個女大個左，自己個小朋友唔聽話，可能又會兜巴星落塊面到，又或者可能會用一生去治癒Lee個陰影，即係一下都唔會打自己個小朋友。
唔知係第幾巴⋯第一巴打落去，個女對媽咪嘅感覺已經唔同左，可能仲會對住你笑，但嗰個陰影，係永遠都會響到。
2個讚
其實小朋友都係人，都會有情緒，同大人一樣。你果刻對佢「唔友善」，佢咪會起鋼保護自己囉，情況同大人對住不懷好意嘅同事都會串串共一樣。
其實佢只係響錯誤時間發洩情緒，兼用錯表達方式，首先做大人要檢討係咪自己態度都唔好令小朋友都有反感，有道理唔代表可以惡架，然後先教返佢態度問題。
強權教細路仔，細個反抗唔到就唯有硬食，唔代表唔會懷恨在心。識駁嘴咁大個，比啲耐性同佢講下道理啦。
1個讚
你覺得小朋友唔尊重你，於是你用一個唔尊重佢嘅方式去表達俾佢聽你嘅不滿，好諷刺
3個讚
樓主放得上嚟，我諗你都係持開放態度去檢視自己呢次做法，負面影響相信你都睇到了，我哋為人母親唔係聖人，都會有情緒，亦會有不可觸及的底線，但出手一定係最差嘅處理之一，要諗清楚點修補，要同阿女好好傾吓，俾佢知佢點觸動你情緒，大家再互相承諾下次會避免重複犯錯，媽咪會學習唔好再咁衝動，俾佢知道你有幾重視佢。最重要嘅，真係唔好再出手了。好傷自尊㗎。
3個讚
上一次我叫佢借個ipad畀我睇少少嘢,佢唔鍾意就將個ipad掟落張枱度又掟眼鏡當時我已好聲好氣同佢講過,但冇出手
相隔一星期又係咁,有時真係忍吾到,我承認我係有錯
當然我放得上嚟亦接受各位的意見,多謝各位咁有心答我,剛才我已經同女傾咗,再次多謝各位
7個讚
其實你唔洗比佢大到，樹木有一部分的確係綠色
4個讚
有時同佢哋鬥吓嘴都係開心事
1個讚
1個讚
其實你有無諗過阿女咁樣係從你身上學返黎？我估你唔係第一次打佢，佢唔會打返你，但會用"暴力"解決問題，包括對你。好好同個女傾下，約法三章，大家互相尊重，雙方發少啲脾氣，平心靜氣同對方講野，我相信佢反而唔會成日駁咀同會聽教啲。
1個讚
今次正正係我第一次打佢，以往我都係説教，佢之前掟嘢，駁嘴，我都行開一邊冷靜或説教，但今次我已經忍吾到
3個讚
咁你要搵出咩原因點解佢唔開心就會掟野？屋企有人咁做過而有樣學樣？佢掟爛野唔使鬧佢話佢，不過唔會買返比佢，有時行動有用過講道理，要佢地設身處地諗吓同明白人地感受，佢地先明白。
樓主，我好明白有時真係會嬲到火遮眼，大人都會有情緒，尤其對住頂心杉，我諗都唔係一件半件事令到你郁手。
不過打一巴真係好傷，呢一巴都收唔返，唯有搵多d 機會修補，希望下次忍到手。
唔係個個一生完都識做人阿媽，何況小朋友個個階段都唔同，都有唔同嘅問題/麻煩。只有從錯誤中學習，共勉之
5個讚
打，其實係你想教好佢？
定自己發洩情緒？
小朋友幾大？
你咁樣、佢到teenage 尤其15、6 歲你照打嗎？
建議你平靜落嚟後，乜都唔好講，第一樣係同個女道歉，話佢知你打佢係唔啱、打佢原因係乜嘢…
可以話佢知你感受
一巴掌，老實說… 肉體加心靈，好甘呀
1個讚
樓上好幾個建議道歉, 但無見到你正面回應過, 只係話同個女傾左, 同埋佢同你道左歉… 佢而家14歲, 如果你真係仲珍惜母女嘅緣份同感情, 呢個謙一定要道, 而且要真誠. 道歉對於你可能係認低威, 但對於女女, 內心深處, 個message係, 媽媽仲好緊張我錫我, 可能佢都真係一時火遮眼, 無心之失… 會有分別架
其實打根本解決唔到任何問題
打…只係父母發洩情緒嘅行為
如果你連呢點都反省唔到，其實可以省略任何教養建議…
至於點同個女溝通+點去教個女，唔係打完個女+等個女1X歲先去學習
青少年時期，我相信樓主應該要好好思考下用「長輩mode」去教訓是否會work
如果樓主改唔到「長輩mode」同叛逆期子女相處，我相信以後類似事件會發生N次，你地關係亦會愈來愈疏遠
感覺樓主係覺得個女係呢件事上，係「抵」被打的
其實只係手腳慢冇落街，已經要被訓話，寸句樹木點會係綠色呀，就要俾人摑。
仲要14歲，通常呢個年紀角色早已調轉。
1個讚
呢個post跟左幾日，番工出街食lunch都特別留意樹，今日行近啲見到其實木上面會有青苔，所以真係會綠色嘅
如果樓主唔好咁著緊個女唔出街，個人心平氣和啲，就會識轉彎去笑番個女。
不過打邊到都好，都唔好打頭/打面⋯⋯真係好傷自尊心。
因為我份工比較忙，今日好多時間都喺度開會，所以未有時間回覆
睇晒各位回應，我同囡囡傾嘅內容好多，所以我先至話已經傾咗，並非刻意吾正面去回應
現在回應大家，我已經道咗歉，亦已經就呢一件事同女傾咗以後點樣處理，請唔好再著呢個問題追問我了，當然我亦接受大家嘅批評及意見，再次感謝各位有心嘅回應
8個讚
希望你唔好介意, 唔係針對, 只係著緊你小朋友, 同好希望你地可以和好, 就係咁啫 
3個讚