅姜濤仲有一個生日願望：「當然係世界和平。」
2個讚
真係要聽多幾次先得
專登去search有關«安妮日記»
2個讚
係關於安妮日記？我睇過套戲，關於Anna係集中營，我好鍾意套戲。
1個讚
MV最後有廣島核爆後嘅相，«安妮日記»作者Anna Frank張相，仲有一張係有關John Lennon(無認真睇)。
3個讚
首歌冇想像中咁沉重
曲編唱均帶出祈願希望的感覺
用第一次聽去比較，覺得呢首順耳過鏡中鏡
5個讚
你睇得好仔細！
1個讚
因為唔識咪search了解一下囉
3個讚
我覺得詞嘅內容幾好，不過好似好多字，要慢慢咀嚼。
3個讚
我同你感覺啱啱相反
我第一次聽"鏡中鏡" MV版就鍾意呢首歌
"作品的說話"聽咗兩次, 暫時覺得首歌幾悶下
Master Class 我都聽左一段時間先好欣賞，聽多左感受會唔一樣。
3個讚
姜濤〈作品的說話〉MV 6分鐘花絮 自編自導自演反戰新歌
1個讚
我今日帶左2個小朋友（6&3yr)出去過節
我女high到夜晚仲講緊今日有幾開心
係好好的親子活動
4個讚